Innlent

Stærstur hluti Símafjár í skuldir

Stærstum hluta af söluandvirði Landsímans, tæpum sextíu og sjö milljörðum, verður varið til að greiða niður erlendar skuldir. Fjörutíu og þrír milljarðar fara í ýmis verkefni, meðal annars til að byggja upp nýtt hátæknisjúkrahús. Þá verður fimmtán milljörðum varið til vegagerðar, þar af rúmum tíu milljörðum til framkvæmda á höfuðborgarsvæðinu, mestu í Sundabraut.

Innlent 13.10.2005 19:47

Efast um áhuga sveitarfélaga

Tillaga Ólafs F. Magnússonar, borgafulltrúi Frjálslyndra, um að Borgarstjórn Reykjavíkur samþykki að fela Reykjavíkurborg að leita eftir viðræðum við önnur sveitarfélög á höfuðborgarsvæðinu um sameiningu sveitarfélaganna var ekki samþykkt í gær. Þess í stað var bókun Steinunnar Valdísar Óskarsdóttur borgarstjóra samþykkt um að tillagan verði kynnt fyrir stjórn Samtaka sveitarfélaga á höfuðborgarsvæðinu.  

Innlent 13.10.2005 19:47

Úrskurðarnefnd lögð niður

Úrskurðarnefnd um póst- og fjarskiptamál verður lögð niður samkvæmt tillögu sem samgönguráðherra lagði fyrir ríkisstjórn í morgun. Í athugasemdum með frumvarpinu kemur fram að einfaldara þykir að samgönguráðuneytið úrskurði í málum þar sem ágreiningur um ákvarðanir Póst- og fjarskiptastofnunar á fjarskiptamarkaði kunna að koma upp.

Innlent 13.10.2005 19:47

Spá verðbólgu og launaskriði

Samkvæmt verðbólguspá Greiningar Íslandsbanka er útlit fyrir 0,9% hækkun vísitölu neysluverðs á milli ágúst og september.Margt leggst á eitt og stuðlar að mikilli hækkun vísitölunnar að þessu sinni. Útsölulok ásamt hækkun eldsneytisverðs er helsta skýring hækkunarinnar, en fleira kemur til.

Innlent 13.10.2005 19:47

Banaslys í hellusteypu

Banaslys varð í hellusteypufyrirtæki við Vagnhöfða í Reykjavík um miðjan dag í gær. Maður á þrítugsaldri féll ofan í síló sem var fullt af sandi. Maðurinn var látinn þegar hann náðist upp. Hann hét Daði Þór Guðlaugsson og var til heimilis að Mávahlíð 6. Daði var ókvæntur og barnlaus. Fulltrúar Vinnueftirlitsins og rannsóknardeildar lögreglunnar rannsaka tildrög slyssins.

Innlent 13.10.2005 19:47

Hvatapeningar handa börnum

Bæjarstjórn Garðabæjar hefur samþykkt að úthluta hverju barni á aldrinum 6-16 ára hvatapeningum sem nota á til að greiða niður félagsgjöld í íþrótta- og æskulýðsstarfi. Fyrir þetta ár verður upphæðin 10 þúsund krónur á barn, en 20 þúsund á árinu 2006.

Innlent 13.10.2005 19:47

Áfall fyrir ákæruvaldið

Dómarar í Baugsmálinu segja slíka annmarka á hluta ákæra að þeim verði jafnvel vísað frá. Saksóknari fagnar ábendingum dómara. Eiríkur Tómasson lagaprófessor talar um áfall fyrir ákæruvaldið. Verjandi Jóns Ásgeirs telur framhaldsákæru útilokaða.

Innlent 13.10.2005 19:47

Vönduð málsmeðferð í Baugsmálinu

Jón H. Snorrason saksóknari telur ábendingar dómaranna dæmi um mjög vandaða málsmeðferð í Baugsmálinu. Þær séu fjarri því að vera áfellisdómur um störf ákæruvaldsins, því ekki sé gefið að annmarkar séu á rannsókninni.

Innlent 13.10.2005 19:47

Vísað til Framkvæmdaráðs

Kjartan Magnússon kynnti í borgarstjórn í gær tillögu að því að taka upp gjaldfrí bílastæði með tímatakmörkunum, líkt og gert hefur verið á Akureyri. Steinunn Valdís Óskarsdóttir lagði fram breytingartillögu, sem var samþykkt, um að vísa hugmyndinni til Framkvæmdaráðs, sem myndi skoða slíkt kerfi í samráði við hagsmunaaðila. 

