Erlent

Segist saklaus

Í bréfi sem dreift hefur verið til danskra þingmanna lýsir ríkisstjórn landsins sig saklausa af öllum þeim ásökunum sem á hana eru bornar í nýrri heimildarmynd um þátttöku danska hersins í innrásinni í Afganistan.

Írönsk stjórnvöld fordæmd á Vesturlöndum

„Mér finnst þetta hreinlega ótrúlegt,“ sagði Tony Blair, forsætisráðherra Bretlands, um tveggja daga ráðstefnu í Íran, sem lauk í gær, þar sem viðraðar voru efasemdir um að helför gyðinga á tímum nasista hafi nokkurn tímann átt sér stað.

Íranar og ESB heita aðstoð

Íransstjórn hefur heitið 250 milljónum Bandaríkjadollara, andvirði 18 milljarða króna, í fjárhagsaðstoð við hina umsetnu stjórn Hamas-samtakanna á sjálfstjórnarsvæðum Palestínumanna. Palestínski forsætisráðherrann Ismail Haniyeh greindi frá þessu í byrjun vikunnar er hann lauk fjögurra daga heimsókn til Teheran.

Tekur líka gildi hér

Ráðherraráð Evrópusambandsins hefur lagt lokablessun sína yfir svonefnda þjónustu­tilskipun sambandsins. Nú hafa aðildarríkin 25 þrjú ár til að innleiða tilskipunina í landslög. Það sama gildir um EFTA-ríkin í Evrópska efnahags­svæðinu, Ísland, Noreg og Liechtenstein.

Frægir Danir velji viðtakendur

Frægir Danir verða látnir velja þau Afríkulönd sem munu hljóta þróunarhjálp frá Danmörku frá og með miðjum desember. Tilgangurinn er sá að koma í veg fyrir að eingöngu sérfræðingar séu fulltrúar þróunarhjálpar Danmerkur, kom fram á fréttavef danska blaðsins Politiken.

Gömul sprengja sprengd í hvelli

Sprengja frá tímum borgarastríðsins í Bandaríkjunum, sem háð var á árunum 1861 til 1865, fannst á þriðjudaginn við byggingaframkvæmdir í borginni Richmond í Virginíuríki í Bandaríkjunum.

Engar kröfur um sérþekkingu

Bandaríkin Yfirmenn bandarísku alríkislögreglunnar FBI viðurkenna að þeir hafi ekki gert kröfur um sérstaka þekkingu á starfsemi hryðjuverkasamtaka né heldur á málefnum Mið-Austurlanda þegar fólk var ráðið til starfa hjá deild, sem hafði það verkefni að koma í veg fyrir hryðjuverk eftir árásirnar á New York og Washington í september árið 2001.

Starfsfólk greip til sinna ráða

Harðar deilur hafa staðið um jólatré í flugstöðvarbyggingu við sameiginlegan alþjóðaflugvöll borganna Seattle og Tacoma í Bandaríkjunum.

Einkaspæjarar í jólaboðum

Danskir einkaspæjarar hafa óskaplega mikið að gera í desembermánuði, því fjölmargar afbrýðisamar eiginkonur ráða þá til að mæta í jólaboð og hafa auga með eiginmönnunum, segir í frétt ríkisútvarps Danmerkur.

Dæmdur sekur um þjóðarmorð

Mengistu Haile Mariam, fyrrverandi einræðisherra í Eþíópíu, var á þriðjudag, ásamt félögum sínum, dæmdur sekur um þjóðarmorð og fleiri glæpi í réttarhöldum, sem haldin voru í Eþíópíu að honum fjarstöddum.

Snorri hafði rangt fyrir sér

Snorri Sturluson hafði rangt fyrir sér. Niðaróskirkjan var ekki byggð yfir upprunalega gröf Ólafs helga Tryggvasonar og því verður að endurskrifa sögu dómkirkjunnar. Þetta er niðurstaða fornleifafræðingsins Øystein Ekroll sem í þrjú ár hefur grúskað í ritum Snorra, segir í frétt Aftenposten í gær.

