Gerir hosur sínar grænar fyrir Chelsea

Karl-Heinz Rummenigge segir að umboðsmaður miðjumannsins Michael Ballack sé í sambandi við Chelsea og Real Madrid með það fyrir augum að félögin geri tilboð í leikmanninn þegar samningur hans við þýsku meistarana rennur út.

Ballack er sagður muni fara frá Bayern eftir að hann neitaði samningstilboði frá félaginu, en núverandi samningur hans rennur út í sumar.

"Umboðsmaður Ballack hefur boðið hann Chelsea og Real Madrid," sagði Rummenigge. "Ég á í góðu sambandi við stjórnarmenn þessara félaga og þeir hafa upplýst mig um stöðu mála."