Erlent

Hiti færist í baráttuna

Finnski dómsmálaráðherrann Leena Luhtanen ætlar ekki að víkja úr ráðherraembætti vegna ásakana um að hún hafi borgað auglýsingar undir borðið í kosningabaráttu árið 2004. Luht­anen hafnar þessum ásökunum sem birtust í finnska eftirmiðdagsblaðinu Ilta Lehti.

Erlent

Til minningar um Ungdomshuset

Meira en þúsund ungmenni hafa í kvöld safnast saman á „Ground 69“, þar sem Ungdomshuset á Norðurbrú stóð árðu. Þar var í kvöld kyrrðarstund til minningar um húsið og starfsemi þess. Lögregla fylgdist með úr fjarlægð en skipti sér ekki af ungmennunum.

Erlent

Skoðanir Hirohito afhjúpaðar

Hirohito fyrrverandi Japanskeisari hafði miklar efasemdir um að fara í stríð við Kína á fjórða áratug síðustu aldar. Þetta kemur fram í dagbók eins ráðgjafa hans sem var afhjúpuð í dag. Í dagbókinni kemur fram að Hirohito óttaðist vald Sovíetríkjanna og að þau mundu skerast í leikinn.

Erlent

Græna línan rifin

Kýpur-Grikkir byrjuðu seint í gær að rífa niður múrinn sem klýfur höfuðborgina Nikosíu í tvennt, einu höfuðborg Evrópu sem enn er klofin með landamærum.

Erlent

Eftirlaunaaldur hækkaður í Þýskalandi

Eftirlaunaaldur verður hækkaður í Þýskalandi. Þetta var samþykkt á þinginu þar í landi í dag með yfirgnæfandi meirihluta atkvæða. Nú er eftirlaunaaldurinn 65 ár en verður hækkaður upp í 67 ár. Þetta er gert vegna þess að fæðingatíðni er með því lægsta sem gerist í Evrópu í Þýskalandi og fer því fólki á vinnumarkaði fækkandi.

Erlent

Amnesty krefst rannsóknar á aðferðum lögreglu

Amnesty International hefur farið fram á það við danska dómsmálaráðuneytið að rannsakað verði hvort lögregla hafi beitt óhóflegu harðræði í óeirðunum á Norðurbrú um síðustu helgi. Í bréfi frá Amnesty til dómsmálaráðuneytsins segir að samtökunum hafi borist kvartanir vegna fjöldahandtaka, fangelsun unglinga undir aldri með fullorðnum og ofbeldi gegn föngum en segjast ekki hafa gögn sem styðja við ásakanirnar. Hinsvegar segist Amnesty óttast að pottur sé brotinn þar sem margar kvartanir hafi borist, annars hefði ekki verið beðið um rannsókn.

Erlent

Paisley sigraði

Sambandsflokkur Ian Paisleys er sigurvegari kosninganna á Norður-Írlandi. Flokkurinn hlaut 36 af 108 þingsætum en Sinn Fein fékk 28. Næstur var Sameiningarflokkur Ulsters með 18 sæti.

Erlent

Sögulegur samningur

Fimmtungur orkunotkunar aðildarríkja Evrópusambandsins verður frá endurnýjanlegum orkugjöfum árið 2020. Leiðtogar ríkja Evrópusambandsins samþykktu þetta í morgun. Kanslari Þýskalands, Angela Merkel, segir samninginn marka tímamót.

Erlent

Borgaryfirvöld buðu ungmennum annað hús

Það lá fyrir tilboð um að selja notendum Ungdomshuset á Norðurbrú annað húsnæði á Stevnsgade sem er nærri Jagtvej 69 þar sem Ungdomshuset stóð en því tilboði var ekki tekið. Þetta segir Ritt Bjerregaard borgarstjóri Kaupmannahafnar.

