Allardyce ekki örvæntingarfullur

Sam Allardyce, stjóri Bolton, segist ekki verða orðinn örvæntingarfullur í leit sinni að nýjum leikmönnum til að fá til liðsins. Eftir að hafa fengið Javier Borgetti frá Mexíkó hefur Allardyce ekki náð að semja við neinn leikmann. "Ég er að reyna eins og ég get að fara ekki á taugum og verða of örvæntingarfullur. Það er mjög erfitt að finna góða menn sem henta í þetta lið og eru á réttu verði," segir Allardyce. "Sumir stjórar falla í þá gryfju að fá til sín leikmenn bara til að fá einhverja. Ég ætla að reyna að komast hjá því að lenda í þeirri stöðu," bætti Allardyce við.