Erlent

Nyhedsavisen kaupir út danska póstinn

Danski pósturinn er hættur þáttöku í dreifingu fríblaðsins Nyhedsavisen, og aðstandendur blaðsins fagna því. Sérstakt fyrirtæki, "Morgundreifingin" var stofnuð um dreifingu blaðsins og átti danski pósturinn þar 49 prósent. Restina átti fyrirtækið 365 Media Skandinavia. Danska Samkeppniseftirlitið hafði ýmislegt við þetta að athuga og lagði hömlur á starfsemina.

Erlent

Norður-Kórea gæti brátt afvopnast

Condoleezza Rice, utanríkisráðherra Bandaríkjanna, sagði í dag að hún vonist til þess að farið verði að vinna eftir samkomulagi sem náðist árið 2005 um að binda endi á kjarnorkuáætlun Norður-Kóreu. Rice skýrði frá þessu sinni á fundi með utanríkisnefnd öldungadeildar bandaríska þingsins.

Erlent

Hamas og Fatah nálgast samkomulag

Hamas og Fatah hreyfingarnar hafa náð samkomulagi um hverjir munu skipa flestar stöður í væntanlegri þjóðstjórn Palestínu. Sagt var frá þessu í dag. Aðeins á eftir að velja innanríkisráðherra Palestínu.

Erlent

Hnepptu mæðgur í þrældóm og pyntuðu

Fimmtíu og fimm ára gömul ungversk kona er látin eftir að nágrannar hennar pyntuðu hana og þrítuga dóttur hennar svo mánuðum skipti. Einn karlmaður og tvær konur hafa verið handteknar vegna málsins. Þetta gerðist í litlu þorpi í miðju Ungverjalandi.

Erlent

Áttavilltur flugmaður lenti á vegi

Eftirlaunaþegi lenti flugvél á nýjum vegi í Bretlandi í þeirri trú að hann hefði fundið lendingarbraut flugvallar skammt frá. Flugmaðurinn áttaði sig á mistökunum þegar flugvélin fór yfir hraðahindrun á veginum. Engin umferð var á veginum í Leominster í Herefordshire, en maðurinn lenti þrátt fyrir að taka eftir gangstétt og ljósastaurum samkvæmt fréttavef Sky.

Erlent

Skutu hunda sér til gamans

Verðir í búlgörskum almenningsgarði hafa valdið deilum meðal embættismanna eftir að þeir skutu hund rússnesks ræðismanns - af því að þeim leiddist. Rússneski konsúllinn í borginni Russe í Búlgaríu krefst aðgerða eftir að labrador hundurinn hans, Mecho, var skotinn til bana af vörðunum, en þeir notuðu hann sem skotmark í hæfniskeppni.

Erlent

„Beygðu STRAX í norður“

Bandaríski flotinn hefur opinberlega sagt að þessi frásögn eigi ekki við rök að styðjast, en hún er sögð vera til í skjalasafni yfirmanns bandaríska flotans, og þetta á að hafa gerst árið 1995. Um er að ræða talstöðvar-viðskipti bandarísks herskips sem var á siglingu undan strönd Kanada, skammt frá Halifax. Bandaríska herskipið kallar upp í talstöð sinni:

Erlent

Sex leikvangar opnir fyrir áhorfendum á Ítalíu um helgina

Ítalska ríkisstjórnin tilkynnti í dag að opna mætti sex knattspyrnuleikvanga fyrir áhorfendum um helgina en aðrir yrðu lokaðir þar til viðeigandi ráðstafanir hefðu verið gerðar sem tryggðu öryggi áhorfenda. Vellirnir sem um ræðir eru í Róm, Genúa, Siena, Cagliari, Tórínó og Palermo.

Erlent

Ungabarn tekið upp í skuld

Serbneskur spítali hefur neitað að af henda móður nýfætt barn sitt þar til hún hefur greitt fyrir sjúkrahúsvistina. Senija Roganovic frá Macedóníu fæddi barn sitt á Neonatology sjúkrahúsinu í Belgrad fyrir tveimur mánuðum. Barninu hefur verið haldið á spítalanum síðan, þar sem konan hefur ekki greitt 600 þúsund króna reikning fyrir tíu daga dvöl sína og barnsins á spítalanum.

Erlent

Norður-Kóreumenn vilja semja

Norður-Kóreumenn eru tilbúnir að hefja vegferð í átt til þess að láta af kjarnorkuáætlunum sínum. Þetta segja embættismenn frá Suður-Kóreu en viðræður sex ríkja um kjarnorkumál Norður-Kóreu hófust í morgun í Peking í Kína.

