Thatcher formlega stefnt

Mark Thatcher, sonur Margrétar Thatcher fyrrverandi forsætisráðherra Bretlands, hefur verið formlega stefnt fyrir aðild sína að valdaráni í Afríkuríkinu Miðbaugs Gíneu. Hann mun koma fyrir rétt 22. september næstkomandi. Thatcher var handtekinn í Höfðaborg 25. ágúst. Hann hefur neitað allri aðild að samsærinu og borgaði um 300 þúsund dollara tryggingu, til að dvelja áfram í Höfðaborg. Talið er að réttarhöldin verði opin en yfirvöld Miðbaugs-Gíneu fá að fylgjast með réttarhöldunum. Þá vilja þau fá Thatcher framseldan til landsins til að rétta yfir honum ásamt 14 öðrum erlendum málaliðum sem eru grunaðir um valdaránstilraun.