Innlent 13.10.2005 19:47

Vinnuslys við Kárahnjúka

Þrír menn slösuðust í tveimur vinnuslysum á virkjanasvæðinu við Kárahnjúka síðdegis í gær. Í öðru slysinu klemmdust tveir menn undir steypustyrktarjárngrind og fótbrotnuðu þegar þeir voru að festa grindina. Þeir voru fluttir á Fjórðungssjúkrahúsið á Akureyri til meðferðar.

Innlent 13.10.2005 19:47

Innri leið verður fyrir valinu

Steinunn Valdís Óskarsdóttir sagði í borgarstjórn í gær að farin verði innri leið Sundabrautar fyrir þá átta milljarðar sem ríkið hefur ákveðið að veita til framkvæmdanna. Vilhjálmur Þ. Vilhjálmsson segir að úthlutað hefði verið til mislægra gatnamóta Miklubrautar og Kringlumýrarbrautar, ef Reykjavíkurlistinn hefði ekki hafnað slíkum hugmyndum.

Innlent 13.10.2005 19:47

Réttarhöldum frestað

Réttarhöldum yfir karli og konu sem eru ákærð fyrir að hafa myrt Gísla Þorkelsson í bænum Boksburg í Suður-Afríku í júní síðastliðnum, var í gær frestað þar til í næstu viku.

Innlent 13.10.2005 19:47

Álversstækkun hitamál í Firðinum

Kynningarfundur bæjaryfirvalda í Hafnarfirði í gærkvöldi um deiliskipulag vegna stækkunar álversins í Straumsvík fjallaði meira um pólitíska afstöðu en skipulagsmál. Fjölmenni sótti fundinn í Hafnarborg þar sem pundað var á forsvarsmenn álversins um aukna umhverfis- og sjónmengun frá stækkuðu álveri, nálægðina við nýja byggð í Hafnarfirði og efasemdir þeirra um hugsanlega íbúakosningu um stækkunaráformin.

Innlent 13.10.2005 19:47

Ríkið brátt skuldlaust við útlönd

Skipti ehf. greiddi íslenska ríkinu 66,7 milljarða króna síðdegis í gær fyrir Landssíma Íslands. Þar af greiddi félagið rúma 32 milljarða króna í erlendri mynt og verður þeim hluta greiðslunnar varið strax til þess að greiða niður erlendar skuldir ríkissjóðs.

Innlent 13.10.2005 19:47

Sjávarútvegssýningin fer stækkandi

36 lönd sýna framleiðslu sína á Íslensku sjávarútvegssýningunni, sem verður opnuð í Smáranum á morgun. Allt sýningarpláss seldist upp. Íslenska sjávarútvegssýningin fer stöðugt stækkandi og er með þeim stærstu sem haldnar eru á þessu sviði, í heiminum. Sýningin er fyrst og fyrst ætluð framleiðendum og fagaðilum og þeir koma víða að úr heiminum.

Innlent 13.10.2005 19:47

Góð afkoma hjá Baugi Group

Hagnaður Baugs Group á fyrstu sex mánuðum ársins 2005 nam 10,6 milljörðum króna eftir skatta. Heildareignir félagsins námu í lok júní síðastliðins rúmlega hundrað milljörðum króna og eigið fé nam 46 milljörðum króna.

Viðskipti innlent 13.10.2005 19:47

Skip farin til síldveiða

Fyrsta síldveiðiskipið er komið á síldarmiðin út af Austfjörðum og eins og oft áður eru það Hornfirðingar sem ríða á vaðið.

Innlent 13.10.2005 19:47

Halldór ráðinn framkvæmdastjóri

Halldór Jóhannsson viðskiptafræðingur verður næsti framkvæmdastjóri KEA. Stjórn félagsins ákvað á síðasta fundi sínum að ráða hann til starfa í stað Andra Teitssonar sem lætur af störfum.

Viðskipti innlent 13.10.2005 19:47

Rauði krossinn býður aðstoð

Rauði kross Íslands hefur boðið bandaríska Rauða krossinum aðstoð vegna hjálparstarfsins í suðurhluta Bandaríkjanna í kjölfar fellibylsins Katrínar. Um er að ræða fimm til tíu manna teymi sem vinna í fjöldahjálparskýlum þar er tekið á móti fólki sem hefur þurft að yfirgefa heimili sín.

