Efnahagsmál

Fréttamynd

Telja að hallinn geti orðið yfir fjöru­tíu milljarðar þrátt fyrir fyrir­heit um af­gang

Útlit er fyrir að afkoma ríkissjóðs á árinu 2027 verði umtalsvert lakari en lagt er upp með í nýju fjárlagafrumvarpi, að mati greinenda Acro, sem telja líklegustu sviðsmyndina vera halli upp á 43 milljarða. Forsendur frumvarpsins eru sagðar of bjartsýnar, „svo ekki sé fastar að orði kveðið“, miðað við hægari efnahagsumsvif og án frekari aðgerða sé erfitt að sjá hvernig markmið um fimm milljarða afgang geti gengið eftir.

Innherji
Fréttamynd

Sendir röng skila­boð og hreyfir við verðbólgu­væntingum á brot­hættum stað

Afleiðingarnar af því að boða hækkun á gjöldum ríkisins í samræmi við verðbólgu, sem hefur verið gert í síðustu tveimur fjárlagafrumvörpum, verða til þess að hreyfa við verðbólguvæntingum sem eru fyrir á „brothættum stað“, að sögn varaseðlabankastjóra, og að Seðlabankinn myndi gjarnan vilja sjá þetta endurhugsað. Hann segir jákvætt að aðhaldsstigið í ríkisfjármálum eigi að aukast á milli ára og varar við því að fara í meiri launahækkanir á vinnumarkaði, einkum núna þegar það er að myndast „mikill slaki í þjóðarbúinu.“

Innherji
Fréttamynd

Hart tekist á um fjár­lögin: „Hvað er að þessu liði?“

Fjármála- og efnahagsráðherra var ómyrkur í máli þegar fjárlagafrumvarp hans var rætt á fundi Samtaka fyrirtækja í fjármálaþjónustu í morgun. Hann sakaði fyrri ríkisstjórnir um að hafa eytt um efni fram allt frá árinu 2019 og komið ríkissjóði í 800 milljarða króna mínus. „Hvað er að þessu liði?“ spurði hann meðal annars.

Viðskipti innlent
Fréttamynd

Tíu þúsund börn búi á heimilum undir lágtekjumörkum

Gera má ráð fyrir því að rúm tíu þúsund börn búi á heimilum sem eru undir lágtekjumörkum. Það samsvarar um 12,6 prósentum barna á Íslandi. Hlutfallið hefur lækkað frá því árið 2000 þegar það var 16,5 prósent. Hlutfall barna af erlendum uppruna sem býr við fátækt hefur á sama tíma margfaldast. Staða einstæðra foreldra er enn afar viðkvæm.

Innlent
Fréttamynd

„Nú er þessi sleggja að koma fram“

Hækkanir ríkisins á gjaldskrám gætu orðið minni en kom fram í fjárlagafrumvarpi ef þríhliða kjaraviðræður við aðila vinnumarkaðarins ganga vel. Þetta sagði Kristrún Frostadóttir forsætisráðherra á Sprengisandi í morgun og þá sagðist hún gefa lítið fyrir þá nálgun að hækkun kílómetragjalds kæmi sérstaklega illa við íbúa á landsbyggðinni.

Innlent
Fréttamynd

Fram­kvæmda­stjóri AGS varar við víta­hring skulda, verð­bólgu og hækkandi vaxta

Skuldir hins opinbera í heiminum stefna í að fara yfir hundrað prósent af landsframleiðslu innan áratugar og eru nú þegar þær mestu frá lokum síðari heimsstyrjaldar. Framkvæmdastjóri Alþjóðagjaldeyrissjóðsins varar við því að þrálát verðbólga og veik staða ríkisfjármála geti þrýst langtímavöxtum enn hærra og kallað á harðari peningastefnu hjá seðlabönkum margra ríkja.

Innherji
Fréttamynd

Veltan er­lendis tvö­faldast með kaupum á Haman Group og fleiri yfir­tökur í pípunum

Með kaupum á Haman Group tekur Travel Connect sitt stærsta skref til þessa í alþjóðlegri uppbyggingu samstæðunnar og tvöfaldar veltuna sína erlendis. Stjórnendur félagsins ætla að halda áfram yfirtökum á erlendum mörkuðum en segja auknar álögur stjórnvalda með engum fyrirvara og takmarkaða vaxtarmöguleika valda því að fjárfestingar samstæðunnar nýtist nú betur erlendis en á Íslandi.