Erlent

Vinna að þróun umhverfisvænna orkugjafa

Bandaríkin og Brasilía skrifuðu í dag undir samning um þróun umhverfisvænna orkugjafa. George Bush Bandaríkjaforseti sagði að ef tækist að draga úr því hversu háð ríkin eru olíu mundi það hjálpa efnahag, öryggi og umhverfi landanna. Það voru Bush og Inacio Lula da Silva forseti Brasilíu sem skrifuðu undir samninginn. Silva sagði samninginn tímamót fyrir bílaiðnaðinn, orkuframleiðslugeirann og mannkyn allt.

Erlent

Hélt sjálfur framhjá meðan hann barði á Clinton

Newt Gingrich, fyrrverandi forseti neðri deildara bandaríkjaþings, hefur viðurkennt að hafa sjálfur haldið framhjá eiginkonu sinni, meðan hann stýrði sókninni gegn Bill Clinton, fyrir samband hans við Moniku Lewinsky. Hugsanlegt er að Gingrich verði frambjóðandi repúblikana í komandi forsetakosningum.

Erlent

Alþjóðlegur jarðfræðigagnagrunnur í smíðum

Jarðfræðingar um víða veröld vinna nú að því að búa til heildstæðan gagnagrunn um berg um allan heim. Þetta er í fyrsta skipti sem upplýsingarnar eru settar í samhengi með þessum hætti. Verkefnið sem ber nafnið OneGeology mun svo birta gagnagrunninn á vefnum þannig að heimsbyggðin geti öll nýtt sér upplýsingarnar.

Erlent

Einn á klóið

Allir fangar vilja losna úr haldi, ekki síst ef þeir sitja í fangelsi í landi eins og El Salvador. Og menn vilja líka komast í betra samband við umheiminn. Þegar fangaverðir í Gotera fangelsinu, sem er skammt fyrir utan San Salvador, höfuðborg El Salvador, ákváðu að gera öryggisleit bæði í húsinu og á föngunum, komust þeir að því að sextán fangar höfðu gleypt farsíma. Og einn sem líklega ætlaði að flýja var með litla handsprengju innvortis.

Erlent

Réttað í Guantanamo-búðunum

Meintur skipuleggjandi og sá sem er talinn heilinn á bak við hriðjuverkaárásirnar á tvíburaturnana í New York verður yfirheyrður í réttarhöldum í Guantanamo-búðunum á Kúbu.

Erlent

Ekki ég, ég er dauð

Glenda Askew var gripin slíkri skelfingu þegar hún var kvödd fyrir dómara vegna hraðaksturs, að hún ákvað að kveðja þetta líf. Breska Sky fréttastofan segir frá því að Glenda hafi sent lögreglunni bréf í nafni dóttur sinnar þar sem sagði; "Móðir mín getur ekki mætt, þar sem hún er látin. Ég er að fara í gegnum persónulega muni hennar og svara bréfum."

Erlent

Makar þeirra sem hrjóta tapa tveimur árum

Þeir sem eiga maka sem hrjóta missa tvö ár af svefni þegar litið er til meðal líftíma sambanda. Í nýlegri breskri rannsókn kemur fram að meira en þriðji hver Breti er sviptur góðum nætursvefni af hrotum maka. Að meðaltali missa makarnir tveggja klukkustunda svefn á hverri nóttu. Þegar tölfræðin tekur svo mið af meðal líftíma sambanda, sem er 24 ár, safnast tímarnir saman og verða að tveimur árum.

Erlent

Óbeinar auglýsingar takmarkaðar

Framkvæmdaráð Evrópusambandsins hefur lagt fram tillögu að takmörkun á óbeinum auglýsingum í sjónvarpi. Nýju reglurnar myndu banna óbeinar auglýsingar í öllu barnaefni, fréttum, dægurmálaþáttum og heimildarmyndum í sjónvarpi.

Erlent

Afi gripinn

Sjö ára telpa olli nokkru uppnámi þegar hún hringdi í neyðarlínuna í bænum Burnett í Wisconsin. Sá starfsmaður neyðarlínunnar sem svaraði, skildi ekki alveg strax af hverju sú stutta hafði hringt, svo hún bara sleppti símanum. Neyðarlínan gat rakið símanúmerið og lögreglubílar voru sendar á staðinn með vælandi sírenur.

