Utanríkisráðherra á ferð um Afríku

Valgerður Sverrisdóttir utanríkisráðherra heldur í dag af stað til Úganda þar sem hún mun hitta þarlenda ráðamenn og kynna sér starfsemi Þróunarsamvinnustofnunar Íslands í landinu.

Eftir því sem fram kemur á vef utanríkisráðuneytisins heimsækir Valgerður flóttamannabúðir í Pader-héraði í Norður-Úganda á vegum Matvælaáætlunar Sameinuðu þjónanna, en íslensk stjórnvöld styðja þar skólamáltíðaverkefni á vegum samtakanna. Frá Úganda heldur utanríkisráðherra svo til Suður-Afríku þar sem hún fer fyrir viðskiptasendinefnd á vegum Útflutningsráðs til Jóhannesarborgar og Höfðaborgar. Þar mun hún einnig funda með þarlendum ráðamönnum.