Innlent

Vilja lækka vexti með lögum

Lækka á yfirdráttarvexti og dráttarvexti með lögum, segir Jóhanna Sigurðardóttir, þingmaður Samfylkingar, á heimasíðu sinni. Hún segir Seðlabanka hafa of rúmt svigrúm til að ákveða háa dráttarvexti og vill breyta lögum þannig að þetta svigrúm minnki auk þess sem hún segir að breyta ætti lögum um vexti og verðtryggingu svo yfirdráttarvextir lækki.

Innlent 23.10.2005 15:02

Árni svarar Campbell

Árni Matthiesen, fyrrverandi sjávarútvegsráðherra og núverandi fjármálaráðherra, hefur svarað frægum ummælum ástralska umhverfisráðherrans, Ian Campbells, sem spurði að því í viðtali við <em>The Daily Telegraph</em> hvort Árni væri fífl. Þetta sagði Ian í tengslum við ummæli Árna á þá leið að Ástralar ættu að leggja fram gögn um aflífunaraðferðir spendýra, eins og kengúra.

Innlent 23.10.2005 15:02

Lög um starfsemi starfsmannaleiga

Þing Alþýðusambands Norðurlands skorar á félagsmálaráðherra að sett verði lög um starfsemi starfsmannaleiga á íslenskum vinnumarkaði hið fyrsta. Jafnframt er skorað á Alþingi að bæta réttarstöðu starfsmanna leiganna og tryggt að af þeim verði greidd lögboðin gjöld.

Innlent 23.10.2005 15:02

Stjórnsýslan verði einfaldari

Stjórnsýslan verður að vera einfaldari en hún er nú og meira í takt við tímann, sagði Halldórs Ásgrímsson forsætisráðherra í stefnuræðu sinni á Alþingi rétt í þessu. Hann kynnti sérstakt átak ríkisstjórnarinnar í þessum efnum og sagði reynt að einfalda regluverkið, minnka skriffinnsku og auka skilvirkni.

Innlent 23.10.2005 15:02

Vél Atlanta nauðlenti í Kenýa

Boeing 747-flugvél flug­félagsins Atlanta, TF-ARJ, hlekktist á í lendingu á flugvelli í Nairobi í Kenýa aðfaranótt sunnudags. ­Áhöfn flugvélarinnar varð vör bilunar í vökvakerfi skömmu ­eftir­ flugtak og ákvað að snúa aftur.

Innlent 23.10.2005 15:02

Listaverk verði varðveitt

Vegna framkvæmda við stækkun Fjórðungssjúkrahússins í Neskaupstað þarf að gera ráðstafanir til að varðveita eitt þriggja listaverka sem Tryggvi Ólafsson gerði og standa á framhlið sjúkrahússins. Þetta er mat bæjarfulltrúans Magna Kristjánssonar í Fjarðabyggð.

Innlent 23.10.2005 15:02

Óviðunandi munur á mati stofnana

Lögboðið verðbólgumarkmið Seðlabankans næst ekki fyrr en eftir fjögur ár að mati fjármálaráðuneytisins. Edda Rós Karlsdóttir, forstöðumaður greiningardeildar Landsbankans, segir óviðunandi hve miklu muni á mati Seðlabankans og fjármálaráðuneytisins á þenslu í hagkerfinu.

Innlent 23.10.2005 15:02

Efla á víkingasveitina til muna

Víkingasveit Ríkislögreglustjóra fær 112 milljónum króna hærri fjárveitingu á næsta ári en hún fékk í ár samkvæmt fjárlagafrumvarpi ríkisstjórnarinnar. Ástæðan er að efla á sveitina til muna. Mest fé fer í að fjölga sérsveitarmönnum um níu í Reykjavík og um sex í Keflavík auk þess sem ný bifreið verður keypt fyrir sveitina.

Innlent 23.10.2005 15:02

Innmúraðir samráðsbræður

Guðjón A Kristjánsson þingmaður Frjálslynda flokksins sagði að svokölluð Baugsmál vektu athygli á þeirri staðreynd að hér á landi virstust vera sérstakar innvígðar klíkur sem með sérstöku samráði væri ætlað að leggja línur um málsmeðferð.

