Erlent

Skipsskaði í Eystrasalti

Þrettán skipverjum var bjargað við illan leik,og eins er saknað, eftir að flutningaskip sökk í fárviðri á Eystrasalti í nótt. Fyrst valt skipið og komust sjómennirnir á kjöl, en ekki var viðlit að beita þyrlum við björgun þeirra vegna óveðurs.

Erlent

Bókunum á ferðum til Íslands fækkar

Breskum ferðamönnum á leið til Íslands á vegum ferðaskrifstofunnar Discover the World hefur fækkað um allt að 25% síðan hvalveiðar hófust. Þetta kemur fram á vefsíðu enska dagblaðsins Times í morgun.

Erlent

Nýjar árásir á Gaza-strönd

Að minnsta kosti sex Palestínumenn og einn Ísraeli týndu lífi í árás á Gaza-strönd snemma í gærmorgun. Hezbollah-samtökin segja viðræður hafnar um fangaskipti fyrir milligöngu Kofi Annans.

Erlent

Aðalræðisskrifstofa í Þórshöfn

Valgerður Sverrisdóttir utanríkisráðherra tilkynnti í gær, eftir að um málið náðist samkomulag við danska og færeyska ráðamenn, að ríkisstjórn Íslands hefði ákveðið að opna aðalræðisskrifstofu í Færeyjum bráðlega.

Erlent

Rannveig móðgar Færeyinga

Jógvan á Lakjuni, þingmaður íhaldsmanna á færeyska lögþinginu og samstarfsráðherra Norðurlanda í færeysku landsstjórninni, sakaði Rannveigu Guðmundsdóttur, þingmann Samfylkingarinnar, í gær um að hafa móðgað færeysku þjóðina með framgöngu sinni í umræðu á Norðurlandaráðsþingi um réttindi samkynhneigðra í Færeyjum.

Erlent

Áframhaldandi einangrun

Fimm menn, sem handteknir voru í byrjun september í Óðinsvéum í Danmörku, grunaðir um að skipuleggja stórfelld hryðjuverk, hafa verið dæmdir í áframhaldandi fjögurra vikna einangrun. Þetta kemur fram á fréttavef Politiken.

Erlent

Óheppilegur brandari

Öldungadeildarþingmaðurinn John Kerry baðst afsökunar í gær á „misheppnuðum brandara“ um Íraksstefnu Bush Bandaríkjaforseta. Kerry hafði sagt unglingum í skóla sem hann heimsótti að þeir skyldu stunda nám sitt af kappi, annars ættu þeir á hættu að „festast í Írak“.

Erlent

Borpallur og áhöfn í hættu

Norski olíuborpallurinn Bredford Dolphin var á reki í Norðursjó í gær með 75 manns innanborðs í miklu roki og öldugangi. Dráttarbátur var með borpallinn í eftirdragi þegar togvírarnir slitnuðu á þriðjudaginn, en veður var þá afar slæmt. Draga átti pallinn frá Noregi til Póllands vegna viðhalds og endurnýjunar.

Erlent

Finnar fá menningarmálin

Í ljósi þess hve Finnum þótti freklega framhjá sér gengið er ákveðið var að Halldór Ásgrímsson yrði næsti framkvæmdastjóri Norrænu ráðherranefndarinnar, en ekki finnski ráðherrann Jan Erik Enestam, kom það ekki á óvart þegar það fréttist í gær að ákveðið hefði verið að ný norræn menningarmálaskrifstofa, „KulturKontakt Nord“, yrði staðsett í Finnlandi.

Erlent

Rafmagnsleysi í aftakaveðri

Stórhríð olli rafmagnsleysi á fimmtíu þúsund heimilum í Svíþjóð í gærmorgun, þegar vindhviður brutu niður rafmagnsstaura.

Erlent

Hverfandi í Bretlandi

Kynbundinn launamunur fer minnkandi í Bretlandi og meðal yngri kynslóða er hans lítt vart, kemur fram í frétt breska blaðsins Financial Times.

Erlent

Rússneska mafían og ölgróði

Rússneska mafían hefur tögl og hagldir í ölgeiranum í Rússlandi og Ekstrablaðið segir það furðu sæta að Björgólfsfeðgar og Magnús Þorsteinsson hafi sloppið þaðan auðugir menn.

Erlent

Kerry biðst afsökunar

John Kerry, öldungardeildarþingmaður demókrata í Massachusetts, lét í kvöld undan þrýstingi og bað hermenn í Írak afsökunar, sem og fjölskyldur þeirra og nákomna. Hann sagðist harma það að orð sín hefðu verið mistúlkuð, hann hefði ekki viljað særa neinn. Repúblikanar hafa gert sér mat úr orðum hans og er talið að þetta gæti jafnvel haft áhrif á kosningaúrslit.

Erlent

Guðfaðir korsísku mafíunnar látinn í bílslysi

Jean-Baptiste Colonna, "hinn eini sanni guðfaðir korsísku mafíunnar" samkvæmt rannsóknarskýrslu franska þingsins, lést í bílslysi á Korsíku í kvöld. Sterkur grunur lék á að hann tengdist heróínmsmyglhringnum French connection sem smyglaði gríðarlegu magni af heróíni til Bandaríkjanna á árunum 1937-1973 en hann var sýknaður eftir áfrýjun.

Erlent

260 þúsund tonn af olíu gætu lekið í Eystrasaltið

Flutningaskipið Finnbirch hafði fulla tanka, samtals um 260 þúsund tonn af olíu þegar það sökk í aftakaveðri í kvöld á milli eyjanna Eylands og Gotlands. Vaktstjóri hjá sænsku strandgæslunni segir engin merki um það enn að olían sé farin að leka en segir að möguleikinn sé alltaf til staðar. Hvöss norðnorðaustanátt er enn á slysstaðnum og eins er enn saknað.

