Erlent

Danskir ráðherrar sáttir við nakin umferðarskilti

Bæði jafnréttisráðherra Danmerkur og dómsmálaráðherra eru sáttir við það að berbrjósta stúlkur skyldu notaðar til þess að reyna að draga úr umferðarhraða með því að halda á lofti skiltum þar sem leyfður hraði er tilgreindur. Milljónir manna um allan heim hafa farið inn á heimasíðu dönsku umferðarstofunnar til þess að skoða myndir af þeim.

Erlent

Truflaði guðsþjónustu drottningar

Svartur maður truflaði í dag guðsþjónustu í Westminster Abbey, í Bretlandi, þar sem bæði Elísabet drottning og Tony Blair, forsætisráðherra voru viðstödd. Guðsþjónustan var haldin til að minnast þess að 200 ár eru liðin frá því þrælahald var afnumið í Bretlandi.

Erlent

Aldrei jafn margir þrælar í heiminum

Þrælahald hefur aldrei verið útbreiddara en í dag, né þrælar jafn margir. Hægt er að kaupa sér kynlífsþræla víða um heim fyrir allt niður í eittþúsund íslenskar krónur.

Erlent

Ný höfuðborg Mjanmar sýnd í fyrsta sinn

Herforingjastjórnin í Asíuríkinu Mjanmar, áður þekkt sem Burma, hefur í fyrsta sinn hleypt blaðamönnum inn í nýja höfuðborg landsins, Naypyidaw . Borgin var byggð frá grunni fyrir nokkrum misserum í frumskógi um 460 kílómetra frá gömlu höfuðborginni Yangoon.

Erlent

Skolpbylgja skall á þorpi

Að minnsta kosti þrír týndu lífi og fjölmargra er saknað eftir að safnþró gaf sig og skolp flæddi um þorp á Gaza-svæðinu í morgun. Heilbrigðisyfirvöld segja fjögura ára dreng og sjötuga konu meðal þeirra sem týndu lífi. Á þriðja tug húsa fóru í kaf og 25 hið minnsta slösuðust.

Erlent

Danir klaga grunuð skattsvik

Æ fleiri Danskir borgarar greina þarlendum skattayfirvöldum frá grun sínum um sakttsvik einstaklinga og fyrirtækja. Á annað þúsund skattsvikamála, sem rannsökuð voru sérsaklega í Kaupmannahöfn í fyrra, voru til komin vegna svona ábendinga og þær eru mun fleiri í ár, að sögn Jótlandspóstsins. Ábendingarnar varða einkum svarta atvinnustarfssemi og mikla sjáanlega eyðslu umfram uppgefnar tekjur. Af fyrirtækjum er sérstaklega bent á Kioska, eða sjoppur, pitsustaði, grænmetissala og veitingastaði.

Erlent

Blair hótar Írönum

Tony Blair, forsætisráðherra Bretlands, lýsti því yfir í morgun að ef ekki tækist að frelsa sjóliðana fimmtán, sem eru í haldi Íransstjórnar eftir diplómatískum leiðum, yrði gripið til annarra ráða.

Erlent

Hicks játaði

Ástralinn David Hicks, sem setið hefur í fangabúðunum í Guantanamo undanfarin fimm ár, hefur viðurkennt fyrir herdómstól að hafa tekið þátt í hryðjuverkastarfsemi. Hicks er fyrsti Guantanamo-fanginn sem réttað er yfir samkvæmt lögum sem mannréttindasamtök hafa gagnrýnt ákaft.

Erlent

Prodi nagar neglurnar

Brothætt stjórn Romano Prodi forsætisráðherra Ítalíu bíður nú kosningar um tillögur um að ítalskir friðargæsluliðar verði áfram í Afganistan. Þingið felldi svipaða tillögu fyrir um mánuði síðan og bauðst Prodi til að segja af sér vegna þess. Nokkurra daga stjórnarkreppa ríkti þá í landinu. Sumir samstarfsflokka Prodi í ríkisstjórn, aðallega þeir lengst til vinstri, vilja að hermennirnir verði kallaðir heim.

Erlent

Menn verða uppgefnir á að sofa hjá

Vísindamenn í Austurríki hafa komist að því að heilastarfsemi karlmanna minnki tímabundið við að sofa í sama rúmi og önnur manneskja. Þegar þeir deili rúmi með öðrum heila nótt truflist svefninn, hvort sem þeir njóti ásta eða ekki. Þetta spilli andlegri getu þeirra næsta dag.

Erlent

Kínverjar heita stuðningi við Tíbet

Íbúar Tíbet mega búast við mikilli uppbygginu í landi sínu á næstu árum. Stjórnvöld í Kína, sem hafa farið með stjórn í Tíbet um árabil, heita því að eyða því sem nemur 866 milljörðum íslenskra króna í uppbyggingu í landinu.

Erlent

Blair varar Írana við

Ef friðsamlegar leiðir duga ekki til þess að Íranar láti lausa 15 sjóliða sem þeir handtóku fyrir helgi mun Tony Blair forsætisráðherra Bretlands grípa til annara aðgerða. Hann varar Írana við ef þeir þekkjast ekki kröfur Breta um að láta sjóliðana lausa.

Erlent

Flóð ógna íbúum Sambíu

Hátt í tvær milljónir íbúa Sambíu í Suður-Afríku eru án matar eftir mikil flóð sem geisað hafa þar í landi. Þá eru þúsundir án heimila og maísuppskera í yfir helmingi landsins er í rúst.

Erlent

Fjármálaráðherra Litháen segir af sér

Fjármálaráðherra Litháen sagði af sér í morgun. Í gær var sonur ráðherrans sakfelldur fyrir að hafa brotið reglur viðskiptastofnunar ríkisins þar sem hann starfaði og því segir ráðherrann af sér nú.