Bílsprengjur bana minnst 71

Minnst 71 Íraki lét lífið í sprengjutilræði í Bagdad á þriðjudag, sem beint var gegn daglaunamönnum sem söfnuðust saman í leit að vinnu snemma morguns á torgi í hverfi sjía-múslima. 151 maður særðist.

Bannað að áreita homma

Færeyska þingið samþykkti í gær með sautján atkvæðum gegn þrettán að gera það ólöglegt að hæða eða niðurlægja samkynhneigða á grundvelli kynhneigðar þeirra, að því er fram kemur í frétt Politiken.

Ásakanir fylkinga ganga á báða bóga

Átök tveggja helstu hópa Palestínumanna, Hamas og Fatah, hafa magnast síðustu daga með morðum og ásökunum á báða bóga.

Verður að vara við þunglyndislyfjum

Matvæla- og lyfjanefnd Bandaríkjanna ákvað í kvöld að þunglyndislyf skuli merkt með viðvörunum þess efnis að notkun þeirra geti aukið sjálfsvígshugsanir hjá notendum undir 25 ára aldri. Fyrir stendur á pakkningum lyfjanna að börnum og unglingum sé hættara við slíkum hugleiðingum með notkun lyfsins. Lyfin sem um ræðir eru meðal annarra Zoloft og Prozac.

Brúðkaupsplönin að bráðna

Brúðkaupsplönin hafa verið sett á ís hjá nýsjálensku pari sem langar að gifta sig á ísjaka undan ströndum Nýja-Sjálands. Í fyrsta lagi er of hættulegt að lenda á ísjaka nógu lengi til að gifta hjónaleysin, þeir kollsteypast ótt og títt. Önnur hindrunin er lagaleg: væntanlegur lendingarstaður verður að vera innan við 12 sjómílur frá strönd landsins.

Kastró í þátíð

Kúbverjar tala nú æ oftar um leiðtogann veika Fídel Kastró í þátíð, enda hefur hann ekki sést opinberlega frá því í júlílok. Þjóðin hefur ekki fengið að vita hvað ami að leiðtoga hennar eða hvar hann dveljist. Kastró, sem hefur verið við völd í tæplega hálfa öld, sá sér ekki fært að koma fram opinberlega við hátíðarhöld vegna síns eigin áttræðisafmælis nýverið.

Guantanamo-fangi tapaði máli

Salim Ahmed Hamdan, fangi í Guantanamo-fangabúðunum, sem vann mikilvægan dómssigur fyrir hæstarétti Bandaríkjanna í júní, tapaði í dag máli sínu gegn ríkinu. Alríkisdómari vísaði frá kröfunni um að varðhald hans í Guantanamo væri ólöglegt. Dómarinn vísaði í nýlega undirrituð lög um hryðjuverkamenn.

Fangelsisdyrnar lokast á eftir Skilling

Fyrrum framkvæmdastjóri bandaríska orkufyrirtækisins Enron, sem fór á hausinn með háum hvelli árið 2001, hóf fangavist sína í dag í alríkisfangelsinu í Waseca í Minnesota. Hann er dæmdur í 24ra ára fangelsi fyrir hlut sinn í bókhaldssvindli og lygum að hluthöfum fyrirtækisins sem margir áttu allt sitt sparifé í Enron-bréfum.

Danskur ráðherra segir af sér

Lars Barfoed hefur sagt af sér sem fjölskyldu- og neytendaráðherra Danmerkur, stuttu eftir að Danski þjóðarflokkurinn lýsti andstöðu við hann sem ráðherra og þar með er meirihluti þingmanna andsnúinn honum. Hann tilkynnti afsögn sína á blaðamannafundi sem hann boðaði til í kvöld.

