Erlent

Þversagnir vesturveldanna

Vesturveldin krefjast þess að Íranir hætti auðgun úrans annars eru þau ekki tilbúin að ræða hvort kjarnorkuáætlunin sé ólögleg. Þetta segir Gholamhossein Elham talsmaður Íransstjórnar. Hann segir vesturveldin vera í þversögn við sig sjálf - að það sé þversögn að Íranir þurfi að leggja áætlanir sínar niður til að hægt sé að ræða þær.

Erlent

Mannskætt flugdrekaslys

Ellefu týndu lífi og rúmlega hundrað slösuðust á árlegri vorhátíð í Austur-Pakistan í gærkvöldi og nótt. Komandi vori var þar fagnað nokkuð snemma og af því tilefni var flogið með mörg þúsund litríka flugdreka. Hleypt var af byssum út í loftið og urðu sumir fyrir byssukúlum.

Erlent

Dæmdur í 10 ár fyrir barnamisnotkun

Dómstóll í Indónesíu hefur dæmt ástralskan karlmann í tíu ára fangelsi fyrir að misnota götubörn kynferðislega. Maðurinn sem er 48 ára kennari var handtekinn í Jakarta í ágúst eftir að sjö börn höfðu sagt hann hafa misnotað sig.

Erlent

Varaforseti Íraks særðist í árás

Adel Abdul Mahdi varaforseti Íraks slapp með skrámur þegar sprengjumenn gerðu árás á ráðuneyti í Bagdad í morgun. Sex fórust í árásinni. Enn er óljóst hvort um tilræði við varaforsetann var að ræða en æðstu embættismenn landsins hafa gjarnan verið skotmörk uppreisnarmanna.

Erlent

Þjóðarmorð en Serbar ekki ábyrgir

Alþjóðadómstóllinn í Haag í Hollandi, æðsti dómstóll Sameinuðu þjóðanna, úrskurðaði í morgun að Serbar bæru ekki ábyrgð á þjóðarmorðum í Bosníustríðinu 1992 til 1995. Hinsvegar úrskurðaði dómstóllinn að Serbar hefðu vanrækt að koma í veg fyrir þjóðarmorð.

Erlent

„Græn“ Óskarsverðlaunahátíð

Al Gore og herferð hans gegn hlýnun loftslags vann stórt á Óskarverðlaunahátíðinni í nótt. Varaforsetinn fyrrverandi er í aðalhlutverki í myndinni An Inconvenient Truth, eða Óþægilegur sannleikur sem hlaut verðlaun sem besta heimildamyndin á hátíðinni. Myndin fjallar um orsakir og afleiðingar loftslagsbreytinga.

Erlent

Cheney óvænt í Pakistan

Dick Cheney varaforseti Bandaríkjanna kom í morgun í óvænta heimsókn til Pakistan, þar sem hann ætlar að þrýsta á stjórnvöld þar að aðstoða frekar í baráttunni gegn sókn Talibana í Afganistan. Cheney hitti Pervez Musharraf forseta Pakistan í forsetahöllinni í Islamabad og lýsti þar áætlunum Bandaríkjastjórnar til að koma á varanlegum friði í Afganistan.

Erlent

Funda um aðgerðir gegn Írönum

Erindrekar þjóðanna sem eiga fastafulltrúa í Öryggisráði Sameinuðu þjóðanna auk Þjóðverja hittast í London í dag til að ræða stöðuna sem upp er komin vegna kjarnorkumála Írana. Í síðustu viku sögðu fulltrúar Alþjóðakjarnorkumálaráðsins að þeir hefðu fundið gögn sem sönnuðu að Íranir auðguðu enn úran.

Erlent

Innflytjendur hamli efnahagsframförum

Þjóðernissinninn Jean-Marie Le Pen ætlar enn að blanda sér í baráttuna um forsetaembættið í Frakklandi. Hann kynnti kosningaáherslur sínar á flokksþingi í Lille um helgina og hét því að næði hann kjöri mundi hann hægja á flæði innflytjenda og minnka tengsl Frakka við Evrópusambandið.

