Yfirheyrður vegna annarar líkamsárásar

Varnarmaðurinn Ben Thatcher hjá Manchester City á ekki sjö dagana sæla um þessar mundir, en nú hefur lögregla hafið formlega rannsókn í kjölfar kæru ungs leikmanns úr röðum Blackburn, sem slasaðist illa í varaliðsleik eftir að hafa orðið fyrir alræmdum olnboga Thatcher, en frá þessu var greint í Fréttablaðinu á dögunum.

Thatcher stórslasaði leikmenn að nafni Ralph Welch hjá Blackburn í leik í febrúar og eins og fram kom í grein í Fréttablaðinu fyrir nokkrum dögum, slasaðist leikmaðurinn illa og hefur síðan verið látinn fara frá félaginu. Eftir að leikmaðurinn tilkynnti atvikið, hefur lögregla nú ákveðið að yfirheyra Thatcher, en hann á enn yfir höfði sér harða refsingu fyrir líkamsárás sína á Pedro Mendes í leik í ensku úrvalsdeildinni fyrir nokkru.