Erlent

NASA: Betra eftirlit með geðheilsu starfsmanna

Geimferðastofnun Bandaríkjanna, NASA, ætlar að herða eftirlit með geðheilsu geimfara eftir að þeir hafa verið ráðnir til starfa. Þetta var ákveðið eftir að fréttir bárust af langferð geimfarans Lisu Nowak sem reyndi að ræna öðrum starfsmanni sem hún hélt að væri keppinautur um ástir þess þriðja.

Erlent

Dæmdur fyrir að gera 11 ára stúlku ófríska

Dómstóll í Frakklandi dæmdi ungan mann í átta mánaða skilorðsbundið fangelsi fyrir að hafa haft mök við og gert 11 ára stúlku ófríska. Dómurinn féllst ekki á ásakanir fjölskyldu stúlkunnar um að maðurinn hefði nauðgað henni, en hann var átján ára þegar atvikið varð. Stúlkan fæddi barnið í mars á síðasta ári og hafa foreldrar hennar hjálpað henni að annst það. Í dómsorði segir að manninum hefði átt að vera ljóst að sökum ungs aldurs hefði stúlkan ekki haft andlegan þroska til að stunda kynlíf.

Erlent

Handtóku meintan vopnainnflytjenda

Bandaríski herinn hefur sent frá sér yfirlýsingu um að maðurinn sem þeir handtóku í árás á menntamálaráðuneytið í Írak í morgun sé lykilaðili í ólöglegum innflutningi vopna inn í landið. Þeir nafngreindu manninn ekki en í fréttum frá íröskum embættismönnum í morgun kom fram að þetta hafi verið Hakim Zamili, aðstoðarmenntamálaráðherra landsins, sem er stuðningsmaður sjítaklerksins Moqtada al-Sadr.

Erlent

Ólga á ný í Kosovo

Bæði Serbar og Albanar eru ósáttir við tillögur Sameinuðu þjóðanna um framtíð Kosovo-héraðs, og báðir munu efna til mótmæla um helgina. Serbar eru ósáttir við að í tillögunum er gert ráð fyrir að Kosovo verði skilið frá Serbíu og fái aðild að alþjóðastofnunum. Albanar eru ósáttir við að í tillögunum er ekki að finna orðið "sjálfstæði."

Erlent

Íranar segjast geta sökkt stórum herskipum

Íranar eiga að sögn flugskeyti sem geta grandað stórum herskipum. Hersveitir Írana skutu í dag tilraunaflugskeytum út á Persaflóa. Bandaríkjaher er með flugmóðurskip á Persaflóa og ætla að senda þangað annað til þess að þrýsta enn frekar á Íransstjórn að láta af kjarnorkuáætlunum. Íranar virðast hins vegar ætla að láta hart mæta hörðu.

Erlent

Gerðu loftárás á meinta uppreisnarmenn

13 meintir uppreisnarmenn féllu í loftárás bandaríkjahers í morgun nærri Fallujah í Írak. Loftárásin var gerð á hús sem Bandaríkjamenn segja að hýsi uppreisnarhópa. Eftir loftárásina voru svo fimm menn handteknir. Einhver vopn og skotfæri fundust á staðnum.

Erlent

Viðræður halda áfram í dag

Viðræður Mahmoud Abbas forsætisráðherra Palestínu og Khaled Mashaal leiðtoga Hamas hófust í ný í Mekka í Sádí-Arabíu í dag. Fatah-hreyfing Abbas og Hamas-samtökin reyna nú að mynda þjóðstjórn Palestínumanna. Miklar vonir eru bundnar við viðræðurnar en Abbas sagði í gær að viðræðunum yrði fram haldið þar til niðurstaða fengist.

Erlent

Handtóku ráðherra í árás

Bandarískar og írakskar hersveitir réðust í morgun á heilbrigðisráðuneytið í Bagdad og handtóku aðstoðarheilbrigðisráðherra landsins. Ráðherrann er hliðhollur múslimaklerknum Moqtada al-Sadr en samtök hans eru sögð skipuleggja hermdarverk í Írak. Þetta er liður í áætlunum um að koma á friði í landinu. Ekki hefur komið fram um hvað ráðherran er sakaður.

