Tugir teknir fyrir hraðakstur

Lögreglan á Akureyri tók tæplega þrjátíu ökumenn fyrir of hraðan akstur í gær. Þrír voru einnig teknir fyrir minniháttar fíkniefnabrot og þrjátíu útköll voru síðasta sólarhring sem tengdust skemmtanahaldi og ölvun.

Að sögn lögreglunnar er alltaf mikill erill hjá embættinu á 17. júní og kemur þar margt til. Bílaklúbbur Akureyrar stendur fyrir fornbílasýningu og götuspyrnukeppni þennan dag eins og undanfarin ár. "Þessir viðburðir hleypa upp töluverðri spennu innan þessa hóps og þess vegna erum við með sérstakan viðbúnað til að koma í veg fyrir hraðakstur," sagði varðstjóri lögreglunnar.