Erlent

Líbanskur klerkur segir Íran stjórna Líbanon í gegnum Hisbollah

Einn æðsti klerkur súnnímúslima, Mohammad Ali Jouzou, mufti í fjallahéraðinu Mt Lebanon, gagnrýnir Hisbollah-hreyfingu sjíamúslima fyrir að þjóna hagsmunum Írans og Sýrlands. "Öll afrek sem Hisbollah montar sig af eru verk Persa sem ekki þjóna aröbum á nokkurn hátt," sagði Jouzou í ræðu í dag. Frá þessu er greint í líbanska dagblaðinu Daily star.

Erlent

Tveggja enn saknað eftir skipsskaða í Eystrasalti

Flutningaskipið Finnbirch er horfið í hafið við sænsku eyna Gotland eftir að hafa marað í hálfu kafi síðan um hálfsjö-leytið að íslenskum tíma. 4-5 metra ölduhæð og kafaldsbylur hafa hamlað björgunarstörfum en 12 af 14 manna áhöfn hefur þó verið bjargað um borð í þyrlu. Þyrlur og nærstödd skip leita enn að þeim tveimur sem saknað er.

Erlent

Forsætisráðherra Fílabeinsstrandarinnar fær aukin völd

Öryggisráð Sameinuðu þjóðanna samþykkti samhljóða í dag að veita forsætisráðherra Fílabeinsstrandarinnar til þess að hann geti stýrt landinu farsællega til kosninga á næsta ári. Forseti landsins, Laurent Gbagbo, er þar með sviptur nær öllum völdum.

Erlent

Kerry iðrast klaufalegs brandara

John Kerry, öldungardeildarþingmaður demókrata, sagðist í sjónvarpsviðtali iðrast þess að hafa sagt klaufalegan brandara um hermenn í Írak. Hann neitar hins vegar að biðja hermenn í Írak formlegrar afsökunar og segir skeytið hafi átt að beinast gegn repúblikönum og stjórnarháttum þeirra.

Erlent

Marokkómaður átti verðlaunaskopmynd í helfararkeppni

Marokkómaðurinn Abdellah Derkaoui fór með sigur af hólmi í teiknimyndasamkeppni íranska dagblaðsins Hamshahri um bestu helfararskopmyndina. Að sögn skipuleggjenda keppninnar bárust 1.193 myndir í keppnina frá 63 löndum. Abdellah fékk í sigurlaun ríflega 800 þúsund íslenskra króna. Frakki og Brasilíumaður skiptu með sér 540 þúsundum fyrir annað sætið.

Erlent

Búið að bjarga 9 af 14 eftir skipsskaða við Gotland

Tvær þyrlur hafa bjargað níu manns úr sjónum eftir að flutningaskip fór á hliðina skammt frá sænsku eyjunum Eylandi og Gotlandi í aftakaveðri. Alls voru 14 manns í áhöfn skipsins, 4 Svíar og 10 Filippseyingar. Mikil ölduhæð og blindbylur gera allt björgunarstarf ákaflega erfitt.

Erlent

Bush vill Rumsfeld áfram og tafarlausar viðræður við N-Kóreu

George Bush, forseti Bandaríkjanna, staðfesti traust sitt á Donald Rumsfeld, varnarmálaráðherra í ræðu í dag. Mikill þrýstingur hefur verið á Rumsfeld að segja af sér vegna Íraksmála. Þá sagðist Bush vilja sjá viðræður við Norður-Kóreumenn halda áfram eins fljótt og auðið væri.

Erlent

Friðarviðræðum frestað í Sómalíu

Friðarviðræðum í Sómalíu hefur verið frestað um sinn en sáttasemjarar hvetja stríðandi aðila til að sýna biðlund og þolinmæði. Fulltrúar ríkisstjórnarinnar og íslamskra uppreisnarmanna mættu ekki til sáttafundar og dró það nokkuð úr bjartsýni á að friðarsamkomulag geti náðst.

Erlent

Óveður í Evrópu

22 menn hafa látist í miklum flóðum í suðaustanverðu Tyrklandi undanfarinn sólarhring. Þá rak norskan olíuborpall stjórnlaust í Norðursjó í fárviðri sem gekk yfir norðanverða Evrópu í nótt.

Erlent

Bandaríkjamenn óttast að ríkisstjórn Líbanons verði steypt

Yfirvöld í Bandaríkjunum trúa því að Sýrland, Íran og Hisbollah séu að reyna að kollvarpa líbönsku ríkisstjórninni sem Fouad Siniora, forsætisráðherra, fer fyrir. Tony Snow, talsmaður Hvíta hússins, sagði Sýrlendinga beita sér að þessu marki til að koma í veg fyrir rannsókn sérstaks dómstóls á máli þeirra sem sakaðir eru um að hafa myrt Rafik Hariri, fyrrverandi forsætisráðherra Líbanons.

Erlent

De Beers vill útrýma blóðdemöntum

Demantarisinn De Beers óttast að frumsýning kvikmyndarinnar "Blóðdemanturinn" með Leonardo DiCaprio hafi neikvæð áhrif á gimsteinasölu og hvetur því til áhrifaríkari herferðar gegn svokölluðum átakademöntum eða blóðdemöntum sem uppreisnarmenn og vígahópar í mörgum Afríkuríkjum selja á svörtum markaði til að fjármagna áframhaldandi átök.

Erlent

Demókratar leiða í skoðanakönnunum

Skoðanakannanir sem Reuters skýrði frá í dag sýna að demókratar í Bandaríkjunum eru með meiri stuðning en Repúblikanar í 12 af 15 lykilsætum í komandi þingkosningum.

Erlent

Mest lesið