Moyes ögrar leikmönnum sínum

David Moyes, knattspyrnustjóri Everton, hefur ögrað leikmönnum sínum til að sýna hvað í þeim býr í grannaslagnum við Liverpool í kvöld. Everton hefur tapað tveimur síðustu leikjum sínum með fjórum mörkum gegn engu og nú þykir Moyes nóg komið af slíku.

"Það yrði okkur óneitanlega mikill léttir að vinna þennan grannaslag og ég er ekki gefinn fyrir að tapa eins og við höfum verið að tapa upp á síðkastið. Leikmenn mínir vita það og ég ætlast til þess að þeir bregðist við þessu. Ég vil sjá stórleik frá þeim og þeir vita það."