Vefsíða sem lánar töskur

Vefsíðan bagborroworsteal.com hefur getið sér gott orð vestanhafs síðan hún opnaði í apríl á þessu ári. Á þessari síðu geta konur sem ekki hafa mikið á milli handanna en vilja samt tolla í tískunni leigt sér töskur af ýmsum stærðum og gerðum. Hægt er að leigja töskurnar í mánuð í senn og er verðið allt frá fimmtán hundruð krónum og uppí sjö þúsund krónur, allt eftir gæðum töskunnar. Á síðunni er hægt að finna töskur eftir fleiri en fimmtíu hönnuði og suma frægustu hönnuði heims eins og Vivienne Westwood, Gucci og Donnu Karan. Nýjar kannanir sýna að konur í Bretlandi eyða að meðaltali um þrjátíu þúsund krónum í töskur og því er þetta kærkomin lausn fyrir þær.