Peter Crouch vonast eftir sæti í byrjunarliði Englendinga

Peter Crouch, framherji Liverpool, vonast til þess að fá tækifæri í byrjunarliði enska landsliðsins í æfingaleiknum gegn Jamaica á laugardaginn.

Crouch stóð sig vel þegar hann kom inná í sigurleik enska landsliðsins gegn Ungverjalandi á þriðjudaginn og skoraði þriðja mark Englendinga í leiknum.

"Mig dreymir um að vera í byrjunarliði Englendinga á HM. En það er mikil samkeppni um stöður í liðinu og það eina sem ég get gert er að eiga góðan leik á laugardaginn og sanna fyrir þjálfaranum að ég eigi heima í byrjunarliðinu." sagði Peter Crouch. Englendingar leika sinn síðasta leik fyrir HM á laugardaginn gegn Jamaica og hefst útsending á Sýn klukkan 12:50.