Ramsey kvaddi stuðningsmenn Arsenal með tárin í augunum

Aaron Ramsey var heiðraður af stuðningsmönnum Arsenal eftir liðsins gegn Brighton á Emirates í ensku úrvalsdeildinni í dag. Leikurinn endaði með 1-1 jafntefli.

Ramsey er á förum frá Arsenal til Juventus eftir ellefu ár hjá Lundúnaliðinu. Arsenal keypti hann frá Cardiff City 2008.

Walesverjinn barðist við tárin á meðan á kveðjuathöfinni stóð. Ramsey er meiddur og ljóst er að hann leikur ekki meira með Arsenal á tímabilinu. Síðasti leikur hans í rauðu treyjunni var gegn Napoli á útivelli 18. apríl síðastliðinn.

For 11 years of service, for 369 appearances, for 64 goals, for 62 assists, for those Wembley winners, for coming back from that injury to achieve what you have with us, for EVERYTHING you’ve given to this club, we just want to say…

THANK YOU, @aaronramsey! pic.twitter.com/EuU6gQ5U1q

— Arsenal FC (@Arsenal) May 5, 2019

Ramsey lék alls 369 leiki fyrir Arsenal og skoraði 64 mörk. Hann skoraði m.a. sigurmörk Arsenal í tveimur bikarúrslitaleikjum (2014 og 2017).

Eftir úrslit dagsins á Arsenal nánast enga möguleika á að ná 4. sæti ensku úrvalsdeildarinnar. Liðið getur þó enn tryggt sér Meistaradeildarsæti með því að vinna Evrópudeildina.

Arsenal vann fyrri leikinn gegn Valencia, 3-1, í undanúrslitum Evrópudeildarinnar í síðustu viku. Liðin mætast öðru sinni á Mestalla á fimmtudaginn kemur.