Lífið

Söngleikur með lögum Magga Eiríks

„Hann er náttúrlega einn allra besti lagahöfundur landsins,“ segir Magnús Geir Þórðarson borgarleikhússtjóri, sem staðfestir að í undirbúningi sé söngleikur með lögum Magnúsar Eiríkssonar. „Það eru flottar sögur í mörgum lögunum hans og við teljum að það sé þarna efni í virkilega flotta sýningu. Hér er verið að velta upp ýmsum hugmyndum um hvernig er hægt að nálgast þetta á sviði. Svo sjáum við til hvað verður úr því.“

Lífið

Jólaþulir borða konfekt og kaffi

Guðmundur Benediktsson þulur er einn þeirra sem les upp jólakveðjurnar á Rás 1 í dag. Upplesturinn er orðinn fastur liður í jólaundirbúningi margra landsmanna og hefur kveðjunum rignt inn frá 14. desember, en hætt var að taka á móti kveðjum klukkan fimm í gær. Samkvæmt upplýsingum frá RÚV er fjöldi kveðja svipaður og hefur verið undanfarin ár og því ljóst að þjóðin nýtur þess enn að senda náunganum kveðju á öld sms-skeyta og tölvupósta.

Lífið

Kryddpíur fullar um jólin

Emma Bunton lýsti því yfir í samtali við Daily Express að um hver jól safnist kryddstúlkurnar saman heima hjá Victoriu og David Beckham, drekki slatta af víni og borði góðan mat. Þau syngi síðan með gömlum Spice Girls-slögurum.

Lífið

Sonurinn á spítala

Sonur Jon Bon Jovi var fluttur í skyndi á spítala í New Jersey. Ekki er vitað hvaða sonur þetta var en atvikið var ekki talið alvarlegt. Sökum fannfergis sem hefur truflað flestar samgöngur á vesturströnd Bandaríkjanna var kallað út snjóruðningstæki til að flytja son gallabuxna­rokkarans á sjúkrahús. Jon Bon Jovi á þrjá syni: Jesse sem er fjórtán ára, hinn sjö ára gamla Jacob og fimm ára gamla Romeo. Hann hefur haldið hlífðarskildi yfir fjölskyldu sinni og því hafa fjölmiðlar átt erfitt um vik að fá upplýsingar um hvað gerðist.

Lífið

Hatar jólin

Ozzy Osbourne verður seint sakaður um að vera jólabarn. Hann segir bestu jólin hafa verið árið 2003 en þá lá hann meðvitundar­laus á spítala eftir mótorhjólaslys. Í viðtali við breska fjölmiðla segist Ozzy hreinlega hata jólin og jafnvel gjafir frá eiginkonunni Sharon hjálpi lítið til.

Lífið

Briem í Búdapest yfir jólin

„Ég verð í Búdapest um jólin með kærustunni sem er þaðan," svarar Gulli Briem tónlistarmaður aðspurður hvar hann verður yfir jólin á Jól.is. „Við röltum á milli jólamarkaða, förum kannski á skauta eða í bíó og fáum okkur jólaglögg og Kurtös Kalács sem er einskonar konunglegt hringbrauð bakað á teini."

Lífið

Andlátið eyðilagði heiminn minn - myndir

Breski handritshöfundurinn Simon Monjack, sem giftist leikkonunni Brittany Murphy árið 2007, ræddi við fjölmiðla í fyrsta sinn í gær eftir að eiginkona hans lést síðasta sunnudag. Hann sagði sorgmæddur: „Heimurinn minn var eyðilagður í gær." Þá lagði Simon áherslu á að um var að ræða ósköp venjulegan dag í lífi þeirra hjóna daginn sem hún lést.

Lífið

Stjörnufans áritar - myndir

Prinsessan og froskurinn, nýjasta meistaraverk Disney, var forsýnd í Sambíóunum síðustu helgi. Eins og myndirnar sýna mættu Selma Björnsdóttir, Rúnar Freyr, Laddi og Egill Ólafsson á svæðið og árituðu plaköt fyrir krakkana. Þau fara með helstu hlutverkin í myndinni.

Lífið

Tjúttað á fullu um jólin

Tónleika- og skemmtanalífið í Reykjavík fer ekki í frí nema rétt yfir blájólin. Það er hellingur í gangi á Þorláksmessu og svo byrjar stuðið strax aftur á annan í jólum.

