Ákveðinn í að hætta í vor

Alan Shearer, fyrirliði Newcastle, ætlar ekki að láta knattspyrnustjóra sinn Graeme Souness og stuðningsmenn félagsins hafa áhrif á ákvörðun sína um að hætta að spila í vor og segist ákveðinn í að leggja skóna á hilluna eftir þetta tímabil.

Shearer verður 36 ára gamall í sumar og Graeme Souness sagði í síðustu viku að hann óskaði þess að Shearer og Michael Owen yrðu áfram saman í framlínu félagsins á næsta tímabili, því fyrirliðinn sýndi engin merki þess að hann væri orðinn of gamall. Nú hefur Shearer hinsvegar tekið af allan vafa um framtíð sína. "Ég sagði fyrir tímabilið að það yrði mitt síðasta og það stendur," sagði Shearer.