Henry fer til Barcelona

Fyrrum sóknarmaður Arsenal, Ian Wright, segist búast fastlega við því að Frakkinn Thierry Henry gangi til liðs við Barcelona á Spáni í sumar og tekur þar með undir áhyggjur stjórnarformanns Arsenal á dögunum.

"Ég hef það á tilfinninguni að hann muni fara frá Arsenal og ég verð að segja að ef ég væri hann, mundi ég líklega gera það sama," sagði Wright. "Það hvarflaði aldrei að mér að fara frá Arsenal á sínum tíma, en ég var ekki þessi alþjóðlega stjarna í fótboltanum sem Henry er. Ég varð fyrir áfalli þegar Patrick Vieira fór frá félaginu og nú sýnist mér sem Thierry Henry hafi einfaldlega gert allt sem hann getur fyrir Arsenal," sagði Wright.