Bíó og sjónvarp

Fréttir í tímaröð

Fréttamynd

Michael Byrne er látinn

Breski leikarinn Michael Byrne, sem er þekktastur fyrir leik sinn í Braveheart, Indiana Jones and the Last Crusade og Tomorrow Never Dies, er látinn, 82 ára að aldri.

Bíó og sjónvarp
Fréttamynd

James Burrows látinn

Bandaríski leikstjórinn James Burrows er látinn 85 ára að aldri en hann leikstýrði meðal annars þáttum af Friends, Big Bang Theory, Staupasteini (Cheers), Frasier, Will & Grace og Taxi. Áhrif hans á grín- og gamanþætti voru gríðarleg.

Bíó og sjónvarp
Fréttamynd

Lauf­ey Lín er mætt til Springfield

Laufey Lín, íslensku tónlistarstórstjörnunni, hefur á síðastliðnum mánuðum brugðið fyrir í tölvuleiknum Fortnite, á rauða dregli tískuhátíðarinnar Met Gala og í leiknum God of War. Þá var hún einnig valin söngkona ársins og var sigursælust á íslensku tónlistarverðlaununum en nú hefur hún tekið sig til og birst í nýjasta þætti The Simpsons.

Bíó og sjónvarp
Fréttamynd

Tyra Banks kærir Netflix fyrir æru­meiðingar

Tyra Banks hefur kært Netflix fyrir ærumeiðingar vegna heimildarþátta sem þau gerðu um America‘s Next Top Model. Þættirnir voru frumsýndir fyrr á árinu og vöktu mikla athygli. Í málsókn sinni segir Tyra að framleiðendur hafi klippt margra klukkustunda viðtal við hana niður í nokkra stutta búta til að búa til „falska frásögn“.

Bíó og sjónvarp
Fréttamynd

Ekki talað við Franco lengi og vill ekki vinna með honum aftur

Leikarinn Seth Rogen segist ekki hafa talað við sinn gamla vin, James Franco, í áraraðir og hann hafi ekki í hyggju að vinna með honum frekar. Þeir hófu ferilinn saman í sjónvarpsþáttunum Freaks and Geeks og unnu náið saman við fjölda mynda. Í MeToo-bylgjunni stigu fram fimm konur og sökuðu Franco um kynferðislega áreitni sem gerði út af við feril hans í Hollywood og greinilega einhver vinasambönd.

Bíó og sjónvarp
Fréttamynd

Þórður leik­stýrir kvik­myndaút­gáfu Dead by Daylight

Leikstjórinn Þórður Pálsson hefur verið fenginn til liðs við teymi sem vinnur nú að kvikmynd sem byggð er á hrollvekju- og spennuleiknum Dead by Daylight. Hann vakti víða athygli fyrir hrollvekjuna „Hin fordæmdu“ (á ensku The Damned) sem var frumsýnd í janúar 2025. Hann hefur einnig skapað og leikstýrt fyrstu íslensku Netflix Original þáttaröðinni „Brot“ (á ensku The Valhalla Murders) sem var frumsýnd á streymisveitunni árið 2020.

Bíó og sjónvarp
Fréttamynd

Margaret Kerry er látin

Margaret Kerry er látin, 97 ára að aldri. Kerry var fyrirmyndin að upprunalegu Skellibjöllu í kvikmyndinni Pétur Pan frá 1953. Á ferli sínum starfaði hún sem útvarpsmaður og lék meðal annars í tveimur þáttum af The Andy Griffith Show og þremur þáttum af The Little Rascals.

Bíó og sjónvarp
Fréttamynd

Harbour rýfur þögnina

Leikarinn David Harbour hefur loksins tjáð sig um plötuna West End Girl eftir Lily Allen, fyrrverandi eiginkonu hans, en þar söng hún um skilnað þeirra og framhjáhald hans. Harbour segist bera virðingu fyrir því að Allen hafi unnið úr eigin reynslu á plötunni en upplifun hans af sambandi þeirra hafi verið önnur.