Innherji
Fréttamynd

Ríkis­stjórnin í mun veikari stöðu eftir erfitt sumar

Ríkisstjórnin stendur mun veikar en hún gerði í vor og ósigurinn í þjóðaratkvæðagreiðslunni var reiðarslag, að mati Eiríks Bergmanns stjórnmálafræðiprófessors. Hann segir efnahagsmálin hafa snúist í andhverfu meginerindis stjórnarinnar. Þrátt fyrir aukinn mótvind sjái hann enn ekkert sem bendi til þess að stjórnin sé að falla.

Innlent
Fréttamynd

„Sleggja beint í höfuðið á al­menningi og fyrir­tækjum“

Vilhjálmur Birgisson, formaður Starfsgreinasambandsins, kannast ekki við að hafa átt í virku samtali við stjórnvöld um forsendubrest kjarasamninga. Hann gefur lítið fyrir fjárlagafrumvarp næsta árs sem sé „sleggja beint í höfuðið á almenningi og fyrirtækjum“.

Innlent
Fréttamynd

„Sann­kallað efna­hags­legt og pólitískt sjálfs­mark“ hjá ríkis­stjórninni

Það „vekur furðu“ að ríkisstjórnin sé að endurtaka sömu mistökin frá því um áramótin með hækkunum á krónutölugjöldum sem ýtir undir verðbólguvæntingar og verðbólgu, að sögn sjóðstjóra á skuldabréfamarkaði, og kallar aðgerðirnar „sannkallað efnahagslegt og pólitískt sjálfsmark“ hjá stjórnvöldum. Aðhaldið sem er boðað í fjárlögunum er töluvert í sögulegu samhengi, með nokkuð minni útgjaldavexti milli ára en hefur sést að jafnaði síðasta áratuginn, en á móti benda greinendur á að viðsnúningurinn sem á að nást í afkomunni sé að litlum hluta vegna niðurskurðar eða aðhalds í rekstri.

Innherji
Fréttamynd

Klórar sér í kollinum

Vilhjálmur Birgisson formaður Starfsgreinasambands Íslands segist klóra sér í kollinum yfir fjárlagafrumvarpi ríkisstjórnarinnar fyrir næsta ár. Hann segir að við fyrstu sýn virðist frumvarpið gera lítið fyrir kjomandi kjaraviðræður, áhrif á persónuafslátt og barnabætur séu sérlega vond.

Innlent
Fréttamynd

Góðar for­sendur fyrir því að verð­bólgan hjaðni „jafn­vel all­hratt“ á næstunni

Fjármálaráðherra þrætir enn fyrir að aukning í mældri verðbólgu stafi einkum af hækkun opinberra gjalda, sem seðlabankastjóri hefur sagt vera „staðreynd“, og segir þær fullyrðingar ekki eiga sér stoð í gögnum. Hann telur góðar forsendur fyrir því að verðbólgan geti hjaðnað „allhratt“ á næstunni og bendir á að það fáist varla staðist til lengdar að húsnæðisliðurinn í vísitölu neysluverðs hækki umfram aðra verðmælikvarða á íbúðamarkaði.

Innherji
Fréttamynd

Út­breiddar vísitölu­tengingar sagðar geta gert verð­bólguna þrálátari

Hið opinbera ætti almennt að horfa frá því að vísitölubinda gjaldskrár og ganga ekki sjálfkrafa út frá því að samningar um opinber innkaup séu verðtryggðir. Þá kemur til álita að takmarka hversu oft leiguverð má taka breytingum og beina langtímafjárfestum, meðal annars lífeyrissjóðum, í auknum mæli að óverðtryggðum eignum með því að breyta „áherslum og hvötum þeirra.“

Innherji
Fréttamynd

„Lán á bara að vera lán“

Lilja Einarsdóttir bankastjóri Landsbankans segir að þó svo að verðtryggð lán séu leið margra til að komast inn á húsnæðismarkað sé það sýn hennar og bankans að verðtryggð lán séu ekki nauðsynleg til lengri tíma. Hún sjái fyrir sér framtíð þar sem vægi þeirra verður minna.

Viðskipti innlent
Fréttamynd

Brýna stjórn­völd og Seðla­bankann að horfa meira á fram­boðs­hlið markaðarins

Stjórnendur fjárfestingafélagsins Langasjávar, sem er meðal annars umsvifamikið í verkefnum tengt byggingarstarfsemi, vara við því að langvarandi samdráttur í uppbyggingu íbúðarhúsnæðis geti leitt til vaxandi spennu á húsnæðismarkaði þegar vextir taka að lækka og eftirspurn eykst á ný. Þeir brýna fyrir stjórnvöldum og Seðlabankanum að horfa í auknum mæli til framboðshliðar markaðarins með því að stuðla að umhverfi sem ýti undir fjárfestingu og uppbyggingu.

