Rauðhært fólk í tísku

Fyrirsætuskrifstofur á Bretlandseyjum leita nú í sífellu eftir rauðhærðum fyrirsætum af báðum kynum. Þessi vaxandi eftirspurn er vegna aukins áhuga hönnuða á rauðhærðu fólki. Nú eru mörg verkefni í markaðssetningu og sýningu á fatnaði og vörum sérstaklega sniðin að rauðhærðum. Margar fyrirsætuskrifstofur kvarta sáran yfir þessari tískubylgju þar sem skortur er á rauðhærðu fólki. "Rauðhært fólk gerir sér einfaldlega ekki grein fyrir hve fallegt það í raun er," var haft eftir Lesley Middlemiss, eiganda fyrirsætuskrifstofunnar Tyne Tee Models.