Tímaritið People hefur útnefnt Beyonce Knowles, Jennifer Lopez og Gwen Stefani sem best klæddu konur ársins 2007. Katie Holmes, Penelope Cruz, Jessica Biel, Cameron Diaz, Drew Barrymore og Reese Witherspoon eru auk þess meðal best klæddu kvenna á lista tímaritsins.

David Beckham, Johnny Depp, Brad Pitt og George Clooney eru efstir á lista yfir best klæddu karlana og eru Pitt og sambýliskona hans Angelina Jolie á meðal best klæddu paranna.

Victoria Beckham, Kate Moss, Lily Allen, Emma Watson og Kate Middleton fá hrós fyrir djarfan klæðaburð en þær tilheyra allar bresku deildinni.

Þær Janet Jackson og Kirsten Dunst hljóta aftur á móti þann vafasama heiður að vera verst klæddar á rauða dreglinum í ár.
