Ivanov dæmir í Laugardalnum

Knattspyrnusamband Evrópu hefur gefið út hver dæmir leik Íslands og Danmerkur í undankeppni EM 2008 þann 6. september næstkomandi en leikurinn fer fram á Laugardalsvellinum. Hlutverkið fær hinn 42ja ára gamli Nikolai Ivanov frá Rússlandi sem hefur verið alþjóðlegur FIFA-dómari í sex ár. Í þeim þremur leikjum sem hann dæmdi í undankeppni HM 2006 gaf hann alls átta gul spjöld og ekkert rautt.

Honum skal þó ekki ruglað við nafna sinn Valentin Ivanov sem dæmdi leik Íslands og Þýskalands í Hamborg árið 2003 og fór mikinn á HM í Þýskalandi í sumar. Þá helst í leik Hollands og Portúgals í 16-liða úrslitum er hann gaf sextán leikmönnum liðannau áminningu og fjórum reisupassann.