Forseti Kenía afþakkar launahækkun

Forseti Kenía, Mwai Kibaki, hafnaði í dag launahækkun sem þingið hafði boðið honum sem hefði nær þrefaldað launaupphæð hans. Kibaki á fyrir umfangsmiklar eignir og viðskiptafyrirtæki og er margfaldur milljónamæringur, í þjóðfélagi þar sem margir þegna hans draga fram lífið á minna en einum Bandaríkjadal á dag.

Verðlaunafé boðið fyrir upplýsingar

Breska lögreglan leitar nú logandi ljósi að raðmorðingja sem hefur myrt fimm vændiskonur nærri Ipswich á tæpum mánuði. Blaðið News of the World hefur heitið jafnvirði rúmlega þrjátíu milljóna íslenskra króna í verðlaun fyrir upplýsingar sem leiða til handtöku og hafa um tvö þúsund ábendingar þegar borist lögreglu.

Ísraelar brjóta vopnahlé á Gaza

Ísraelskir hermenn drápu palestínskan byssumann í dag, í fyrsta skipti síðan vopnahlé á Gaza milli Palestínumanna og Ísraela var samþykkt þann 26. nóvember síðastliðinn. Maðurinn var skotinn rétt við landamæragirðingu sjálfstjórnarsvæðisins. Hann var meðlimur í Fatah-hreyfingu Mahmoud Abbas, forsætisráðherra Palestínumanna.

Samkynhneigðir njóti verndar í Færeyjum

Færeyska lögþingið samþykkti í dag að samkynhneigðir skuli njóta lagaverndar gegn háði og ofsóknum. Frumvarpið fer til þriðju umræðu í næstu viku þar sem fastlega er búist við að það verði samþykkt. Sams konar frumvarp var fellt með yfirgnæfandi meirihluta á síðasta ári. Færeyingar hlutu bágt fyrir þá afgreiðslu og málið var meðal annars tekið upp á síðasta þingi Norðurlandaráðs.

Curbishley nýr þjálfari West Ham

Alan Curbishley hefur verið ráðinn knattspyrnustjóri enska úrvalsdeildarliðsins West Ham sem er í eigu Eggerts Magnússonar og Björgólfs Guðmundssonar. Frá þessu er greint á heimasíðu félagsins.

Saka Frakka um ódæðisverk í Rúanda

Stjórnvöld í Rúanda hafa sakað franska hermenn um nauðganir og pyntingar í þjóðarmorðinu sem þar var framið árið 1994. Þau fullyrða einnig að Frakkar hafi þjálfað stjórnarherinn og lagt honum til stórskotalið. Frakkar segja hermenn sína ekkert rangt hafa gert.

Lögregla í Ipswich hefur fengið yfir 2000 símtöl vegna morða

Lögregla í Suffolk á Englandi hefur fengið hefur yfir 2000 símtöl frá almenningi í kjölfar þess að hún fann tvö lík í gær sem talin eru af tveimur vændiskonum sem saknað hefur verið. Talið er að raðmorðingi gangi laus í landinu en á skömmum tíma hafa fimm vændiskonur fundist látnar nærri Ipswich.

Rosaleg stýrivaxtahækkun í Noregi

800 þúsund Írakar í Sýrlandi

Sýrland hefur tekið á móti meira en 800 þúsund flóttamönnum frá Írak, síðan innrásin var gerð í landið árið 2003. Flóttamennirnir fá dvalarleyfi sín endurnýjuð árlega ef þeir hafa fastar tekjur, eiga eignir í Sýrlandi eða hafa skráð börn sín í sýrlenska skóla.

Berlingske Officin segir upp 350 manns

Útgáfufyrirtækið Berlingske Officin hyggst segja upp 350 starfmönnum á næstu tveimur árum en það jafngildir áttunda hverjum starfsmanna. Þetta er gert vegna fjárhagsvanda félagsins.