Erlent

400 Rambóar

Bæjarstjórnin í smábænum Cherry Tree, í Pennsylvaníu, mun taka ákvörðun um það á miðvkudag, hvort hún biður alla bæjarbúa um að eignast byssur og læra að nota þær. Íbúar í Cherry Tree eru um 400 talsins.

Erlent

Ungur kynferðisglæpamaður

Fjögurra ára gamall drengur í La Vega, í Bandaríkjunum, var settur í skammarkrókinn fyrir að áreita unga aðstoðar kennslukonu kynferðislega. Drengurinn hafði knúsað kennslukonuna og nuddað andlitinu við brjóst hennar.

Erlent

Arababandalagið reynir að miðla málum

Arababandalagið ætlar að reyna að miðla málum í þeirri stjórnarkreppu sem við blasir í Líbanon. Mörg hundruð þúsund manns komu saman í höfuðborginni Beirút í gær og kröfuðst þess að Fouad Saniora, forsætisráðherra landsins, afsalaði völdum að hluta til stjórnarandstöðunnar eða segði af sér. Liðsmenn Hizbollah og stuðningsmenn Sýrlendinga fóru fyrir mótmælendum. Talið er að svo fjölmenn mótmæli hafi ekki verið haldin fyrr í Líbanon.

Erlent

3 börn Fatah-liða myrt í morgun

Byssumenn myrtu í morgun þrjú börn yfirmanns í leyniþjónustu Palestínumanna. Skotið var á þau fyrir utan skóla þeirra í Gaza-borg. Faðir barnanna, Baha Balousheh er sagður tengjast Fatha-hreyfingu Mahmouds Abbas, forseta Palestínumanna, og mun hafa leitt aðför gegn Hamas-hreyfingunni fyrir áratug. Tvö börn til viðbótar særðust í árásinni og einn vegfarandi féll. Stuðningsmenn Fatah hafa hótað hefndum.

Erlent

Öflug sprenging í Tyrklandi

Hluti fimm hæða byggingar í borginni Diyarbakir í Suður-Tyrklandi hrundi í öflugri sprengingu í morgun. Fjölskyldur trykneskra hermanna búa þar. Svo virðist sem miðstöðvarketill í byggingunni hafi sprungið. Vitað er að minnst tveir særðust í sprengingunni en óvíst hvort einhverjir týndu lífi. Björgunarmenn eru komnir á vettvang og leita fólks í rústunum.

Erlent

Viðræður hefjast á ný

Viðræður sexveldanna svokölluðu um kjarnorkuáætlun Norður-Kóreumanna hefjast að nýju 18. þessa mánaðar að sögn kínverskra fulltrúa. Fundað verður í Peking. Viðræðurnar sigldu í strand fyrir ári síðan þegar fulltrúar stjórnvalda í Pyongjang gengu frá samningaborðinu vegna refsiaðgerða Bandaríkjamanna.

Erlent

Geimæði í Svíþjóð

Mikið geimæði hefur gripið um sig í Svíþjóð af því tilefni að fyrsti Svíinn er nú úti í geimnum. Hann fór með geimferjunni Discovery upp í alþjóðlegu geimstöðina og hefur upplýst að hann hafi tekið með sér disk með ABBA.

Erlent

Misstu af tveimur og hálfum milljarði

Þrjátíu íbúar í bænum Mouscron í Belgíu sitja nú eftir með sárt ennið eftir að hafa misst af stóra vinningnum í Evrópulottóinu skömmu fyrir helgi. Aðalvinningurinn nam jafnvirði rúmlega tveggja milljarða íslenskra króna þegar dregið var á föstudagskvöldið.

Erlent

Ohran Pamuk fær uppreisn æru

Tyrkneski rithöfundurinn Orhan Pamuk tók við bókmenntaverðlaunum Nóbels við hátíðlega afhöfn í Stokkhólmi í gær. Í umsögn Nóbelsakademíunnar segir að með verkum sínum hafi Pamuk reynt að finna jafnvægi milli menningar í austri og vestri.

Erlent

Ráðstefna um Helförina haldin í Íran

Tveggja daga, alþjóðleg ráðstefna um Helförina hefst í Teheran, höfuðborg Írans í dag. Það er alþjóðastofnun á vegum íranska utanríkisráðuneytisins sem annast ráðstefnuna.

Erlent

Átök milli andstæðinga og fylgjenda Pinochet

Til átaka kom í Santiago, höfuðborg Chile, í gærkvöldi eftir að fréttir bárust af því að Augusto Pinochet, fyrrverandi einræðisherra landsins, væri látinn. Pinochet var níutíu og eins árs. Hann fékk fékk alvarlegt hjartaáfall fyrir viku. Andstæðingar Pinochets fögnuðu dauða hans í höfuðborginni á meðan stuðningsmenn syrgðu hann.

