Dan Bilzerian: Ánægður með morgunmatinn á Hótel Keflavík

Glaumgosinn og pókerspilarinn Dan Bilzerian byrjaði fyrsta dag sinn á Íslandi með stæl. Hann gistir í The Diamond Suite á Hótel Keflavík og pantaði sér ærlegan morgunverð. Dan var það ánægður með hlaðborðið í morgun að hann deildi mynd á Instagram reikningi sínum af herlegheitunum.

Instagram reikningur Dan er verulega vinsæll um allan heim enda er hann mikið fyrir það að pósta myndum af sjálfum sér og hálfnöktu kvenfólki að njóta góða lífsins. Ekki er vitað hvað Dan ætlar sér að gera hér á Íslandi eða hversu lengi hann ætlar að stoppa.

The Diamond Suite er ein dýrasta svíta landsins en hana er að finna á efstu hæð Hótels Keflavík. Þar eru fimm glæsisvítur sem hægt er að leigja saman eða í sitthvoru lagi. Ein nótt í svítunni kostar um eina milljón króna.

Ísland í dag fjallaði um Demanta svíturnar í apríl. Umfjöllunina má sjá hér fyrir neðan.