Erlent

Var óánægður með afskipti Nixons

Hulunni hefur verið svipt af þriggja áratuga leyndardómi um hver hinn svonefndi Deep Throat var eða heimildarmaður í Watergate-hneykslinu. Mark Felt, sem var annar í röð æðstu yfirmanna hjá bandarísku alríkislögreglunni, hefur gengist við hlutverkinu.

Erlent

Réttarhöld yfir Hussein í sumar?

Réttarhöld yfir Saddam Hussein, fyrrverandi forseta Íraks, gætu hafist innan tveggja mánaða að sögn Jalals Talabanis, núverandi Íraksforseta. Undirbúningur þeirra er í fullum gangi sem felst í að færa sönnur á stríðsglæpi Husseins. Á blaðamannafundi sagðist Talabani þess fullviss að í stjórnartíð sinni hafi Saddam Hussein ráðið yfir gereyðingarvopnum og þau muni koma í leitirnar. Síðustu tvö ár hefur ítarleg leit að þessum vopnum farið fram í Írak án nokkurs árangurs.

Erlent

Sænsk þota ferst yfir Eystrasalti

Sænsk orrustuþota fórst yfir Eystrasalti í morgun. Flugmanninum tókst að skjóta sér út og er hann nú á sjúkrahúsi. Ekki er ljóst hvers vegna þotan fórst.

Erlent

Aðgerð á hafmeyjubarni vel heppnuð

Læknar skildu að fullu fótleggi stúlkubarns sem þjáðist af hafmeyjuheilkenninu svokallaða í aðgerð í Perú í fyrradag. Þeir sögðu að henni lokinni að hún hefði heppnast framar vonum. Lýtalæknar, barnalæknar og hjartalæknar tóku þátt í þessari flóknu aðgerð.

Erlent

Mikið mannfall í ættbálkadeilum

Að minnsta kosti 41 lést og 64 særðust í árás vopnaðra manna á tvö þorp nærri bænum Duekoue á vesturhluta Fílabeinsstrandarinnar í dag. Árásarmennirnir skutu, stungu og kveiktu í fólki, en talið er að um ættbálkadeilur hafi verið að ræða. Talsmaður hersins segir að viðbótarliðsafli á vegum lögreglunnar hafi verið sendur á vettvang, en deilur milli þjóðarbrota á svæðinu hafa staðið í áratugi.

Erlent

Mótmæltu menntastefnu með stripli

Hópur ungra námsmanna hljóp um nakinn nálægt forsetahöllinni í borginni Maníla á Filippseyjum til að mótmæla getuleysi stjórnvalda í menntamálum. Óreiðarlögreglan var þó ekki lengi að stoppa mennina sem voru einungis með sólgleraugu. Ekki er vitað hvaða áhrif þetta mun hafa á menntastefnu landsins en þetta hafði þó áhrif á umferðina sem stöðvaðist um stund.

Erlent

Flest bendir til höfnunar

Hollendingar kjósa í dag um stjórnarskrá Evrópusambandsins. Jan Peter Balkenende forsætisráðherra hvetur landa sína til að sýna stuðning sinn við stjórnarskrána sem hann segir skipta miklu máli við eflingu efnahagslífsins, baráttuna gegn hryðjuverkum sem og fyrir lýðræðið í álfunni. Þar virðist hann tala fyrir daufum eyrum því skoðanakannanir sýna að 60 prósent Hollendinga muni hafna stjórnarskránni.

Erlent

Dæmdir fyrir árásir á múslíma

Fimm hollenskir táningar hafa verið dæmdir í átta mánaða skilorðsbundið fangelsi og til þess að sinna samfélagsþjónustu og sækja sérstakt námskeið fyrir að hafa kveikt í skóla og mosku múslíma í bænum Uden í Suður-Hollandi. Íkveikjurnar vorum með alvarlegri árásum á múslíma í landinu í kjölfar morðsins á hollenska kvikmyndagerðarmanninum Theo van Gogh í nóvember í fyrra, en hann er talinn hafa verið myrtur af íslamistum vegna gagnrýni sinnar á íslam.

Erlent

Sýkti fólk óvart af HIV

Rauði krossinn í Kanada hefur játað að hafa sýkt yfir eitt þúsund manns af HIV-veirunni og yfir tuttugu þúsund manns af lifrarbólgu C í kringum 1980. Um mistök var að ræða og hefur stofnunin beðist afsökunar. Rauði krossinn verður ekki ákærður fyrir glæpsamlegt athæfi en hefur þó verið látinn borga yfir 55 milljónir dollara, eða sem nemur um 3,6 milljörðum íslenskra króna, fjölskyldum þeirra sem liðu fyrir þessi alvarlegu mistök.

Erlent

Banna reykingar í myndmiðlum

Indversk stjórnvöld hafa bannað reykingar í sjónvarpi og kvikmyndum. Þau segja reykingar á skjánum og tjaldinu varpa dýrðarljóma á þær. Þá hafa heilbrigiðisyfirvöld fyrirskipað að í gömlum myndum, sem gerðar voru fyrir bannið, og í erlendum myndum þar sem reykingar sjást eigi að birta tilkynningu þar sem bent er á hættuna af reykingum.

Erlent

Rekinn vegna spillingar

Kofi Annan, framkvæmdastjóri Sameinuðu þjóðanna, rak í gær háttsettan embættismann samtakanna fyrir misferli í tengslum við olíusöluáætlun þeirra til Íraks. Hann er sá fyrsti sem fær reisupassann vegna spillingar í tengslum við áætlunina en búist er við að fleiri fylgi í kjölfarið.

