Sparnaður í stórmarkaði

Mörgum blöskrar verð á matvælum og skilja ekkert af hverju buddan er alltaf tóm eftir vikulegu ferðina í stórmarkaðinn. Væri ekki skemmtilegra að eiga smá afgangspening til að eyða í eitthvað annað en mat og nauðsynjavörur? Hafðu með þér innkaupalista og hafðu þessi atriði í huga: Borðaðu áður en þú ferð að versla. Fólk sem er hungrað kaupir yfirleitt meiri mat en það ætlar sér. Leggðu á minnið verð á vörunni sem þú kaupir oftast. Þannig veistu hvort það hækkar eða lækkar. Lestu innihaldsmiðann á vörunni til að vita hve lengi þú mátt geyma hana og hvað hún dugir fyrir marga. Kauptu aðeins það magn af mat sem er passlegt fyrir fjölskyldu þína og geymslupláss. Kauptu meira magn af vörum sem fara ekki til spillis og auðvelt er að geyma í langan tíma. Það gæti verið ódýrara.