Innlent

Fréttamynd

Ríkisstjórnin skipar nýja fjölmiðlanefnd

Ríkisstjórnin ákvað í morgun að skipa nýja fjölmiðlanefnd til að leggja grunninn að nýju frumvarpi um íslenska fjölmiðla. Nefndin verður skipuð sjö manneskjum úr öllum stjórnmálaflokkum.

Innlent
Fréttamynd

Sjálfstæðiflokkurinn með mikinn meirihluta samkvæmt könnun

Sjálfstæðisflokkurinn er með mikinn meirihluta í Reykjavík samkvæmt nýrri skoðanakönnun frá Gallup. Framsóknarflokkurinn næði ekki inn manni en um þrjátíu prósent borgarbúa treysta Birni Inga Hrafnssyni, sem stefnir á efsta sæti á lista framsóknarmanna, til að gegna starfi borgarstjóra.

Innlent
Fréttamynd

Sambönd iðnaðarmanna á Norðurlöndum sameinast

Eitt norrænt iðnaðarmannasamband verður til um áramótin en þá sameinast Samband málmiðnaðarmanna og Samband starfsfólks í efna-, pappírs- og textíliðnaði. Samkvæmt frétt á heimasíðu Samiðnar verða félagsmenn yfir 1,2 milljónir í 22 samböndum.

Innlent
Fréttamynd

Ríflega helmingur Suðurnesjamanna hefur hamborgarhrygg

Rösklega helmingur Suðurnesjamanna, eða 55 prósent, ætlar að hafa hamborgarhrygg í jólamatinn, samkvæmt skoðanakönnun Víkurfrétta. Næst kemur kalkún, en fimm prósent ætla að hafa hann, fjögur prósent rjúpu, tvö prósent önd en rúmlega þirðjungur er enn óákveðinn.

Innlent
Fréttamynd

Launavísitala hækkaði um 0,6 prósent í nóvember

Launavísitala var 272,3 stig í síðasta mánuði og hækkaði um 0,6 prósent frá fyrra mánuði. Þetta kemur fram í nýjum tölum frá Hagstofunni. Síðastliðna tólf mánuði hefur launavísitalan hækkað um 7,3 prósent.

Innlent
Fréttamynd

Grjóthrun á þjóðveginn í Hvalnesskriðum

Grjót hrundi niður á þjóðveginn í Hvalnesskriðum á milli Hafnar í Hornafirði og Djúpavogs á fjórða tímanum í nótt og áttu flutningabílar í erfiðleikum með að komast leiðar sinnar. Vegurinn var þó jeppafær.

Innlent
Fréttamynd

Fartölvum stolið á tveimur stöðum

Þjófar brutust inn í íbúð við Hringbraut í Reykjavík í gærkvöldi og stálu þaðan meðal annars nýrri fartölvu. Þá barst tilkynning um innbrot í tölvuverslun við Suðurlandsbraut á fimmta tímanum í nótt. Þar náðu þjófar að stela þremur nýjum fartölvum og komast undan áður en lögregla kom á vettvang.

Innlent
Fréttamynd

Jafnt kynjahlutfall á framboðslista sjálfstæðismanna

Jafnt hlutfall er á milli karla og kvenna á framboðslista Sjálfstæðisflokksins í Reykjavík fyrir komandi borgarstjórnarkosningar, en fulltrúaráð sjálfstæðisfélaganna í borginni gekk frá listanum í gær. Í efstu tíu sætum eru fimm karlar og fimm konur.

Innlent
Fréttamynd

Ekið á hross á Eyrarbakkavegi í nótt

Maður ók bíl sínum á hross á Eyrarbakkavegi í myrkri og hálku í nótt og meiddist hesturinn svo mikið að lögregla aflífaði hann á staðnum. Fleiri hestar höfðu sloppið út úr girðingu og hafði bóndinn orðið þess var og var að leita að þeim þegar slysið varð. Bíllinn stórskemmdist og var óökufær eftir.

Innlent
Fréttamynd

Sex slösuðust í þremur umferðarslysum

Sex voru fluttir á sjúkrahús eftir þrjú umferðarslys í gærkvöldi en engin meiddist lífshættulega. Fyrst þrír eftir harðan árekstur á Akureyri undir kvöld, aíðan tveir eftir harðan árekstur í Hafnarfirði á níunda tímanum og skömmu síðar einn eftir að bíll valt á Þorlákshafnarvegi.

Innlent
Fréttamynd

Falsaði lyfseðla og rauf skilorð

Maður sem framvísaði fölsuðum lyfseðli í verslun Lyfju við Smáratorg í Kópavogi í vor var í gær dæmdur í þriggja mán­aða fang­elsi í Héraðsdómi Reykja­ness. Dómurinn er skilorðsbundinn í tvö ár. Með broti sínu nú rauf maður­inn skilorð fyrri dóms, en þá var hann dæmdur fyrir að hafa brotist inn í átta bíla og stolið úr þremur þeirra.

Innlent
Fréttamynd

Útblástur koltvísýrings aukist um 14,5% í Reykjavík

Magn svifryks í Reykjavík hefur minnkað frá árinu 1995, en séu einungis skoðuð síðastliðin þrjú ár kemur í ljós að svifrykið hefur aukist. Þetta er meðal þess sem kemur fram í nýrri skýrslu Umhverfissviðs Reykjavíkurborgar.

