Walcott kominn til Arsenal

Unglingurinn Theo Walcott er nú formlega genginn í raðir Arsenal frá Southampton, en þessi 16 ára sóknarmaður er talið eitt mesta efni á Bretlandseyjum. Hann mun kosta Arsenal 5 milljónir punda fyrst um sinn, en talið er að Arsenal muni allt í allt greiða Southampton um 12,5 milljónir punda fyrir hann.

"Ég er hæstánægður með að vera kominn til Arsenal, þar sem ég fæ að spila með nokkrum af bestu leikmönnum heims á hverjum degi," sagði Walcott, en bætti því við að hann ætti eftir að sakna Southampton.