Erlent

Danskir smábankar sakaðir um samráð

Sjö danskir héraðsbankar eru eru sakaðir um ólöglegt samráð allar götur síðan 1978. Ítarleg rannsókn samkeppnisyfirvalda hefur staðið síðustu tíu mánuði og er að ljúka. Frá þessu er greint í Berlingske tidende í dag.

Erlent

Neyðarlög þarf í Norður-Írlandi

Breska þingið þarf að samþykkja neyðarlög til að samkomulag Gerry Adams og Ian Paisley um að deila völdum á Norður-Írlandi síðan í gær geti orðið að veruleika. Frestur til að mynda stjórn rann út í gær en eftir fund þeirra Adams og Paisley sögðu þeir að stjórnin gæti tekið til starfa þann 8. maí. Því þarf sex vikur í viðbót.

Erlent

Ræða stofnun Palestínuríkis

Forseti Palestínu og forsætisráðherra Ísrael munu hittast á vikulegum fundum og á þeim verður jafnvel rætt um stofnun sjálfstæðs ríkis Palestínumanna. Condoleeza Rice utanríkisráðherra Bandaríkjanna er nú í heimsókn í Ísrael þar sem hún átti fund með Ehud Olmert og Mahmoud Abbas. Fundi þeirra er nýlokið en að honum loknum greindi Rice frá þessu. Leiðtogarnir munu einni ræða þróun stjórnmála og öryggismál þjóðanna tveggja í landinu eina.

Erlent

Naypyidaw ný höfuðborg Myanmar

Herforingjastjórnin í Myanmar, sem áður hét Búrma hefur ákveðið að Rangoon verði ekki lengur höfuðborg landsins heldur ný borg, Naypyidaw sem verið er að byggja um 500 kílómetra norður af gömlu höfuðborginni. Ekki er ljóst hver ástæðan er fyrir þessari breytingu.

Erlent

Sex fórust í sjálfsmorðsárás tígra

Minnst sex fórust í sjálfsmorðssprengjuárás sem Tamíl -tígrar gerðu á herstöð á austurhluta Sri Lanka í gærkvöldi. Uppreisnarmaður ók dráttarvél hlaðinni sprengiefnum að herstöðinni og sprengdi hana í loft upp við hliðið. Tveir hermenn og fjórir borgarar fórust. Í fyrrakvöld gerðu Tamílar loftárás á herflugvöllinn í Colombo og þá fórust þrír.

Erlent

Ástralski talibaninn játaði allar sakir

„Ástralski talibaninn" David Hicks, sem hefur setið í fimm ár í fangelsinu í Guantanamo á Kúbu eftir að hafa verið handtekinn í Afganistan, játaði á sig allar sakir í réttarhöldum í fangelsinu í gær.

Erlent

Söguleg sátt á N-Írlandi

Samkomulag náðist milli leiðtoga stærstu fylkinga mótmælenda og kaþólikka um myndun heimastjórnar 8. maí. Fyrsta sinn sem leiðtogarnir funda.

Erlent

Girntist þriggja ára gamalt barn

Geðlæknir frá Sádi-Arabíu var á föstudag dæmdur í sjö ára fangelsi fyrir að ferðast til Bandaríkjanna með það að markmiði að hafa mök við barn. Í gegnum internetið komst Nabil Al Rowais í samband við mann sem ætlaði að veita honum aðgang að þriggja ára dóttur sinni.

Erlent

Íranar yfirheyra bresku fangana

Írönsk stjórnvöld greindu frá því í gær að verið væri að yfirheyra bresku hermennina fimmtán sem teknir voru höndum á föstudaginn til að komast að því hvort þeir hefðu „viljandi eða óviljandi“ farið inn í íranska lögsögu. Er þetta fyrsta merki þess að írönsk stjórnvöld séu að leita að leið út úr deilunni.

Erlent

Fordæma þjóðaratkvæðagreiðslu

Þjóðaratkvæðagreiðsla fór fram í Egyptalandi í gær um stjórnarskrárbreytingar sem stjórnarandstæðingar hafa fordæmt sem fals og afturför lýðræðisþróunar.

Erlent

Níutíu prósent heróínsins eru frá Afganistan

Níutíu prósent þess heróíns sem selt er á svörtum markaði í Lundúnum eiga rætur sínar að rekja til blómstrandi valmúaframleiðslu í suðlægari héruðum Afganistans. Þetta segir Goldsmith lávarður, saksóknari þar í landi.

Erlent

Vilja meina Elton að koma til Tóbagó

Leiðtogar kirkjuhópa á eyjunni Tóbagó segja að það ætti að banna Elton John að koma fram á jazzhátíð sem verður haldinn á eyjunni í lok apríl. Þeir segja að samkynhneigð Eltons gæti hugsanlega smitað út frá sér. Þeir hafa þegar reynt að sannfæra þing eyjarinnar um hversu skaðlegur Elton gæti reynst ungviði eyjunnar en allt kom fyrir ekki.

Erlent

Geimhöfn reist í Nýju Mexíkó

Kjósendur í ríkinu Nýja Mexíkó í Bandaríkjunum munu brátt greiða atkvæði um hvort það eigi að reisa geimhöfn í ríkinu. Hún myndi gagnast einkafyrirtækjum sem ætla sér að fljúga farþegaflug út í geim. Ef kjósendur samþykkja nýjan skatt, sem fjármagna á byggingu geimhafnarinnar, verður hafist handa við byggingu hennar strax á þessu ári.

Erlent

Mest lesið