Erlent

Föngum sleppt á morgun

Ísraelar sleppa 400 palestínskum föngum á morgun, en ríkisstjórn Ísraels samþykkti það á fundi sínum á sunnudaginn var. Ísraelsmenn höfðu reyndar lofað að sleppa föngunum 400 í kjölfar þess að 500 föngum var sleppt í febrúar síðastliðnum en þeir frestuðu því þar til nú þar sem þeir töldu palestínsk yfirvöld ekki hafa gert nóg til að afvopna herskáa Palestínumenn.

Erlent

Njósnari Saddams handtekinn

Bandarískir hermenn handtóku í gærmorgun mann sem talinn er hafa njósnað fyrir Saddam Hussein á valdatíma hans. Yfirvöld hafa ekkert viljað gefa upp um handtökuna að öðru leyti.

Erlent

Barsebäck kjarnorkuverinu lokað

Sænska kjarnorkuverinu Barsebäck var lokað á miðnætti í nótt samkvæmt áætlun stjórnvalda. Þar með lýkur 30 ára sögu þessa umdeilda kjarnorkuvers.

Erlent

Deep Throat fundinn?

Bandaríska tímaritið <em>Vanity Fair</em> greinir frá því að fyrrverandi leyniþjónustumaðurinn Mark Felt hafi sagt sig vera „Deep Throat“, manninn sem ljóstraði upp um Watergate-hneykslið til blaðsins <em>Washington Post</em> og varð til þess að Richard Nixon neyddist til að segja af sér sem forseti.

Erlent

Fundu bílsprengjuverksmiðjur

Írakski herinn hefur handtekið fjölda manna og fundið nokkrar bílsprengjuverksmiðjur í herferð sinni gegn hryðjuverkamönnum í Bagdad. Margir hinna handteknu eru erlendir ríkisborgarar.

Erlent

Al-Zarqawi segist við hestaheilsu

Leiðtogi al-Qaida, Abu Musab al-Zarqawi, hefur sent frá sér tilkynningu þar sem fram kemur að hann sé við hestaheilsu eftir að hafa særst lítillega í bardaga við bandaríska hermenn í Írak. Ekki hefur verið staðfest að yfirlýsingin sé í raun frá honum sjálfum.

Erlent

Sprenging í eldfjallinu

Eldfjall í vesturhluta Mexíkó heldur áfram að gjósa en sprenging varð á fjórða tímanum í morgun að íslenskum tíma sem varð til þess að aska, reykur og grjót þeyttust allt að fimm kílómetra upp í loftið. Sprenging þessi var öflugri en sú sem varð fyrr í mánuðinum.

Erlent

Afsögn sveitarstjórans í Ossetíu

Sveitarstjórinn í Ossetíu-héraði í Tsjetsjeníu sagði af sér í dag. Hann hafði legið undir miklu ámæli síðan síðastliðið haust eftir að 330 manns létust í gíslatöku í bænum Beslan sem staðsettur er í héraðinu.

Erlent

Fimm létust í Pakistan

Að minnsta kosti fimm létust og tugir særðust er sjálfsmorðssprengjuárás var gerð í borginni Karachi í Pakistan í gærkvöld. Sprengjutilræðið átti sér stað í miðri bænastund í mosku sjíta-múslima.

Erlent

Vaxandi skotvopnaeign í Osló

Lögreglan í Osló hefur miklar áhyggjur af vaxandi beitingu skotvopna í höfuðborginni. Skotvopnum hefur tíu sinnum verið beitt í Osló á síðustu tveimur árum.

Erlent

Svíar vilja þjóðaratkvæðagreiðslu

Vinstri flokkurinn í Svíþjóð hótar því að hætta stuðningi við ríkisstjórn jafnaðarmanna verði ekki hætt við áform stjórnarinnar um að samþykkja stjórnarskrá Evrópusambandsins. 

Erlent

Sjíar gengu berserksgang

Múgæsing greip um sig í Karachi, stærstu borg Pakistans, eftir að sjálfsmorðssprengjuárás var gerð í sjíamosku. 12 manns liggja í valnum.

Erlent

Khodorkovskí í níu ára fangelsi

Dómsuppkvaðningu yfir Mikhaíl Khodorkovskí, fyrrverandi forstjóra og aðaleiganda rússneska olíufyrirtækisins Yukos, var loks lokið í Moskvu í gær, tólf dögum eftir að hún hófst. Var hann dæmdur í níu ára fangelsi og greiðslu hárra sekta. Dómnum verður væntanlega áfrýjað en saksóknari undirbýr nýjar ákærur á hendur Khodorkovskí.

Erlent

Krókódíll í fjölskyldusundlauginni

Bandarísk fjölskylda fékk óvænta og óþægilega heimsókn svo ekki sé meira sagt í sumarhús þeirra í Suður-Flórída í gær þegar krókódíll ákvað að fá sér sundsprett í sundlaug þeirra í bakgarði hússins.

Erlent

Stjórnvöld óska skýringa

Umhverfisráðherra hefur óskað eftir nákvæmum skriflegum upplýsingum frá breskum stjórnvöldum um lekann á geislavirkum vökva í endurvinnslustöðinni í Sellafield í vetur.

Erlent

Ítölsk herþyrla hrapaði; 4 létust

Ítölsk herþyrla hrapaði nálægt borginni Nassiriya í Írak í morgun með þeim afleiðingum að fjórir hermenn létust. Ástæður slyssins eru enn ókunnar en þetta er þriðja þyrlan sem hrapar í landinu á einni viku.

Erlent

Chirac réttir fram sáttahönd

Jacques Chirac Frakklandsforseti rétti þjóð sinni sáttahönd í sjónvarpsávarpi í gærkvöld. Ávarpsins hafði verið beðið með nokkurri eftirvæntingu því fyrr um daginn hafði Chirac stokkað upp í ríkisstjórn sinni.

Erlent

Mest lesið