Innlent 13.10.2005 19:47

Róbótar svar við lágum launum

Fyrirtæki á Vesturlöndum hafa á undanförnum árum verið að flytja framleiðslu sína í stórum stíl til Asíu og annarra heimshluta þar sem laun eru margfallt lægri en í iðnríkjunum. Vesturlönd eiga fá svör við við lágum launum en Marel hyggst nú útvega svör, allavega í matvælaiðnaði.

Innlent 13.10.2005 19:47

Ekki eins alvarlega slasaðir

Komið hefur í ljós að tveir af þeim þremur mönnum sem meiddust í tveimur vinnuslysum við Kárahnjúka í gær, eru ekki jafn alvarlega slasaðir og í upphafi var talið.

Innlent 13.10.2005 19:47

Miklir annmarkar á ákærunum

Héraðsdómur Reykjavíkur telur að slíkir annmarkar séu á ákærunum á hendur sexmenningunum í Baugsmálinu, að líklega verði átján ákæruliðum af fjörutíu vísað frá dómi. Dómurinn boðar aukaþinghald tólfta september til þess að gefa ákæruvaldinu kost á að tjá sig um málið.

Innlent 13.10.2005 19:47

Skyrmálið þingfest í Héraðsdómi

Mál mótmælendanna Örnu Aspar Magnúsardóttur og Ólafs Páls Sigurðssonar verður þingfest í Héraðsdómi Reykjavíkur í dag en þar munu sakborningarnir taka afstöðu til þess hvort þau játa eða neita.

Innlent 13.10.2005 19:47

Skemmdir unnar á minningargarði

Á vef Bæjarins besta á Ísafirði kemur fram að skemmdir hafi verið unnar á minningargarði um þá sem létust í snjóflóðinu á Flateyri. Bíl var ekið inn í hann aðfaranótt sunnudags með þeim afleiðingum að djúp hjólför mynduðust. Um spellvirki er að ræða og hefur það verið kært til lögreglu.

Innlent 13.10.2005 19:47

Fjórir eiga yfir milljarð

Fjórir forstjórar fyrirtækja, sem mynda Úrvalsvísitölu Kauphallar Íslands, eiga yfir einn milljarð í hlutabréfum í því félagi sem þeir stýra. Þetta eru Lýður Guðmundsson, Róbert Wessmann, Bjarni Ármannsson og Hreiðar Már Sigurðsson.

Viðskipti innlent 13.10.2005 19:47

Eimskip með lægsta tilboð

Í dag voru voru opnuð tilboð í rekstur Herjólfs til fimm ára frá og með næstu áramótum. Þrjú tilboð bárust og var Eimskip með lægsta tilboðið, sem er langt undir kostnaðaráætlun en þetta kemur fram á vef Eyjafrétta.

Innlent 13.10.2005 19:47

Vilja kosningu um álver

Kynningarfundur bæjaryfirvalda í Hafnarfirði um deiliskipulag vegna stækkunar álversins í Straumsvík fór fram í gærkvöldi að viðstöddu fjölmenni. Oddviti Vinstri - grænna segir framgöngu forsvarsmanna álversins á fundinum misbjóða bæjarbúum.

Innlent 13.10.2005 19:47

Einnar íslenskrar konu enn leitað

Lilja Aðalbjörg Ólafsdóttir Hansch og Karly Jóna Kristjónsdóttir Legere eru fundnar. Þær voru báðar heilar á húfi heima eftir fellibylinn Katrínu. Halldór Gunnarsson bankaði upp á hjá þeim. Einnar konu, Ritu Daudin, er leitað.

Erlent 13.10.2005 19:46

Karlý Jóna fundin heil á húfi

Íslenska konan, Karlý Jóna Kristjónsdóttir Legere, sem saknað var eftir að fellibylurinn Katrín gekk yfir Bandaríkin, er komin í leitirnar, heil á húfi. Samkvæmt Morgunblaðinu í dag hafði íslenskur maður, sem býr í Mississippi, upp á henni, en ekkert hafði spurt til hennar í marga daga.

Innlent 13.10.2005 19:47

Evrópuverkefni tryggðir peningar

Búið er að ganga frá fjármögnun verkefnis um sjúkraflutninga og -þjónustu í dreifðari byggðum, en fjármögnunin var forsenda þess að Norðurslóðaáætlun Evrópusambandsins styrkti verkefnið um tæpar 55 milljónir króna fram til ársins 2007.

Innlent 13.10.2005 19:47