Bíó og sjónvarp
Fréttamynd

James Handy stunginn til bana af syni kærustu sinnar

Leikarinn James Handy var stunginn til bana á heimili sínu Los Angeles á miðvikudag. Sonur kærustu Handy gaf sig fram á vettvangi glæpsins og var handtekinn vegna gruns um að hafa myrt leikarann. Leiklistarferill Handy spannaði hálfa öld og er hann þekktastur fyrir leik sinn í Jumanji, Arachnophobia og Top Gun: Maverick.

Bíó og sjónvarp
Fréttamynd

Biðst af­sökunar á áratugagömlu gríni með „blackface“

Leikarinn Ted Danson hefur aftur beðist afsökunar á því að hafa notað „blackface“ og farið ítrekað með kynþáttaníð í uppistandsgrilli á leikkonunni Whoopi Goldberg árið 1993. Goldberg, sem átti á þeim tíma í alræmdu ástarsambandi með Danson, hafði skrifað mikið af gríninu sem fór hins vegar öfugt ofan í áhorfendur.

Bíó og sjónvarp
Fréttamynd

Youtube-leikstjórar kaf­færðu Stjörnu­stríði

Nýafstaðin bíóhelgi vestanhafs var söguleg. Hryllingsmyndirnar Backrooms og Obsession sem eru báðar eftir unga leikstjóra sem byrjuðu ferilinn á Youtube höfðu betur gegn stórmyndinni Mandalorian og Grogu. Stjörnustríð virðist vera að missa tak sitt á menningunni því aðsókn á Mandalorian og Grogu dróst saman um sjötíu prósent milli helga.

Bíó og sjónvarp
Fréttamynd

Stjörnustríðs-leynivopnið Marcia Lucas látin

Marcia Lucas, sem hlaut Óskarsverðlaun fyrir klippingu á einni af Stjörnustríðsmyndunum í leikstjórn fyrrverandi eiginmanns síns, George Lucas, lést á miðvikudaginn, þann 27. maí, í Rancho Mirage í Kaliforníu. Hún var áttatíu ára þegar hún lést og hefur bandaríski miðillinn Variety eftir lögmanni fjölskyldunnar sem staðfesti að hún hefði látist úr krabbameini.

Bíó og sjónvarp
Fréttamynd

Ástin sem eftir er sigursælust á Eddunni

Ástin sem eftir er hlaut sjö verðlaun á Eddunni í kvöld en hún var valin kvikmynd árins, þrír leikarar hennar voru verðlaunaðir auk þess sem Hlynur Pálmason hlaut verðlaun fyrir leikstjórn, handrit og kvikmyndatöku. Sjónvarpsþáttaröðin Vigdís hlaut sex verðlaun sem og hamfaramyndin Eldarnir. Miðaldaþættirnir King and Conqueror sem hlutu ellefu tilnefningar fengu engin verðlaun.

Bíó og sjónvarp
Fréttamynd

„Þetta er búið að vera eins og ein­hver brandari“

Jóhannes Haukur Jóhannesson leikari segist ekki hafa átt von á því að hreppa hlutverkið í Hollywood mynd um He-Man þegar hann tók þátt í prufu fyrir hlutverkið. Hann segist alla tíð hafa verið mikill aðdáandi ævintýraheimsins og sjálfur átt He-Man leikföng þegar hann var lítill. Hann er farinn að eiga marga aðdáendur vestanhafs, meðal annars suma sem fara yfir strikið í skilaboðasendingum.

Bíó og sjónvarp
Fréttamynd

Rick og Morty á stóra skjáinn

Teiknimyndaþættirnir Rick and Morty um geðvonda og brjálaða uppfinningamanninn Rick og taugaóstyrka afabarnið Morty eru á leið á stóra skjáinn. Framleiðsla kvikmyndar um félagana er í frumstigum. Þættirnir hófu göngu sína 2013 og fer níunda þáttaröðin í loftið um helgina.

Bíó og sjónvarp