Viðurkennir mistök

Sir Alex Ferguson, stjóri Manchester United, viðurkennir að hann hafi ef til vill hlíft eldri leikmönnum liðsins full mikið á síðustu tveimur árum og segir það erfitt þegar komi að því að leikmenn sem hafi verið í fremstu röð um árabil þurfi að víkja fyrir sér yngri mönnum.

"Ég hef reynt að hlífa eldri leikmönnum mínum við því mikla álagi sem fylgir því að vera í fremstu röð í þessari deild. Vandamálið er að ef þú ert með leikmenn sem þú þekkir orðið út og inn og ert orðinn vanur þeim, á maður það til að draga það að skipta þeim út fyrir yngri leikmenn. Það er erfitt að þurfa að taka menn út úr liðinu vegna aldurs, en það er nú einu sinni þannig að allir eldast og ekkert knattspyrnulið í heiminum hefur verið saman endalaust."