Páfinn minnist auðmýktar Jesú

Benedikt páfi þvoði og þurrkaði fætur 12 manna við hátíðlega Skírdagsathöfn í Vatíkaninu í dag. Athöfnin er haldin til þess að minnast þess hversu auðmjúkur Jesú var kvöldið áður en hann var krossfestur.

Í ræðu sinni bað páfi alla kaþólikka að reyna að hreinsa hjarta sitt. Hann minntist einnig á það að prestar þyrftu að leita að eigin göllum og leyfa trúnni að hjálpa sér að losa sig við þá.

Á morgun mun páfinn halda tvær athafnir til þess að minnast krossfestingarinnar. Þar á meðal er ganga í kringum Colosseum. Á laugardagskvöldið verður síðan páskamessa og á sunnudaginn mun páfi flytja ræðu sína „Urbi et Orbi" eða „Til borgarinnar og heimsins".