14 létust af völdum jarðsprengju í Kambódíu

Að minnsta kosti 14 Kambódíumenn létust þegar flutningabíll sem þeir voru í ók yfir jarðsprengju í norðurhluta landsins. Bíllinn var að flytja fólkið heim af hrísgrjónaökrum og létust 13 mannanna samstundis. Milljónir sprengja eru enn í jörðu í norðurhluta Kambódíu, en þeim var komið fyrir þar í þriggja áratuga borgarastyrjöld sem lauk árið 1998. Unnið hefur verið að því að eyða sprengjunum undanfarin ár en árlega örkumlast og deyja hundruð manna í landinu af þeirra völdum.