Lífið

Jackson Five saman á ný

Michael Jackson ætlar að kreista út nokkra daga í frí frá lögfræðistappi á næsta ári og skella sér í tónleikaferðalag með bræðrum sínum. The Jackson Five eru að skipuleggja tónleikaferðalag, sitt fyrsta frá því 1984. Jermaine Jackson greindi frá þessu í viðtali á BBC á mánudaginn. Jermaine sagði að hann og bræður hans myndu jafnvel hefja ferðalagið á næsta ári, og að þegar væri farið að ræða staði og dagsetningar.

Lífið

Börnin hjá Britney um jólin

Britney Spears fær að hafa börnin sín hjá sér um jólin. Britney, sem missti fyrir skemmstu forræði yfir sonum sínum tveimur, er sögð hafa sótt það afar fast að fá að hafa þá hjá sér á jóladag. Í síðasta forræðisfundi hennar og fyrrverandi eiginmannsins Kevins Federlines ákað dómari í máli þeirra að verða við bóninni.

Lífið

Hljómsveitin Hraun í undanúrslit í tónlistakeppni BBC

Hljómsveitin Hraun er komin í 20 hljómsveita úrslit í tónlistarkeppni BBC world service sem nefnist The Next Big Thing. Þegar Vísir náði í Svavar Knút Kristinsson, söngvara sveitarinnar, vildi hann ekki gera mikið úr árangrinum. ,,Ég mundi ekki segja að þetta væri neinn árangur ennþá, það er ekki fyrr en maður er kominn út að spila." Svavar sagði sveitarmeðlimi þó að vonum ánægða. ,,Við vonum bara að þetta verði til að vekja athygli á því sem við erum að gera.

Lífið

Milljarðamæringur á níræðisaldri yngir upp

Joe Hardy III, 84 ára milljarðamæringur frá Pennsylvaníu var harmi slegin þegar eiginkona hans fór frá honum. Hardy og Kristin Georgi, 23ja ára naglasérfræðingur, giftu sig fyrir rúmum þremur mánuðum síðan og sögðu illar tungur að hjónabandið hefði eitthvað með timburvinnsluauðæfi Hardys að gera.Í takti við spár entist hjónabandið ekki lengi - 107 daga, og þá flutti Georgi aftur heim til mömmu. Auðkýfingurinn var niðurbrotinn og hóf strax leit að konun til að eyða restinni af lífinu með, hversu lengi sem það yrði.

Lífið

Bubbi á gylltum Range Rover

Bubbi Morthens er mikill bílaáhugamaður eins og hefur vart farið fram hjá neinum. Hann fjárfesti á dögunum í splunkunýjum stórglæsilegum gylltum Range Rover Vogue. Bíllinn er búinn öllum helstu fídusum, er með 272 hestafla V8 díselvél og kostar rétt tæpar fjórtán milljónir. Bubbi hefur líklega fengið ágætis afslátt af bílnum, en hann hefur undanfarin ár komið fram í auglýsingum fyrir B&L, sem flytur inn Range Rover. Bubbi vildi lítið tjá sig um bílakaupin þegar Vísir náði tali af honum.

Lífið

Oprah styður Barack Obama

Forsetaframbjóðandinn Barack Obama upplýsti í gær að spjallþáttadrottningin Oprah Winfrey hygðist liðsinna honum í kosningabaráttunni í þremur fylkjum Bandaríkjanna í næsta mánuði.

Lífið

Hanson bræður fjölga mannkyninu

Zac Hanson, yngsti Hanson bróðirinn í hljómsveitinni vinsælu, á von á sínu fyrsta barni í maí. Zac, sem er 22 ára gamall, er kvæntur Kate Hanson, en hún er 23 ára.

Lífið

Fyrsta jólabókin uppseld sex vikum á undan áætlun

Íslendingar virðast ætla að endurvekja bókaþjóðarstimpiilinn. Sala á jólabókum er með hressilegasta móti, og er fyrsta bókin orðin uppseld hjá útgefanda, 6 vikum á undan áætlun. Þetta er ævisaga Skáld-Rósu, sem er betur þekkt sem Vatnsenda-Rósa. Bókaútgáfan Salka taldi víst að prentað upplag bókarinnar mundi duga fram að jólum og rúmlega það. En lagerinn tæmdist strax og ekki hefur verið hægt að afgreiða viðbótarpantanir sem fóru að streyma inn frá verslunum vegna þess að bókin kláraðist mjög hratt.

Lífið

Ölið trekkir á leiksýningu

Leikhópurinn Peðið frumsýnir þann fyrsta desember á menningarbúllunni Grand Rokk söngleikinn Tröllaperu. ,,Þetta er söngleikur með svona nútímavæddu þjóðlegu ívafi" segir Jón Benjamín Einarsson höfundur verksins, sem fjallar meðal annars um Giltrutt, Leppalúða og jólasveinana.

Lífið

Mozart á miðnætti - Requiem flutt á dánartíma tónskáldsins

Laust eftir miðnætti fjórða desember næstkomandi flytur Óperukórinn Requiem Mozarts í Langholtskirkju. Ástæða þessa sérstæða tónleikatíma, þ.e. kl. 00.30 aðfararnótt 5.des. er sú að verkið er flutt á dánarstundu tónskáldsins, Mozarts, sem lést laust eftir miðnætti aðfararnótt 5. des. 1791, aðeins 35 ára að aldri. Vitandi að hverju stefndi, lagði hann síðustu krafta sína í að reyna að ljúka tónsmíðinni. Það tókst ekki, og eru því lokakaflar verksins samdir af nemanda hans Syßmaer.