Innlent 23.10.2005 15:02

Lektor KHÍ gagnrýnir Landsvirkjun

Lektor Kennaraháskóla Íslands, Ólafur Páll Jónsson, gagnrýnir Landsvirkjun harðlega vegna áforma fyrirtækisins um að útbúa námsefni fyrir grunnskólanemendur og bjóða aðstoð við að kenna það. Segir Ólafur það ekki vera hlutverk Landsvirkjunar að semja eða kenna námsefni í grunnskólum landsins

Innlent 23.10.2005 15:02

Ekki einhugur um Óshlíðina

Ekki ríkir algjör einhugur um þá ákvörðun samgönguráðherra að að byggja 1220 metra jarðgöng í Óshlið milli Einbúa og Hrafnakletts og hafa aðilar sem hófu undirskrfitasöfnun í febrúar undir heitinu "Við viljum jarðgöng " nú hleypt krafti í baráttu sína og hnykkja á kröfum sínum um frekari úrbætur á vegamálum á Vestfjörðum.

Innlent 23.10.2005 15:02

Hrappar féfletta fólk

"Þeir hringdu í mig, rosalega ­ýtnir og frekir eftir að ég sendi póst út til að forvitnast um þetta," segir Karen Rut Konráðsdóttir, sem fékk tilkynningu um stóran vinning frá erlendu svikalottói. Karen til mikillar furðu fékk hún ­senda tilkynningu um að hún hefði unnið „þann stóra“ í alþjóðlegu lottói. Þar var ekki um neina smáræðis upphæð að ræða, því vinningurinn var sagður 1,5 milljónir evra, sem samsvarar 110 milljónum íslenskra króna.

Innlent 23.10.2005 15:02

Ósiðleg áróðursherferð

Grunnskólakennarar eru uggandi yfir áætlun Landsvirkjunar um að útbúa námsefni fyrir grunnskóla landsins og að aðstoða við að kenna það.

Innlent 23.10.2005 15:02

Krafan þingfest í næstu viku

Lögbannskrafa á tölvupóst tengdan Jónínu Benediktsdóttur, sem <em>Fréttablaðið</em> birti brot úr, verður að öllum líkindum þingfest í Héraðsdómi Reykjavíkur í næstu viku. Þó sé hins vegar óljóst hvenær málið verður tekið til meðferðar þar sem lögmenn Fréttablaðsins geta beðið um frest til að leggja fram greinargerð.

Innlent 23.10.2005 15:02

70 milljarðar í tekjuskatt

Landsmenn greiða sjötíu milljarða króna í tekjuskatt á næsta ári ef áætlun fjárlagafrumvarpsins gengur eftir og er það litlu meira en gert er ráð fyrir að ríkið fái í tekjuskatt einstaklinga í ár. Þessi takmarkaða aukning skýrist af því að tekjuskattur einstaklinga lækkar um eitt prósent um áramót.

Innlent 23.10.2005 15:02

Hyggjast skrifa undir í dag

Kvikmynda- og framleiðslufyrirtækin Saga Film og Storm standa nú í viðræðum um mögulega sameiningu sem gengið getur í gegn í dag. „Jú, það eru viðræður í gangi en það er ekki búið að skrifa undir neina pappíra,“ segir Pétur Óli Gíslason, framkvæmdastjóri hjá fyrirtækinu Storm.

Innlent 23.10.2005 15:02

Skulda afsökunarbeiðni

"Spurningin er: er hann nógu stór til að biðjast afsökunar," spurði Steingrímur J. Sigfússon, formaður Vinstrihreyfingarinnar - græns framboðs, um Halldór Ásgrímssonar forsætisráðherra þegar hann krafðist  þess að forystumenn stjórnarflokkanna bæðu þjóðina afsökunar á að hafa lýst stuðningi við innrásina í Írak.

Innlent 23.10.2005 15:02

Kaldasti september í 23 ár

Nýliðinn septembermánuður var sá kaldasti um land allt í 23 ár, samkvæmt mælingum Veðurstofunnar. Frost mældist 3,4 gráður í Reykjavík sunnudaginn 25. september og hefur ekki mælst jafn mikið í rúm 30 ár.

Innlent 23.10.2005 15:02

Hnífurinn ófundinn

Hnífurinn sem notaður var í grófri líkamsárás í Bæjargili í Garðabæ um síðastliðna helgi er enn ófundinn. Að sögn lögreglu í Hafnarfirði miðar rannsókn málsins þó að öðru leyti vel.