Lífið

Laddi gaf Jólasögu

Þórhallur Sigurðsson, Laddi, afhenti Barnaspítala Hringsins fimmtíu eintök af plötunni Jólasaga sem hefur að geyma tónlist úr samnefndu leikriti hans í Loftkastalanum. Áður hafði Laddi gefið Hjálparstarfi kirkjunnar tæplega eitt hundrað plötur og Barna- og unglingageðdeild Landspítalans átján, auk þess sem plötur hafa verið gefnar á Facebook-síðu leikritsins. Á plötunni, rétt eins og í leikritinu, bregður Laddi sér í allra kvikinda líki. Fyrirferðarmestur er þó Skröggur gamli sem hefur óbeit á jólunum en er gefið óvænt tækifæri í lífinu til að láta gott af sér leiða. Jólasaga er þriðja platan sem Heyr Heyr gefur út. Í fyrra gaf fyrirtækið út plöturnar Íslenskar þjóðsögur I og II og Icelandic Folk Tales.

Lífið

Lærir söng í Los Angeles

Gréta Karen Grétarsdóttir ákvað ung að árum að hún vildi leggja sönginn fyrir sig. Í dag stundar hún tónlistarnám við Musicians Institute í Los Angeles í Bandaríkjunum, en hún á ekki langt að sækja tónlistarhæfileikana því hún er dóttir Grétars Örvarssonar og frænka Atla Örvarssonar tónskálds.

Lífið

Íslensk leikkona leggur Danmörk að fótum sér

Stefanía Ómarsdóttir hefur heillað Dani uppúr skónum sem hin níu ára gamla Ásta í verkinu Seest. Henni er spáð miklum frama í dönsku leikhúsi og hún var á forsíðu Berlingske Tidende um helgina þar sem henni er hælt við hvert reipi.

Lífið

Misnotaði lyfseðilsskyld lyf

Leikkonan Brittany Murphy hafði tekið lyfseðilsskyld lyf við flensueinkennum í nokkra daga áður en hún lést úr hjartaáfalli á sunnudaginn. Fjölmörg slík lyf fundust á heimili hennar. Hún byrjaði að kasta upp snemma á sunnudagsmorgninum og sagði hún meðlimum úr fjölskyldu sinni að sér liði mjög illa. Murphy hneig síðan niður á baðherbergi sínu og var í framhaldinu flutt á sjúkrahús. Þar var þrívegis reynt að lífga hana við en án árangurs.

Lífið

X-Factor í stað Idol

Talið er að Idol-dómarinn Simon Cowell ætli að hætta í American Idol og snúa sér í staðinn að bandarísku útgáfunni af X-Factor. Sá þáttur hefur notið mikilla vinsælda í Bretlandi og telur Cowell að tími sé kominn til að finna honum farveg vestanhafs. „Það eru viðræður í gangi við forsvarsmenn American Idol og einnig um möguleikann á að færa X-Factor yfir til Bandaríkjanna. Engar ákvarðanir hafa verið teknar og ekki hefur verið gengið frá neinum samningum,“ sagði talsmaður Cowells.

Lífið

Valin á virta stuttmyndahátíð

Vefsíðan rikivatnajokuls.is greindi frá því fyrir skemmstu að stuttmynd í leikstjórn Hlyns Pálmasonar hefði verið valin á árlega stuttmyndahátíð í Clermont í Frakklandi sem er ein af virtustu kvikmyndahátíðum Evrópu. Stuttmyndin ber heitið Jóel og fjallar hún um unglingsstrákinn Jóel sem reynir að komast inn í krossaraklíku.

Lífið

Sigga og Móses í kvöld

Hljómsveitirnar Sigríður Thorlacius & Heiðurspiltar og Moses Hightower halda sameiginlega tónleika á Batteríinu í kvöld. Sigríður og hennar Heiðurspiltar hafa slegið í gegn á árinu, allt frá því að platan Á ljúflingshól kom út. Þar eru lög úr safni Jóns Múla sett í nýjan búning. Þetta verða líklegast síðustu tónleikar Sigríðar og Heiðurspilta í dágóðan tíma.

Lífið

Vill Tiger í Hangover 2

Todd Phillips vill fá golfarann Tiger Woods í framhaldsmyndina af Hangover. Eins og fram hefur komið í fjölmiðlum um allan heim komst núverið upp um framhjáhald Woods. Málið hefur valdið mikilli hneykslan, en golfarinn hélt ítrekað framhjá eiginkonu sinni og barnsmóður, Elin Nordegren.