Erlent

Scorsese loksins með leikstjóraverðlaunin

Kvikmynd Martin Scorsese, The Departed, var sigursæl á Óskarsverðlaunahátíðinni sem haldin var í nótt. Þessi þaulreyndi leikstjóri hlaut þá í fyrsta sinn Óskarsverðlaun fyrir leikstjórn. Scorsese hefur fimm sinnum áður hlotið tilnefningu til leikstjóraverðlaunanna en aldrei áður hlotið þau. Því var svo komið að flestir töldu nær öruggt að hann hlyti verðlaunin í þetta skiptið.

Erlent

Dæmt um þjóðarmorð

Sögulegur dómsúrskurður verður felldur í dag þegar Alþjóðadómstóllinn dæmir um hvort Serbía beri ábyrgð á þjóðarmorði á tímum Bosníustríðsins.

Erlent

Upp komst um fimm mansalstilfelli

Aðeins fimm tilfelli mansals komu upp í tengslum við heimsmeistaramótið í knattspyrnu sem fram fór í Þýskalandi í fyrrasumar, samkvæmt skýrslu sem þýsk stjórnvöld sendu Evrópusambandinu og norska Dagblaðið greinir frá á fréttavef sínum.

Erlent

Wade forseti segist bjartsýnn

Abcoulaye Wade, forseti Senegals, segist afar bjartsýnn á að fá meirihluta í fyrri umferð forsetakosninganna, sem haldnar voru í gær, þannig að ekki þurfi að efna til seinni umferðar.

Erlent

Sýnir hve langt hefur miðað

Condoleezza Rice, utanríkisráðherra Bandaríkjanna, segir forsetaframboð Baracks Obama ótvírætt merki um það hve þróunin í Bandaríkjunum er komin langt á veg.

Erlent

Segist ekki sjá nein batamerki

Herskái sjíaklerkurinn Muqtada al Sadr segist ekki sjá að öryggisátak íraskra og bandarískra hermanna í Bagdad hafi borið neinn árangur, þrátt fyrir að hafa nú staðið í þrjár vikur.

Erlent

Þjóðarmorð skilgreint

Samkvæmt 2. grein alþjóðasamnings um ráðstafanir gegn og refsingar fyrir hópmorð frá 1948 er þjóðarmorð skilgreint þannig að það felist í einum eða fleiri af eftirtöldum athöfnum, séu þær framdar með það í huga að eyða, í heild eða að hluta, tilteknum þjóðernishópi, kynþætti eða trúarhópi:

Erlent

Rænt undan Sómalíuströnd

Sjóræningjar rændu birgðaskipi frá Sameinuðu þjóðunum skammt undan strönd Sómalíu í gær. Skipið hafði þá skömmu áður losað farm sinn í höfn, matvæli til neyðaraðstoðar í norðaustanverðri Sómalíu. Tólf manna áhöfn var um borð í skipinu, en ekki er vitað hver örlög hennar urðu.

Erlent

Dómsdagsgeymsla á Svalbarða

Norsk stjórnvöld áforma að svokölluð „dómsdagsgeymsla“ á Svalbarða, sem mun geyma fræ af öllum þekktum tegundum í heiminum, verði tilbúin árið 2008. BBC greinir frá þessu á fréttavef sínum.

Erlent

Ég kem Dulcineia, ég kem

Þegar James Van Iveren heyrði konu æpa hástöfum, í íbúð nágranna síns, þreif hann sverð afa síns ofan af vegg og þeysti til hjálpar. Hann sparkaði upp hurð nágrannans og æddi inn með brugðinn brandinn. Þetta gerðist í bæ í Wisconsin sem heitir því hljómfagra nafni Oconomowoc.

Erlent

Forseti Íraks veikur

Jalal Talabani, forseti Íraks, er veikur og hefur verið ráðlagt að fara til Jórdaníu í rannsókn. Í yfirlýsingu frá forsetaskrifstofunni er ekki sagt hvers eðlis veikindi hans eru, en sagt að ekki sé ástæða til þess að hafa af þeim áhyggjur. Ýjað er að því að það sé helst ofþreyta sem hrjái forsetann.