Innlent
Fréttamynd

Félagsmálaráðherra segir það aldrei hafa hvarflað að sér af segja af sér embætti

Árni Magnússon félagsmálaráðherra segir aldrei hafa hvarflað að sér að segja af sér embætti vegna hæstaréttardóms í máli fyrrverandi jafnréttisstýru. Þingflokkur Framsóknarflokksins kom saman til fundar í dag og ræddi í fyrsta sinn málið og viðbrögð ráðherrans. Fundurinn tók þó enga afstöðu. Hvorki var lýst yfir stuðningi eða vantrausti á ráðherra.

Innlent
Fréttamynd

Langstærsta verkefni austfirskra verktaka

Tugir manna þramma nú um fjöll og firnindi Austfjarða. Þetta eru þó ekki jólasveinar heldur starfsmenn Héraðsverks að steypa undirstöður háspennulínu vegna álversins í Reyðarfirði. Þetta er langstærsta verkefni sem austfirskur verktaki hefur tekið að sér.

Innlent
Fréttamynd

Tveir fluttir á slysadeild eftir árekstur

Tveir voru fluttir á slysadeild Landspítala-Háskólasjúkrahús eftir árekstur tveggja fólksbíla á Reykjavíkurvegi klukkan hálf níu í kvöld, meiðsl þeirra eru þó ekki alvarleg. Bílarnir tveir lentu saman á Reykjavíkurvegi í Hafnarfirði á móts við Stakkahraun og valt annar bíllinn. Að sögn slökkviliðsins á Höfuðborgarsvæðinu, sem kvatt var á vettvang, var rigning og dimmt þegar slysið átti sér stað.

Innlent
Fréttamynd

Actavis eitt af fimm stærstu samheitafyrirtækjum heims

Actavis er orðið eitt af fimm stærstu samheitalyfjafyrirtækjum heims eftir að fyrirtækið gekk frá kaupum á Alpharma lyfjafyrirtækinu. Actavis Group tilkynnti í dag að kaupum á samheitalyfjastarfsemi alþjóðlega lyfjafyrirtækisins Alpharma væri formlega lokið.

Innlent
Fréttamynd

Hugsanlega um lögbrot að ræða

Fyrrverandi framkvæmdastjóri Slippstöðvarinnar á Akureyri segir eigendur félagsins ekki hafa gert tilraun til að bjarga því frá gjaldþroti. Hann telur margt óljóst varðandi eignatilfærslur frá Slippstöðinni skömmu fyrir gjaldþrot félagsins og segir hugsanlegt að lög hafi verið brotin.

Innlent
Fréttamynd

Líkur á hvítum jólum á höfuðborgarsvæðinu jukust í dag

Líkurnar á hvítum jólum á höfuðborgarsvæðinu jukust skyndilega í dag. En undanfarna tvo áratugi hefur aðeins verið frost í Reykjavík á aðfangadag og jóladag í helmingi tilvika. Hitinn hefur verið allt upp í átta stig. Haukur Holm horfði um öxl til jólaveðurs í dag.

Innlent
Fréttamynd

Engin tímamót

Formenn Samfylkingarinnar og Vinstri-grænna segja samkomulagið á ráðherrafundi Alþjóðaviðskiptastofnunarinnar sem lauk í Hong Kong í gær hvorki marka tímamót hér á landi né erlendis. Samþykkt var að fella niður útflutningsstyrki fyrir búvörur fyrir árið 2013 en þeir voru afnumdir hérlendis árið 1990. Þá hefur Ísland þegar fellt niður tolla og kvóta á fjölmörgum vörum frá fátækustu ríkjunum.

Innlent
Fréttamynd

Staðgreiðsluprósentan lækkar um áramótin

Staðgreiðsluprósentan lækkar um 1,01% nú um áramótin. Samtímis fellur niður bæði hátekjuskattur og eignaskattur en brottfall eignaskatts markar söguleg tímamót því hann hefur verið við lýði hérlendis frá því á 11. öld.

Innlent
Fréttamynd

Jóhannes í Bónus hlýtur verðlaun ísfirsku alþýðunnar

Jóhannes Jónsson sem kenndur er við Bónus hefur hlotið verðlaun ísfirsku alþýðunnar fyrstur manna, að því fram kemur á vef Bæjarins besta. Til verðlaunanna var stofnað í haust á ársafmæli Heimastjórnarhátíðar alþýðunnar á Ísafirði.

Innlent
Fréttamynd

Þrettán efstu sætin í samræmi við niðurstöðu prófkjörsins

Framboðslisti Sjálfstæðisflokksins fyrir borgarstjórnarkosningarnar næsta vor var kynntur nú fyrir stundu. Þrettán efstu sætin eru í samræmi við niðurstöðu prófkjörsins sem fram fór í nóvember. Vilhjálmur Þ. Vilhjálmsson leiðir listann og Birgir Ísleifur Gunnarsson, fyrrverandi Seðlabankastjóri, skipar heiðursætið á listanum.

Innlent
Fréttamynd

Tveir vilja brauðið

Tveir umsækjendur eru um embætti sóknarprests í Hallgrímsprestakalli Reykjavíkurprófastsdæmi vestra. Umsækjendurnir eru séra Jón Dalbú Hróbjartsson og séra Pjetur Þorsteinn Maack.

Innlent
Fréttamynd

Krónan veiktist

Krónan veiktist í dag um 1,33% í viðskiptum upp á á 18 milljarða króna. Í hálf fimm fréttum KB banka segir að um sé að ræða óvenju mikla hreyfingu á einum degi í ljósi þess að engar nýjar fréttir hafi borist sem gætu réttlætt veikinguna.

Innlent

Mest lesið