Lífið

Fegurðardís afhenti plötu

Fegurðardrottningin Unnur Birna Vilhjálmsdóttir afhenti Jógvani og Friðriki Ómari platínuplötu í gærkvöldi fyrir góða sölu á plötunni Vinalög. Platan hefur selst í tíu þúsundum eintaka og er sú söluhæsta á landinu það sem af er þessu ári. Á plötunni, sem er tvöföld, syngur Friðrik Ómar þekkt færeysk lög á meðan Jógvan syngur íslenska slagara á færeysku, þar á meðal hið vinsæla Þú komst við hjartað í mér. Aðrar plötur sem gætu náð platínusölu fyrir jólin er Jólatónleikaplata Björgvins Halldórssonar og fjórða plata Hjálma sem hafa báðar selst sérlega vel upp á síðkastið.

Lífið

Sótti um skilnað

Tímaritið National Enquirer flutti í október frétt af því að Mathew Knowles, faðir og umboðsmaður söngkonunnar Beyonce, hafi feðrað barn utan hjónabands. Kanadísk kona hafði komið fram og sagst hafa átt í stuttu sambandi við Mathew og fór fram á faðernispróf til að sanna að Mathew væri í raun faðir barns hennar. Vefritið TMZ segir frá því að Tina Knowles, eiginkona Mathews, hafi sótt um skilnað eftir 29 ára hjónaband.

Lífið

Wood ekkert án Jo

Meðlimir hljómsveitarinnar Rolling Stones hafa ákveðið að gefa Ronnie Wood úrslitakosti, annað hvort hættir hann drykkjunni eða hann hættir í hljómsveitinni. Samkvæmt erlendum tímaritum var það fyrrum eiginkona Woods sem gerði honum kleift að sinna tónlistinni sem skyldi.

Lífið

Sex ára raftónlistarmaður

Isis Helga Pollock er sex ára gamall raftónlistarmaður sem semur tónlist undir heitinu The Form. Hún heldur úti eigin MySpace-síðu þar sem fólk getur hlýtt á tónlist hennar.

Lífið

Demi í hart við ljósmyndara

Leikkonan Demi Moore ætlar að draga ljósmyndarann Anthony Citrano fyrir dómstóla. Lögfræðingur Moore hefur sent Citrano bréf þar sem honum er hótað lögsókn dragi hann ekki ummæli sín um Moore til baka. Citrano benti á að svo virtist sem að forsíðumynd af Moore hefði verið ofunnin af myndvinnslumönnum tímaritsins W og því virðist sem hluta af læri leikkonunnar vanti.

Lífið

Leiður á heilsufæðinu

Tónlistarmaðurinn Keith Urban, eiginmaður Nicole Kidman, er sagður vera kominn leið á heilsufæðinu sem Nicole eldar á heimili þeirra. Leikkonan notar ekki sykur, salt, olíu eða smjör í eldamennskuna og er Urban oft sagður koma við á skyndibitastöðum, svo sem Wendy‘s, til að borða sig saddan.

Lífið

Fóru á stefnumót

Samkvæmt heimildum áttu Madonna og George Clooney stefnumót saman stuttu eftir skilnað söngkonunnar við Guy Ritchie. Parið hittist á vinsælum veitingastað í New York en stefnumótið var að sögn heimildarmannsins hrein martröð. „George hugsaði með sér „afhverju ekki?“. Madonna er vel gefin, metnaðargjörn og falleg kona, því ætti hann ekki að fara á stefnumót með henni? Þau snæddu saman kvöldverð í New York en kvöldið reyndist vera hrein martröð. Hún reyndi stanslaust að vera fyndin en brandarar hennar voru ekki að hitta í mark og vildi ekki ræða við George á alvarlegu nótunum. Hann gat ekki beðið eftir að kvöldinu lyki,“ sagði heimildarmaðurinn.

Lífið

Jackass í þrívídd

Johnny Knoxville og félagar hafa fengið grænt ljós á að framleiða næstu Jackass-mynd í þrívídd. Áætlað er að Jackass 3D komi út í október á næsta ári.

Lífið

Rage á toppnum í Bretlandi

Killing in the Name með hljómsveitinni Rage Against the Machine situr á toppi breska vinsældarlistans um jólin - 17 árum eftir að lagið kom út.

Lífið

Jólalyktin fær alla Íslendinga til að gubba

„Síðan þegar við erum komin heim klukkan sex er maturinn tilbúinn og lyktin sem kemur í húsið mundi örugglega fá alla Íslendinga til að gubba," útskýrir Jógvan Hanson einlægur í viðtali við Jól.is. Lesa viðtalið í heild sinni hér.

Lífið

Mest lesið