Aðsókn minnkar í úrvalsdeildinni

Forráðamenn ensku úrvalsdeildarinnar í knattspyrnu hafa nú boðað til sérstaks fundar til að ræða framtíð deildarkeppninnar, í ljósi þess að aðsókn hefur minnkað nokkuð það sem af er leiktíðinni frá því sem var í fyrra. Forráðamenn liðanna í deildinni hafa fyrst og fremst áhyggjur af því að auknar sýningar sjónvarpsstöðvanna og hækkað miðaverð hafi þessi áhrif, en þó hefur einnig verið bent á að viðburðir eins og úrslitaleikur Englendinga og Ástrala í krikket á dögunum hafi orðið til að draga úr mætingu áhorfenda á knattspyrnuvelli.