Svasíland með augum Sigur Rósar

Ljósmyndasýningin Yfirgefna kynslóðin var opnuð í húsnæði verslunarinnar Liborius á Mýrargötu 3 í vikunni. Sýningin en haldin til styrktar UNICEF-samtökunum og eru ljósmyndirnar á uppboði meðan á sýningunni stendur.

Ljósmyndirnar eru teknar í Svasílandi og eru það ekki minni menn en meðlimir hljómsveitarinnar Sigur Rós, Orri Páll Dýrason, Georg Holm, Kjartan Sveinsson og Jón Þór Birgisson, sem eru ljósmyndararnir.

Félagarnir lögðu leið sína til Svasílands og beindu linsunum sínum að því sem þeir kalla Yfirgefna kynslóðin. Með sýningunni vilja þeir reyna að miðla áfram þeim djúpstæðu áhrifum sem ferðin hafði á þá. Margmenni var mætt á opnunina til að berja ljósmyndirnar augum.