Lífið

Britney Spears að ættleiða kínverska tvíbura

Britney Spears hefur ákveðið að ættleiða sex ára kínverska tvíbura. Breska blaðið News of The World segir að með þessu hyggist poppdívan reyna að fylla það tómarúm sem myndaðist þegar hún missti forræði yfir sonum sínum tveimur til K-Fed.

Lífið

Hulk Hogan fréttir um eigin skilnað í viðtali

Linda Hogan, eiginkona Hulks Hogans til 24 ára, sótti um skilnað frá glímutröllinu þann 20. nóvember. Hulk, sem heitir réttu nafni Terry Bollea, frétti af skilnaðinum þegar blaðamaður sagði honum að eiginkonan hefði skilað inn skilnaðarpappírunum. ,,Takk fyrir upplýsingarnar!" sagði Hulk við blaðamann St. Petersburg times. ,,Konan mín er búin að vera í Kaliforníu í þrjár vikur. Andskotinn. Vá, þú gerðir mig bara kjaftstopp."

Lífið

Lindsay í Ljótu Betty

Lindsay Lohan er áköf í að taka sér frí frá verslunarferðum um sinn og taka að sér hlutverk í Ljótu Betty samkvæmt heimildum bandaríska blaðsins New York Post. Talsmaður Lindsay sagði blaðinu að ekki væri búið að skrifa undir samning og ekki væri ljóst hvenær verkfalli handritshöfunda lýkur. Þegar það gerðist væri leikkonan mjög spennt fyrir því að leika starfsmann veitingastaðar sem er vinkona Betty.

Lífið

Kayne grætur móðir sína á sviði

Bandaríski rapparinn Kayne West brotnaði saman á sviði í London þegar hann flutti lag um móður sína sem lést í síðustu viku. Þetta var í fyrsta sinn sem Kayne kom fram opinberlega eftir að Donda West var jarðsett síðastliðinn þriðjudag.

Lífið

Samningaviðræður vegna verkfalls á Broadway

Leikritaframleiðendur í New York og sviðsmenn í verkfalli munu halda samningaviðræðum sem komnar voru í hnút áfram til að leysa deilu á milli þeirra og hefur lamað leikhúslíf á Broadway. Fjöldi sýninga, meðal annars Chicago, Wicked og Hairspray, hafa ekki verið sýndar síðan 10. nóvember þegar sviðsmenn gengu út í aðgerðum vegna nýrra samninga.

Lífið

Bono og Edge koma aðdáendum á óvart

Bono og Edge úr U2 glöddu aðdáendur þegar þeir komu óvænt fram á góðgerðarsamkomu í London. Írska parið spilaði fjögur lög fyrir hóp af einungis 250 manns í Union Kapellunni í norðurhluta Lundúna.

Lífið

Bachelor keppandi handtekinn

Fyrrverandi sigurvegari Bachelorþáttanna sem fékk bónorð frá Byron Velvick útgerðarmanni var handtekin í Flórída á miðvikudag fyrir líkamsárás. Mary Delgado fyrrverandi klappstýra var kærð fyrir að hafa slegið mann sem hún býr með á munninn samkvæmt heimildum CNN. Í skýrslu lögreglu kemur fram að hún hafi verið undir áhrifum áfengis þegar hún var handtekin.

Lífið

Tvíburar Dennis Quaid á batavegi

Tveggja vikna gamlir tvíburar leikarans Dennis Quaid eru á batavegi eftir að læknar gáfu þeim þúsundfaldan skammt af blóðþynningarlyfjum. Cedar-Sinai sjúkrahúsið sem er einn virtasti spítali Bandaríkjanna hefur beðist afsökunar á því að tvíburunum og öðru barni til viðbótar voru gefin 10 þúsund einingar af blóðþynningarlyfinu Heparin í stað 10 eininga.

Lífið

Kærleiksbirnir leika lausum hala á Patreksfirði

Þegar Patreksfirðingar vöknuðu í morgun biðu þeirra hlýleg orð og ósk um góðan dag sem höfðu verið hengd á hurðir og glugga fyrirtækja og stofnana í bænum. Óþekktur kærleiksbjörn leikur lausum hala í bænum og er þetta í þriðja sinn sem hann lætur að sér kveða.

Lífið

Gat ekki stundað kynlíf allsgáður

Eric Clapton stundað ekki kynlíf allsgáður fyrr en hann var orðinn þrítugur vegna yfirgengilegrar áfengis- og eiturlyfjaneyslu. Í viðtali í breskum sjónvarpsþætti sagði gítarleikarinn að í fyrsta sinn sem hann kom úr meðferð hafi hann ekki getað sofið hjá konunni sinni.

Lífið

Þakmálið ógurlega: Nýr Hebbi í nýju húsi

„Ég nenni þessu ekki lengur, ég ætla að selja húsið mitt með þriggja milljón króna afslætti og fara héðan,“ segir Herbert Guðmundsson sem hefur staðið í stríði við nágranna sína síðan í sumar.

Lífið

Vínkynning í Neskirkju

Á föstudaginn fer fram vínkynning í safnaðarheimili Neskirkju í Vesturbænum. Vínkynningin fer fram í hléi tónleika sem fram fara um kvöldið og eru skipulagðir af Steingrími Þórhallssyni organista sem er að eigin sögn áhugamaður um góðan mat, vín og tónlist.

Lífið

Mest lesið