Erlent

54 týnt lífi í 3 eldsvoðum í Rússlandi

Eldar kviknuðu í tveimur heilbrigðisstofnunum í Rússlandi í nótt. 9 týndu lífi á geðsjúkrahúsi í Síberíu en öllum var bjargað frá bráðum bana af sams konar sjúkrahúsi norðvestur af Moskvu. 54 hafa því týnt lífi í eldum á sjúkrahúsum í Rússlandi um helgina.

Erlent

Augusto Pinochet er allur

Augusto Pinochet, fyrrverandi einræðisherra í Chile, lést í dag, níutíu og eins árs að aldri. Pinochet hafði verið heilsutæpur um nokkurt skeið og fékk alvarlegt hjartaáfall fyrir viku. Hann var oddviti herforingjastjórnarinnar sem rændi völdum í Chile árið 1973 og ríkti í sautján ár. Á þeim tíma voru yfir þrjú þúsund manns myrtir eða látnir hverfa.

Erlent

Hundruð þúsunda mótmæltu í Beirút

Mörg hundruð þúsund mótmælendur komu saman í Beirút, höfuðborga Líbanons, í dag og kröfðust afsagnar Sanioras, forsætisráðherra. Það voru Hizbollah-liðar og bandamenn Sýrlendinga sem fóru fyrir mótmælendum. Þetta eru ein fjölmennustu mótmæli sem efnt hefur verið til í Beirút og tíundi dagurinn í röð sem breytinga er krafist. Saniora hefur neitað að víkja fyrir Hizbollah-liðum sem hann telur vilja ræna völdunum.

Erlent

Yunus tekur við friðarverðlaunum Nóbels

Bangladessbúinn Mohammad Yunus veitti friðarverðlaunum Nóbels viðtöku við hátíðlega athöfn í Osló í Noregi í dag. Yunus og Grameen smálána-bankinn sem hann stofnaði deila með sér verðlaununum í ár.

Erlent

Tveir danskir hermenn særðust Í Írak

Tveir danskir hermenn úr skriðdrekasveit Dana eru særðir eftir átök norður af borginni Basra í Írak. Annar mannanna særðist á hálsi og var fyrst talinn alvarlega særður en hinn fékk skot í handlegginn. Hvorugur er í lífshættu, að sögn læknis dönsku herdeildarinnar, Sørens Dervings. Hermennirnir tveir eru á hersjúkrahúsi á herstöðinni Shaiba Log, þar sem dönsku bækistöðvarnar, Danevang, eru einnig staðsettar.

Erlent

Vísar á rússnesk yfirvöld

Marina Litvinenko, eiginkona KGB njósnarans Alexanders Litvinenko, segir margt benda til þess að rússnesk yfirvöld beri ábyrgð á dauða hans. Eitrað var fyrir Litvinenko með geislavirka efninu polon 210 í síðasta mánuði.

Erlent

Risatjald reist í heimalandi Borats

Forseti Kazakstan, Nursultan Nazarbayev, slær ekki slöku við í uppbyggingu hinnar nýju höfuðborgar landsins á steppunum norðan Baikalvatns. Hann hefur öðru sinni fengið hinn heimsfræga arkitekt Norman Foster, lávarð, til að hanna byggingu í borginni, í þetta skiptið risavaxið tjald, sem nær 150 m hæð, og þekur svæði á við 10 knattspyrnuvelli.

Erlent

Óvænt heimsókn í 13. sinn

Donald Rumsfeld, fráfarandi varnarmálaráðherra Bandaríkjanna, fór í óvænta heimsókn til Íraks í gær. Þetta var í 13. sinn sem hann heimsótti bandaríska hermenn þar.

Erlent

Fyrsta næturgeimskot í 4 ár

Næturhiminn á Flórída í Bandaríkjunum lýstist upp í nótt þegar geimflauginni Discovery var skotið á loft frá Canaveral höfða. Þetta var í fyrsta sinn í fjögur ár sem geimflaug var skotið á loft að nóttu til.

Erlent

8 týndu lífi í bruna í Síberíu

Að minnsta kosti 8 týndu lífi og 6 brenndust illa þegar eldur kviknaði á geðsjúkrahúsi í Síberíu í Rússlandi í gærkvöldi. Rúmlega 200 manns voru í byggingunni þegar eldurinn kviknaði.

