Mary krónprinssessa í fæðingu

Mary krónprinsessa Dana var lögð inn á spítala nú skömmu fyrir hádegi. Reiknað er með að nýr erfingi dönsku konungsfjölskyldunnar komi í heiminn seinna í dag.

Samkvæmt talsmönnum dönsku konungsfjölskyldunnar er Mary byrjuð að fæða og vonast menn til að tilkynna komu nýs erfingja seinna í dag.

Fæðingin var upphaflega sett á 3. maí næstkomandi og því er barnið tæpum tveimur vikum á undan áætlun í heiminn.

Danska blaðið BT fékk um síðustu áramót íslenska Völvu til að spá fyrir um kyn hins nýja erfingja. Spáði Völvan því að stúlkubarn ætti eftir að fæðast.