Erlent

Óskarsverðlaunin afhent í nótt

Undirbúningur fyrir Óskarsverðlaunahátíðina er nú í fullum gangi í Los Angeles í Bandaríkjunum, en verðlaunin verða afhent í nótt og verður hátíðin í beinni útsendingu hér á Stöð 2.

Erlent

Dansað í konungshöllinni

Hinrik Danaprins var með Dorrit Moussaieff, forsetafrú Íslands, upp á arminn í afmælisveislu Haraldar Noregskonungs, í Ósló í gær. Haraldur er sjötugur og var slegið upp mikilli veislu í konungshöllinni. Þar stigu Dorrit og forsetinn léttan dans.

Erlent

Segjast hafa skotið geimflaug á loft

Íranar segjast hafa náð því takmarki sínu í gær að skjóta geimflaug á loft sem hafi síðan farið út fyrir gufuhvolf jarðar. Sérfræðingar segja að ef það reynist rétt geti Íranar hæglega smíðað langdrægar eldflaugar sem breyti stöðunni í kjarnorkudeilu þeirra við vesturveldin.

Erlent

Segir Írana hætta afskiptum af Írak

Íranar hafa hætt að þjálfa íraska hryðjuverkamenn og sjá þeim fyrir vopnum, á síðustu vikum, að sögn háttsetts írasks embættismanns. Hann telur að þeir vilji sjá hvort sókn bandarískra og íraskra hermanna í Bagdad geti leitt til friðar í höfuðborginni.

Erlent

Setti frúna nakta á netið

Ítalskri konu var brugðið, í gær, þegar hún frétti af því að eiginmaður hennar hafði árum saman sett myndir af henni á internetið, bæði þar sem hún var í baðherberginu, og eins þegar þau nutu ásta í svefnherbergi sínu. Það var ítalska lögreglan sem lét hana vita af þessu. Maðurinn kveðst ekki hafa vitað að þetta væri ólöglegt.

Erlent

Dýravinir vilja skjóta fíla

Náttúruverndarsamtökin World Wildlife Fund segja að Suður-Afríkumenn verði að íhuga að byrja að grisja fílahjarðir, á nýjan leik, ekki síst í Kruger þjóðgarðinum. Þetta er vegna þess að fílum hefur fjölgað svo mikið að lífríkið stendur ekki undir ágangi þeirra. Grisjun var hætt árið 1994 eftir mikla mótmælaöldu. Nú eru fílarnir hinsvegar orðnir yfir 12 þúsund talsins og hvorki nóg pláss né nóg að éta.

Erlent

Svíar skutu á glugga Saddams

Þegar Saddam Hussein keypti skothelt gler í eina af fimmtíu höllum sínum, var hann að vonum kröfuharður. Hann vildi vera viss um að glerið væri í raun skothelt. Sænska blaðið Borås Tidning segir að til að tryggja það var haft samband við sænskt fyrirtæki sem fékk glerið til sín, í Borås. Fyrirtækið hafði svo samband við sænska herinn til þess að fá hann til að skjóta á glerið með kúlum sem eiga að fara í gegnum brynvörn.

Erlent

Boðar vantraust á tvo ráðherra

Hollenski þingmaðurinn Geert Wilders ætlar að leggja fram vantraust á tvo ráðherra í nýrri ríkisstjórn Hollands, þegar þingið kemur saman eftir helgi. Ráðherrarnir eru báðir innflytjendur og múslimar sem hafa tvöfaldan ríkisborgararétt. Annar þeirra er frá Marokkó og hinn frá Tyrklandi.

Erlent

Fagnar afmæli þrátt fyrir óðaverðbólgu

Robert Mugabe, forseti Simbabve, fagnaði 83 ára afmæli sínu í gær. Talið er að jafnvirði tæplega 70 milljóna íslenskra króna hafi verið varið í veisluna. Spenna hefur magnast í landinu í liðinni viku. Verðbólga mælist nú 1600%.

Erlent

Mest lesið