Erlent

Bandarískir hermenn þiggja mútur

Kviðdómur sakfelldi í gær þrjá bandaríska hermenn fyrir að hafa þegið mútur á meðan þeir þjónuðu í Írak. Þeir voru fundnir sekir um að hafa tryggt verkatafyrirtækjum verkefni fyrir næstum 9 milljónir bandaríkjadala í skiptum fyrir bíla, skartgripi og fasteignir. Minnst fjögur svipuð mál hafa komið upp nýlega þar sem bandarískir hermenn hafa verið fundnir sekir um að þiggja mútur í Írak.

Erlent

Flóðin í Indónesíu versna enn

Enn er allt á floti í Jakarta höfuðborg Indónesíu. Stjórnvöld viðurkenna að slæmu skipulagi borgarinnar sé um að kenna hversu illa hefur farið.

Erlent

Vetrarveður á Bretlandseyjum

Umferð hefur gengið hægt og illa víða á Bretlandseyjum í morgun en þar snjóaði mikið í nótt. Lögregla hefur varað vegfarendur við að vera á ferðinni að óþörfu. Veðrið er enn slæmt og ættu þeir sem eiga flug til London í dag að búa sig eins og í íslensku vetrarveðri og gera ráð fyrir að tafir geti orðið á ferðum. Eins hafa einhverjar tafir orðið á flugvöllum vegna veðurs og snjóþyngsla.

Erlent

Kynlíf eða ný föt?

Þegar kemur að fötum þá vita konur hvað þær vilja. Það kom í ljós í könnun sem var lögð fyrir 1.000 konur í Bandaríkjunum. Flestar þeirra sögðust tilbúnar að gefa kynlíf upp á bátinn í 15 mánuði ef þær fengju fataskáp fullan af nýjum fötum. Tvö prósent þeirra sagði að þær væru tilbúnar að hætta að lifa kynlífi í þrjú ár fyrir nýju fötin. 61% þeirra bætti síðan við að það væri mun verra að týna uppáhaldsflíkinni en að sleppa rúmfræði í heilan mánuð.

Erlent

Tölvuleikir bæta sjón

Rannsóknir sýna að tölvuleikir bæta sjónina, sérstaklega þeir sem áreita augað mikið. Þeir sem spila í nokkra klukkutíma á dag eru um 20 prósent fljótari að greina bókstafi á blaði sem birtast innan um önnur tákn, sem er próf sem er notað af augnlæknum.

Erlent

Átök á milli Ísraela og Líbana

Líbanski herinn skaut í kvöld á ísraelska hermenn sem voru að leita að sprengjum á landamærum ríkjanna tveggja. Þetta kom fram í fréttum hjá herútvarpi Ísraels. Samkvæmt fregnum skutu ísraelskir hermenn til baka en ekkert mannfall var hjá þeim. Talsmaður ísraelska hersins sagði að þeir héldu að einhverjir hermanna Líbana hefðu fallið í átökunum.

Erlent

Forsætisráðherra Sómalíu styrkir völd sín

Forsætisráðherra Sómalíu, Ali Mohamed Gedi, stokkaði upp í ríkisstjórn sinni í dag til þess að auka áhrif sín í henni, þóknast ættbálkum og halda sig við loforð um þjóðstjórn í landinu. Ríkisstjórnin er nú að reyna að auka völd sín í Sómalíu eftir að íslamska dómstólaráðið var rekið frá völdum.

Erlent

NASA að bæta eftirlit með geimförum

Geimferðastofnun Bandaríkjanna, NASA, sagði í dag að hún myndi fara yfir starfsreglur er varða eftirlit með heilsu og geðheilsu geimfara eftir að þeir eru ráðnir. Hingað til hefur ekkert eftirlit verið með geðheilsu þeirra eftir að þeir hefja störf.

Erlent

Ítalski boltinn hefst að nýju um helgina

Knattspyrnusamband Ítalíu sagði frá því í dag að knattspyrnuleikir myndu hefjast að nýju um næstu helgi. Stjórnvöld á Ítalíu samþykktu í dag hertar öryggisráðstafanir til þess að reyna að koma í veg fyrir óeirðir á knattspyrnuleikjum.

Erlent

Apple og Apple semja

Apple-tölvurisinn og Apple, útgáfufélag Bítlanna, hafa grafið stríðsöxina og bundið enda á þriggja áratuga lagadeilur um rétt til nafns og vörumerkis. Þetta gæti þýtt að Bítlalög verði í boði hjá iTunes og öðrum tónlistarveitum á netinu í fyrsta sinn.

Erlent

Mest lesið