Haukar lágu naumlega fyrir Århus

Haukar töpuðu naumt fyrir danska liðinu Århus GF í C-riðli Meistaradeildar Evrópu í handbolta nú síðdegis, 28-27. Leikið var að Ásvöllum og var þetta fyrsti leikur Hafnarfjarðarliðsins í riðlinum. Haukar áttu góðan endasprett eftir að hafa elt allan leikinn en staðan í hálfleik var 18-14 fyrir Århus. Þegar skammt var eftir var staðan 28-24 en Haukar skoruðu þá 3 mörk og fengu tvívegis tækifæri til að jafna metin eftir það. Andri Stefan var markahæstur Hauka með 8 mörk, Jón Karl Björnsson 5 mörk en Árni Þór Sigtryggsson og Guðmundur Pedersen skoruðu 4 hvor.