Inter yfir gegn Evrópumeisturunum

Inter Milan frá Ítalíu er komið yfir gegn Evrópumeisturum Porto, 1-0, í síðari leik liðann í 16 liða úrslitum Meistaradeildarinnar í knattspyrnu en leikurinn hófst kl. 19.45. Markið skoraði Brasilíumaðurinn Adriano strax á 6. mínútu með skoti innan úr vítateig en boltinn hafði viðkomu af Ricardo Costa í vörn gestanna. Liðin skildu jöfn 1-1 í fyrri leiknum í Portúgal og er því nóg fyrir Inter að vinna með þessum tölum. Leikurinn gat ekki farið fram á sama tíma og hinir leikirnir í 16 liða úrslitunum fyrir viku þar sem AC Milan, sem notar sama heimavöll, San Siro, lék þá heimaleik sinn gegn Man Utd.