Erlent

Svíinn bíður enn geimskots á Canaveral

Enn er óvíst hvort geimferjan Discovery með Svíann Fuglesang innanborðs, komist á loft frá Kennedy geimferðamiðstöðinni á Florida og á braut umhverfis Jörðu í kvöld eins og áætlað er. Líkurnar á að veðrið leyfi geimskot að þessu sinni eru ekki nema 30%. Samt er byrjað að fylla á eldsneytistanka ferjunnar.

Erlent

Konungur Sáda segir Arabaheiminn suðupott sem gæti sprungið

Leiðtogar arabaríkja við Persaflóa funda í dag og á morgun á vegum leiðtogaráðs Persflóaríkja (GCC) í Riyadh höfuðborg Saudi Arabíu til að ræða sameiginlegt gjaldeyrisbandalag ríkjanna, sem fyrirhugað er að koma á laggirnar 2010. Vaxandi áhrif Írana á Persflóasvæðinu verða líka til umræðu. Abdullah, konungur Sádí Arabíu varaði við því í opnunarræðu, að arabaheimurinn væri eins og suðupottur sem lokið væri við það að springa af.

Erlent

Starfsfólk reyndi ekki að bjarga konunum

Talið er að kveikt hafi verið í sjúkrahúsi í Moskvu, höfuðborg Rússlands, þar sem fjörtíu og fimm konur létust í nótt. Slökkvilið borgarinnar deilir á starfsfólk fyrir að reyna ekki að koma fólkinu út. Þetta er mannskæðasti bruni í borginni í þrjú ár. Eldurinn braust út á fíkniefnadeild spítalans snemma í morgun og dóu konurnar fjörtíu og fimm úr reykeitrun þar sem eina færa útgönguleiðin var við læst hlið spítalans.

Erlent

Opinberir starfmenn skjóta mótmælaskotum á Gaza

2500 lögreglumenn í Palestínu þustu í dag inn í byggingu ríkisstjórnarinnar í miðborg Gaza, til að mótmæla því að fá ekki greidd laun. Þeir saka stjórnmálaarm Hamas um að greiða eigin öryggissveitum, en ekki laun hundrað sextíu og fimm þúsund opinberra starfsmanna.

Erlent

Nýjar rannsóknir á dauða Díönu en sama niðurstaða

DNA rannsókn hefur leitt í ljós að Henri Paul, ökumaður Díönu prinsessu, var ölvaður hina örlagaríku nótt París 1997 þegar hann ók á steinstólpa og Díana lést. Þetta kemur fram í heimildarmynd BBC sjónvarpsstöðvarinnar. Mohamed al Fayed hefur samt barist fyrir opinberum vitnaleiðslum um málið sem fara fram í næsta mánuði.

Erlent

Staða Palestínumanna verri en blökkumanna undir Apartheid

Stefna Ísraelsmanna í málefnum Palestínu býr Palestínumönnum verri aðbúnað en svartir bjuggu við á tímum aðskilnaðarstefnunnar í Suður-Afríku. Þetta sagði Jimmy Carter fyrrverandi Bandaríkjaforseti þegar hann svaraði spurningum um efni bókar sinnar um Palestínumálið.

Erlent

45 konur dóu í spítalabruna

45 konur létu lífið í spítalabruna í Moskvu í nótt. Þetta er mannskæðasti bruni í Moskvu í þrjú ár. Yfirvarðstjóri slökkviliðsins í borginni telur að kveikt hafi verið í spítalanum, en verið er að kanna orsakir brunans. Eldurinn braust út á fíkniefnadeild spítalans snemma í morgun og dóu konurnar fjörtíu og fimm úr reykeitrun þar sem eina færa útgönguleiðin var við læst hlið spítalans.

Erlent

Indverskir karlmenn með of stutt typpi

Rannsókn á rúmlega 1000 indverskum karlmönnum hefur leitt í ljós að alþjóðlegar staðalstærðir á smokkum eru fullrúmar fyrir indversk typpi. Samkvæmt niðurstöðum vísindamannanna er rúmur helmingur indversku mannanna með of stutta limi til að fylla upp í verjurnar. Þess vegna verður núna boðið upp á smokka í mismunandi stærðum á Indlandi.

Erlent

Aldurstakmörk á fyrirsætur í Brasilíu

Skipuleggjendur tískuvikunnar í Sao Paulo, sem haldin verður í næsta mánuði, ætla að setja 16 ára aldurstakmark á fyrirsætur sem koma fram á tískusýningum, eftir að brasilísk fyrirsæta lést úr anorexíu í síðasta mánuði. Ríkisstjórn Brasilíu stendur nú fyrir átaki gegn átröskunarsjúkdómum.

Erlent

Mest lesið