Sarah Jessica rekin

Tískufyrirmyndinni og leikkonunni Söruh Jessicu Parker hefur verið sagt upp störfum hjá tískufyrirtækinu GAP, en leikkonan hefur verið andlit fyrirtækisins undanfarin misseri. Í stað Söruh hefur breska söngkonan Joss Stone verið ráðin. Tímasetning uppsagnarinnar þykir að margra mati hneykslanleg enda er leikkonunni sagt upp í sömu viku og vorherferð hennar fyrir GAP fer í gang.

Sarah fer þó ekki slypp og snauð frá fyrirtækinu, því hún mun hafa rakað inn rúmum 38 milljónum dala á þeim tíma sem liðinn er frá því hún hóf leik í sjónvarpsþáttunum Sex and the City. Hún er hins vegar sármóðguð. "Það er ekki nóg með að Joss sé unglingur, hún er nánast óþekkt." Sarah hefði trúlega átt betur með að sætta sig við brottreksturinn ef stór stjarna hefði komið í hennar stað hjá GAP," er haft eftir vinkonu Söruh Jessicu Parker.