Leita aðstoðar vegna hungursneyðar

Yfirvöld í Kenía og Sameinuðu þjóðirnar hafa farið fram á ríflega tveggja milljarða króna stuðning frá alþjóðasamfélaginu á næsta hálfa árinu vegna hungursneyðar sem ógnar um 1,2 milljónum manna í landinu. Eins og víðar í Afríku má rekja matarskortinn til þurrka, en síðustu ár hefur lítið í rignt í Kenía. Forseti landsins, Mwai Kibaki, lýsti yfir neyðarástandi á síðasta ári og þrátt fyrir að ástandið hafi batnað á sumum svæðum er enn stór hópur í hættu. Talið er að um 200 þúsund börn séu í hópi hinna þurfandi. Fénu sem Keníastjórn og Sameinuðu þjóðirnar hafa óskað eftir verður varið til matarkaupa sem Matvælahjálp og Barnahjálp Sameinuðu þjóðanna munu koma til þeirra sem svelta.