Erlent

Lavrov hraunaði yfir Miliband

Samskipti Rússa og vesturlanda hafa farið versnandi með hverjum deginum síðustu mánuði. Breska blaðið The Sun segir frá símtali sem David Miliband, utanríkisráðherra Breta, átti við starfsbróður sinn Serge Lavrov þar sem hinn síðarnefndi missti gjörsamlega stjórn á skapi sínu. Hann er sagður hafa ausið úr skálum reiði sinnar yfir Miliband og meðal annars sagt í gróflegri þýðingu: „Hver í andskotanum heldur þú að þú sért?, (Eða, who the F*** do you think you are).

Erlent

Ike skellur á með fullum þunga eftir tíu tíma

Fellibylurinn Ike nálgast nú strendur Bandaríkjanna óðfluga og búist er við að hann skelli á með fullum krafti snemma í fyrramálið. Michael Chertoff, yfirmaður heimavarnastofnunar Bandaríkjanna, Homeland Security, sagði á blaðamannafundi í dag að stormurinn gæti haft skelfilegar afleiðingar fyrir íbúa Galveston í Texas og nágrenni. Að hans sögn er hætta á að um hundrað þúsund manns bíði tjón af völdum stormsins.

Erlent

Týnd telpa fundin eftir 4 ár?

Gríska lögreglan telur sig hafa fundið ítalska telpu sem hvarf á eynni Kos fyrir fjórum árum þar sem hún var í sumarfríi með foreldrum sínum. Hún var þá fjögurra ára gömul.

Erlent

Ná tökum á eldum í Ermarsundsgöngum

Slökkviliðsmenn náðu í morgun tökum á eldi sem logað hefur í Ermarsundsgöngunum milli Bretlands og Frakklands síðan um miðjan dag í gær. Enn mun þó loga í glæðum. Fjórtán manns slösuðust í eldsvoðanum, enginn alvarlega.

Erlent

Flýið Ike eða deyið

Fellibylurinn Ike er enn langt frá Texas en bandaríska veðurstofan lætur menn ekki velkjast í vafa um hvað gerist þegar hann tekur land í fyrramálið. Skilaboðin eru; flýið eða deyjið.

Erlent

Ike truflar geimferðaáætlun

Geimferðastofnanir Bandaríkjanna og Rússlands hafa frestað því að tengja rússneskt birgðafar við Alþjóða geimstöðina, þar sem stjórnstöðin í Texas hefur verið rýmd vegna fellibylsins Ike.

Erlent

Zuma næsti forseti Suður-Afríku

Dómari í Suður-Afríku vísaði í dag frá spillingamáli sem var höfðað gegn Jacob Zuma, forseta Afríska þjóðarráðsins. Það er þá ekkert því til fyrirstöðu að hann verði næsti forseti landsins.

Erlent

Bandaríkin megi ekki gleyma ógninni af völdum hryðjuverka

Forsetaframbjóðendurnir John McCain og Barack Obama komu fram í New York-borg í gær í boði Columbia-háskólans og ávörpuðu borgarbúa í tilefni þess að sjö ár voru liðin frá hryðjuverkunum árið 2001 þegar tvíburaturnarnir urðu rústir einar í kjölfar árásar hryðjuverkamanna.

Erlent

Ekki er allt gull sem glóir

Ekki er allt gull sem glóir. Þessu komust þrír Kínverjar að eftir fyrsta smygl sinnar tegundar inn í Kína. Kínverjarnir þrír fundu undarlegan hnullung úr skínandi málmi á skransölu í Kyrgystan.

Erlent

Minna um barnadauða í heiminum

Dregið hefur úr barnadauða í heiminum um 27 prósent síðan árið 1990. Þetta kemur fram í skýrslu Barnahjálpar Sameinuðu þjóðanna sem gerð verður opinber í dag. Af hverjum eitt þúsund fæddum börnum dóu 93 fyrir fimm ára aldur árið 1990 en sú tala er nú komin niður í 68.

Erlent

Ike nálgast Texas óðfluga

Öruggur dauðdagi bíður íbúa sumra strandsvæða Texas-ríkis hlýði þeir ekki fyrirmælum yfirvalda um að hafa sig á brott áður en fellibylurinn Ike skellur á ströndinni um helgina.

Erlent

Innanríkisráðherra Bandaríkjanna hneykslaður

Innanríkisráðherra Bandaríkjanna, Dirk Kempthorne, segist stórhneykslaður á framferði starfsmanna sinna sem sýnt var fram á með ítarlegri rannsókn að hefðu haft óviðeigandi samskipti við starfsfólk og stjórnendur nokkurra olíu- og gasfyrirtækja sem þeim var ætlað að hafa eftirlit með.

Erlent

Tsvangirai og Mugabe hafa komist að samkomulagi

Roberts Mugabe, forseti Simbabve, og Morgan Tsvangirai, leiðtogi stjórnarandstöðunnar í landinu hafa komist að samkomulagi um myndun þjóðstjórnar. Viðræður um lausn á stjórnarkreppunni hefur staðið frá því að kosningar fóru fram í landinu í júlí.

Erlent

Segja ísraelska herinn hafa hindrað sjúkraflutningamenn

Eva Hauksdóttir sem er við hjálparstörf á vegum International Solidarity Movement í Palestínu ásamt systur sinni segir að ísraelski herinn hafi hindrað með táragasi og hljóðsprengjum að maður sem hermenn skutu í gær fengi læknisaðstoð.

Erlent

Rússar setja vígvæðingu í forgang

Forseti Rússlands segir að það sé forgangsverkefni að stórefla rússneska herinn. Lögð verður megináhersla á að búa hann nýjustu og bestu vopnum sem til eru.

Erlent

Chavez fagnar komu rússneskra sprengjuflugvéla

Langdrægar rússneskar sprengjuflugvélar taka nú í fyrsta sinn, síðan kalda stríðinu lauk, þátt í heræfingum í Vesturheimi. Vélarnar fóru framhjá Íslandi í gær og fóru bandarískar orrustuþotur til móts við þær, en þær eru nú staddar hér á landi við æfingar. Hugo Chavez, forseti Venesúela, segir að rússnesku sprengjuflugvélarnar séu nú komnar þangað.

Erlent

Mest lesið