Sjálfsmorðsárás á lögreglustöð í Tyrklandi

Þrír létust í sjálfsmorðssprengingu á lögreglustöð í Tunceli héraði í Tyrklandi nú fyrir stundu. Óljóst er hver stóð að baki tilræðinu en kúrdískir aðskilnaðarsinnar hafa látið til sín taka í héraðinu.

Þann 24. maí síðastliðinn sprakk sprengja í miðborg Ankara, höfuðborg Tyrklands. Þar létust sex og um 100 slösuðust. Tyrknesk stjórnvöld hafa sakað aðskilnaðarsinna úr röðum Kúrda um að hafa staðið á bak við árásina en forsvarsmenn þeirra hafa neitað því staðfastlega.