Carrick: Þetta var eins og í draumi

Miðjumaðurinn Michael Adrian Carrick hjá Manchester United er ekki þekktur fyrir að skora mikið af mörkum, en hann setti tvö í ótrúlegum 7-1 sigri United á Roma í Meistaradeildinni í gær. Hann sagði leikinn hafa verið draumi líkastan.

Þetta var stærsti sigur í 8-liða úrslitum Evrópukeppninnar í nær hálfa öld og Carrick var ánægðastur með það að liðið næði að halda dampi í sóknarleiknum í 90 mínútur. "Það var frábært að ná að byrja vel og skora mörk, en að halda það út í 90 mínútur var sannarlega draumi líkast," sagði Carrick sem var keyptur frá Tottenham á 18,6 milljónir punda frá Tottenham í sumar eftir að hann fór fram á sölu. Hann spilaði 70 leiki fyrir Tottenham á ferlinum og skoraði í þeim tvö mörk.