Innlent 23.10.2005 15:02

Lögbannið ógnun við blaðamenn

Alþjóðasamtök blaðamanna sendu í gær frá sér viðvörun til íslenskra yfirvalda þar sem segir að frelsi fjölmiðla geti verið stefnt í hættu með afskiptum yfirvalda af fjölmiðlum. Lögbann og innrás á ritstjórnarskrifstofu Fréttablaðsins sé ógnun við blaðamenn og tilraun til að stöðva umfjöllun um mikilvægt þjóðfélagslegt mál. </font /></b />

Innlent 23.10.2005 15:02

Tafir á umferð við Borgarnes

Búast má við töfum á umferð vegna umferðarslyss sem varð við Hrafnaklett á Þjóðvegi 1 við Borganes norðan megin. Ekki er vitað nánar um slysið eða tildrög þess en fréttir verða birtar um leið og samband næst við lögregluna í Borgarnesi.

Innlent 23.10.2005 15:02

Misskilningur hjá sagnfræðingum

Sólveig Pétursdóttir, forseti Alþingis, segir að misskilnings gæti í ályktun Sagnfræðingafélags Íslands sem gagnrýndi harðlega að Þorsteini Pálssyni, sendiherra og fyrrverandi forsætisráðherra, hafi veriðð falið að skrifa bók um hundrað ára afmæli þingræðis á Íslandi.

Innlent 23.10.2005 15:02

Iðgjöld á sjúkratryggingar

Lagt verður til á landsfundi Sjálfstæðisflokks að gera það að stefnu flokksins að taka upp greiðslu iðgjalda fyrir sjúkratryggingar. Á móti komi lækkun skatta. Einnig þurfi að skilgreina betur hvað falið sé í sjúkratryggingu.

Innlent 23.10.2005 15:02

Hælisleitandi grunaður um morð

Erlendur karlmaður, sem hefur verið dæmdur í 45 daga fangelsi hér á landi, er grunaður um morð í heimalandi sínu Grikklandi. Maðurinn kom hingað til lands 20. september. Við komuna framvísaði hann vegabréfi sem reyndist vera falsað. Hann óskaði þá eftir hæli hér á landi og eftir að hælismeðferð var maðurinn ákærður fyrir skjalafals.

Innlent 23.10.2005 15:02

Kærður fyrir að áreita stúlkur

Karlmaður á Akranesi hefur verið kærður til lögreglu fyrir að senda ungum stúlkum í bænum kynferðisleg skilaboð í gegnum farsíma. Maðurinn var ákærður fyrir að hafa beitt unga frænku sína grófu kynferðislegu ofbeldi um sex ára skeið fyrir nokkrum árum, en sýknaður í Hæstarétti vegna slælegra vinnubragða við rannsókn málsins.

Innlent 23.10.2005 15:02

Bæjarstjórn áminnt

Félagsmálaráðuneytið áminnti Bæjarstjórn Vestmannaeyja og gerði alvarlegar athugasemdir við drátt á afgreiðslu á þriggja ára áætlun Vestmannaeyjabæjar um að ganga inn í eignarhaldsfélagði Fasteign hf.

Innlent 23.10.2005 15:02

Kjarasamningum sagt upp?

Kjarasamningum kann að verða sagt upp um áramót vegna rangrar stjórnarstefnu, sem leitt hefur til þess að verðbólga er tvöfalt hærri en gert var ráð fyrir þegar kjarasamningar voru undirritaðir, segir í ályktun stjórnar Eflingar.

Innlent 23.10.2005 15:02

Neðanjarðarspilling

Þjóðin fær vart trúað að svona neðanjarðarspilling sé til staðar," sagði Guðjón A. Kristjánsson, formaður Frjálslynda flokksins, þegar hann lagði út af fréttum um aðdraganda Baugsrannsóknarinnar í umræðum um stefnuræðu forsætisráðherra.

Innlent 23.10.2005 15:02

Símasamband komið á

Eðlilegt símasamband er komið á í Kópavogi og Hafnarfirði en truflanir urðu á bæði fastlínu og GSM-sambandi vegna ljósleiðarabilunar í morgun. Einnig olli hún truflunum á GSM-sambandi á höfuðborgarsvæðinu.

Innlent 23.10.2005 15:02

Stærsta flugvél í heimi á Íslandi

Stærsta flugvél í heimi, Antonov 225, lenti á Keflavíkurflugvelli í nótt á leið sinni til Bandaríkjanna. Hún var að koma frá Grikklandi með gríðarstórar rafstöðvar sem nota á á hamfarasvæðunum í suðurríkjum Bandaríkjanna.

Innlent 23.10.2005 15:02