Handtók menn fyrir að hækka verð á brauði

Simbabvebúar hafa búið við brauðskort í viku eftir að ríkisstjórnin greip til aðgerða gegn bakaríum út af verðhækkunum þeirra, sem eru til komnar vegna aukins framleiðslukostnaðar. Lögreglan handtók þrjá framkvæmdastjóra stórra matvælafyrirtækja á mánudag fyrir að hækka verð án samþykkis ríkisstjórnarinnar. Brauð er á lista ríkisstjórnarinnar yfir grunnmatvæli sem ríkið stjórnar verðlagi á.

Íbúar höfuðborgarinnar Harare þurftu í dag sem síðastliðna daga að standa í löngum biðröðum eftir brauði auk þess sem verðið á brauðhleif er komið upp í 140 Simbabvedali, jafnvirði tæplega 40 íslenskra króna, sem er okurverð fyrir fátæka Zimbabwebúa.