Innherji
Fréttamynd

Bankaskattar séu fimm sinnum hærri en í samanburðarlöndum

Samkvæmt nýrri greiningu KPMG fyrir Samtök fyrirtækja í fjármálaþjónustu eru sértækir skattar sem lagðir eru á íslenska viðskiptabanka rúmlega fimmfalt hærri en sértækir skattar sem lagðir eru á bankar í öðrum löndum Vestur-Evrópu og þrefalt hærri en þar sem skattarnir eru næst hæstir. Verði af fyrirhugaðri skattahækkun á íslensk fjármálafyrirtæki hækki hlutfallið enn frekar og Ísland fjarlægist Evrópu í vaxandi mæli.

Viðskipti innlent
Fréttamynd

Vara­seðla­banka­stjóri varar við hættu á „skarpri að­lögun“ í byggingar­geiranum

Varaseðlabankastjóri fjármálastöðugleika, eini nefndarmaður peningastefnunefndar Seðlabankans sem vildi halda vöxtum óbreyttum við síðustu ákvörðun, varar við því að háir vextir og miklar birgðir af óseldum íbúðum muni auka hættuna á „skarpri aðlögun“ í byggingargeiranum. Hann bendir á að „raunveruleg fjármögnunarskilyrði“ heimila hafi versnað umfram stýrivaxtahækkanir samhliða mikilli hækkun verðtryggðra markaðavexta frá því í vor.

Innherji
Fréttamynd

„Það er að verða til kynslóðaójöfnuður“

VR fundar með Samtökum atvinnulífsins í dag vegna forsendubrests kjarasamninga. Rúmur mánuður er þar til stéttarfélög geta sagt lausum samningum. Formaður VR segir þurfa aðgerðir og samtal núna, hún vilji ekki endurnýtt loforð. Hún segir VR vilja hærri laun og fleiri frídaga.

Innlent
Fréttamynd

Tómas einn vildi halda vöxtum ó­breyttum

Tómas Brynjólfsson, varaseðlabankastjóri fjármálastöðugleika, var eini nefndarmaður peningastefnunefndar Seðlabankans sem vildi ekki hækka stýrivexti í ágúst. Hann taldi að aðhald peningastefnunnar væri þegar töluvert og að áhrif hárra vaxta væru farin að koma skýrt fram í hagkerfinu.

Viðskipti innlent
Fréttamynd

Kynna úr­ræði sem eigi að liðka fyrir kjara­samningum

Forsætisráðherra segist vongóð um að finna ákjósanlega lendingu í ljósi forsendubrests kjarasamninga. Ríkisstjórnin muni funda í Þjóðhagsráði á fimmtudaginn og kynna úrræði sem eigi að liðka fyrir því að kjarasamningar haldist. 

Innlent
Fréttamynd

Þurfi að hækka laun og fjölga frídögum

Svo að kjarasamningar geti haldið gildi sínu álykta VR og fagfélög að leiðrétta þurfi kjarasamningsbundin laun gagnvart verðbólgu, fjölga frídögum til að koma til móts við þjónustuskerðingar við leik- og grunnskólabörn og tryggja raunverulegt þak á verð- og gjaldskrárhækkanir. 

Innlent
Fréttamynd

Hag­kerfið kólnar en er ekki í kreppu

Ekki er ástæða til að lesa of mikið í samdrátt landsframleiðslu á öðrum ársfjórðungi, að mati aðalhagfræðings Íslandsbanka. Hagkerfið sé enn í hægum vexti og fjárfesting í gagnaverum muni skila auknum útflutningstekjum síðar.

Viðskipti innlent
Fréttamynd

Stefnir í fjölda­gjald­þrot: Bílaleigur fengu hundruð milljóna rukkun frá Skattinum

Bílaleigufyrirtæki hafa leitað til lögmanns eftir að hafa borist rukkun frá Ríkisskattstjóra. Lögmaður segir að upphæðirnar geti skipt hundruðum milljóna og lýsir því hvernig rukkunin hafi komið sem þruma úr heiðskíru lofti fyrir mörg fyrirtæki. Hann óttast að málið geti leitt til fjöldagjaldþrota fari svo að stjórnvöld haldi því til streitu.

Viðskipti innlent
Fréttamynd

Segir styttast í niður­stöður sam­ráðs vegna kjara­samninga

Eftir verðbólgutíðindi gærdagsins er ljóst að forsendur kjarasamninga eru brostnar og heimild til að segja þeim upp virkjast 1. september. Fjármála- og efnahagsráðherra segir stjórnvöld hafa unnið að því síðan í vor, ásamt aðilum vinnumarkaðarins, að reyna að koma í veg fyrir að forsenduákvæðið verði nýtt. Nú sé mjög stutt í að aðgerðir verði kynntar.

Viðskipti innlent

Mest lesið