Nýtt lag með Ragnheiði Gröndal

Ragnheiður Gröndal hefur sent frá sér nýtt lag en næstu daga er hægt að sækja lagið endurgjaldslaust á tónlist.is í boði Landsbankans.

Lagið sem heitir "Pabbi, gefðu mér íslenskan hest" fjallar um draum barns um að eignast íslenskan hest. Lagið er er óður til íslenska hestsins en það er eftir Magnús Guðmundsson, söngvara hinnar goðsagnakenndu hljómsveitar Þeyr.

Texti lagsins er eftir Friðrik Erlings. Það er annar fyrrum Þeysari, Sigtryggur Baldursson, sem leikur á slagverk, Davíð Þór Jónsson spilar á píanó, Róbert Þórhallsson á bassa en Jón E. Hafsteinsson leikur á gítar. Magnús útsetti lagið sjálfur ásamt Eyjólfi Þorleifssyni en Finnur Hákonarson stjórnaði upptökum.