Erlent

Fjórir létust í þyrluslysi á Hawaii

Fjórir létust og þrír slösuðust alvarlega þegar þyrla með ferðamönnum innanborðs fórst á flugvelli á eynni Kauai á Hawaii í gær. Flugmaðurinn var einn hinna látnu, en hann hafði yfir tíu þúsund flugtíma á þyrlunni. Slysið átti sér stað á Princeville flugvellinum eftir miðnætti í nótt að íslenskum tíma.

Erlent

Evrópubúar í gíslingu óhultir

Fimm evrópubúar og átta eþíópíubúar sem rænt var á afskekktu svæði í Norður-Eþíópíu af uppreisnarmönnum aðskilnaðarsinna, eru óhultir og öryggir. Ismael Ali Gardo, stofnandi Afar aðskilnaðarsinnanna sagði í morgun að mönnunum væri haldið vegna landamæranna í Eritreu. Hann sagði fréttir af mönnunum hafa borist með hirðingjum nálægt byggð Eritrea í Weima.

Erlent

Ótryggar samgöngur

Hugsanleg skýring á því hversvegna Boeing 737 flugvél fór fram af flugbrautinni og brotnaði og brann, í Indónesíu í gær, er sú að hún hafi verið á of miklum hraða í lendingunni. Varaforseti landsins, Jusuf Kalla, sagði í dag að alltof mörg slys í samgöngumálum væru landinu til vansæmdar.

Erlent

Græna línan rifin

Kýpurgrikkir byrjuðu snemma í morgun að brjóta niður hluta Grænu línunnar, veggs sem skiptir höfuðborginni Nicosia milli tyrkneska og gríska hlutans. Græna línan var sett upp árið 1974 þegar tyrkneskar hersveitir hernámu norðurhluta eyjarinnar.

Erlent

Eldur í flugvél friðargæsluliða

Eldur kviknaði í flugvél friðargæsluliða frá Afríkubandalaginu snemma í morgun í Mógadishu höfuðborg Sómalíu. Þetta er haft eftir embættismönnum á staðnum en ekki er enn vitað um ástæður eldsins. Átök hafa geisað í höfuðborginni milli stjórnarhers landsins og íslamskra uppreisnarhópa

Erlent

Mótmæla komu Bush

Komu George Bush Bandaríkjaforseta til Brasilíu var mótmælt í gær í Sao Paulo, stærstu borgar landsins. Um tíu þúsund manns mótmæltu á stærstu götum fjármálahverfis borgarinnar og í það minnsta 20 slösuðust í átökum milli mótmælenda og óeirðalögreglu.

Erlent

Samkomulag um endurnýjanlega orku

Drög að bindandi samkomulagi um að auka hlutfall endurnýjanlegrar orku voru samþykkt á leiðtogafundi Evrópusambandsins um breytingu loftslags í Brussel í morgun. Gert er ráð fyrir sveigjanleika í því hvernig aðildarlönd sambandsins geta aukið endurnýjanlega orku, eins og vind og sólarorku, í 20 prósent fyrir árið 2020.

Erlent

Stóryrði Sighvats koma Valgerði á óvart

Utanríkisráðherra segir tillögur um að fella Þróunarsamvinnustofnun Íslands inn í ráðuneyti einungis umræðugrundvöll og frumvarp verði ekki lagt fram nú. Löngu tímabært segir fyrrverandi framkvæmdastjóri stofnunarinnar.

Erlent

Fær að fylgjast með tölvupósti

Sænska stjórnin hyggst veita leyniþjónustu landsins heimild til að fylgjast með tölvupóstsamskiptum og símtölum bæði innanlands og til útlanda án þess að þurfa að leita dómsúrskurðar í hvert sinn.

Erlent

Mest lesið