Fréttir

Fréttamynd

Fundað um varnarsamninginn í dag

Fulltrúar íslenskra stjórnvalda funda með fulltrúum Bandaríkjastjórnar um framtíð varnarsamningsins í Washington í dag. Að sögn aðstoðarmanns Geirs H. Haarde utanríkisráðherra sér ekki fyrir endann á viðræðunum á næstunni en aðalágreiningsefnið er skipting kostnaðar við rekstur herstöðvarinnar.

Innlent
Fréttamynd

Krefst átta milljóna

Lithái, sem gerður var brottrækur héðan af landi 2001, hefur stefnt íslenska ríkinu og krefst rúmlega átta milljón króna í bætur. Árið 1995 nauðgaði og myrti Litháinn ungri konu í heimalandi sínu, en var dæmdur ósakhæfur vegna ofsóknarkennds geðklofa og sendur á réttargæsludeild. Fjórum árum síðar var hann látinn laus, og settist skömmu síðar að á Íslandi.

Innlent
Fréttamynd

Þarf ekki að greiða makalífeyri

Héraðsdómur Reykjavíkur sýknaði lífeyrissjóð starfsmanna ríkisins í gær af kröfu konu á fimmtugsaldri, sem vildi fá makalífeyri látins föður síns greiddan. Konan sótti um makalífeyrinn eftir lát föður síns árið 1995, en hún hafði um árabil haldið heimili með föður sínum og annast bæði hann og heimilið.

Innlent
Fréttamynd

Stefndi í óeirðir í Grindavík

Á fjórða tug reiðra ungmenna á nokkrum bílum héldu frá Keflavík til Grindavíkur á tíunda tímanum í gærkvöld til að jafna einhverjar óljósar sakir við ungmenni þar, og stefndi í óeirðir. Lögreglunni í Keflavík var gert viðvart, sem sendi þegar nokkra lögreglumenn á tveimur bílum á vettvang, og tókst lögreglumönnunum að stilla til friðar áður en til átaka kom.

Innlent
Fréttamynd

Blóðugasta tímabil frá innrásinni

Fjórir létust og þrír særðust í árásum í suðurhluta Afganistans í gærkvöldi.  Um ellefu hundruð manns hafa fallið í átökum í Afganistan það sem af er þessu ári, sem er þar með það blóðugasta síðan Bandaríkjamenn réðust inn í landið fyrir fjórum árum.

Erlent
Fréttamynd

Alheimsfaraldur ekki í nánd

Markos Kyprianou, sem fer með heilbrigðis- og neyslumál í framkvæmdastjórn Evrópusambandsins, segir fuglaflensutilvikin sem komið hafi upp í suðausturhluta Evrópu í vikunni ekki gefa tilefni til að ætla að alheimsfaraldur sé í nánd.

Erlent
Fréttamynd

Hættir að taka við sjúklingum

Sjálfstætt starfandi hjartasérfræðingar íhuga nú að segja upp samningi við Tryggingastofnun ríkisins, að sögn Axels Sigurðssonar sem sæti á í stjórn Félags sjálfstætt starfandi hjartalækna. Þeir eru farnir að stöðva bókanir þar til eftir áramót, nema mikið liggi við. Þetta á sér einnig stað í öðrum sérfræðigreinum.

Innlent
Fréttamynd

Fá að sækja strandgæslumenn

Norska strandgæslan hefur fengið leyfi til að sækja tvo strandgæslumenn um borð í rússneska togarann Elektron. Igor Dygalo, talsmaður rússneska norðurflotans, tilkynnti fyrir stundu að norska strandgæslan hefði fengið leyfi til að fara um inn í rússneska lögsögu til að sækja strandgæslumennina. Þeir mega þó ekki sækja þá fyrr en á morgun.

Erlent
Fréttamynd

Samkomulag í Kópavogi

Starfsmannafélag Kópavogs og launanefnd sveitarfélaga náðu nú á fjórða tímanum samkomulagi vegna nýrra kjarasamninga bæjarstarfsmanna Kópavogs.

Innlent
Fréttamynd

Herferð gegn Darwinisma

Bandarískur dómstóll fjallar nú um hvort grunnskóli nokkur megi kenna svonefnda heimshönnuðarkenningu sem valkost við þróunarkenninguna.

Erlent
Fréttamynd

Öflugur eftirskjálfti í Kasmír

Öflugur eftirskjálfti reið yfir Kasmírhérað í morgun en ekki hafa fengist upplýsinga um hversu stór hann var. Skjálftinn vakti mikinn ótta meðal hjálparstarfsmanna og fórnarlamba stórskjálftans sem varð yfir fimmtíu og fjögur þúsund manns að bana fyrir rúmri viku en sá skjálfti var 7,6 á Richter.

Erlent
Fréttamynd

Heliosvél snúið við vegna bilunar

Flugvél kýpverska flugfélagsins Helios þurfti að snúa aftur til Kýpur þegar bilunar varð vart skömmu eftir flugtak. Þetta er í þriðja skipti á innan við mánuði sem flugvélar félagsins verða að breyta út af áætlun sinni vegna tæknivandamála. 121 fórst þegar flugvél frá Helios hrapaði í fjöllunum norður af Aþenu, höfuðborg Grikklands, í ágúst.

Erlent
Fréttamynd

Vill handtaka hermenn vegna morðs

Dómari við dómstól á Spáni hefur gefið út alþjóðlega handtökuskipun á hendur þremur bandarískum hermönnum í tengslum við dauða spænsks myndatökumanns í Írak. Maðurinn léstn í apríl 2003 þegar skotið var úr skriðdreka á Palestine-hótelið í Bagdad sem var aðsetur flestra blaðamanna skömmu eftir innrás bandamanna í Írak.

Erlent
Fréttamynd

Kominn inn í rússneska landhelgi

Rússneski togarinn Elektron, sem tekinn var við ólöglegar veiðar við Svalbarða á laugardag en stakk síðan af með tvo norska strandgæslumenn, er kominn inn í rússneska landhelgi. Togarinn er á leið til Múrmansk í fylgd rússnesks herskips sem beið hans við landhelgismörkin.

Erlent
Fréttamynd

Kynntu sín sjónarmið

Albert Jónsson, sendiherra, sagði í samtali við fréttastofuna að það væri rangt að hann hefði stormað út af fundi vegnar varnarsamstarfsins. Nefndarmenn hefðu rætt saman og kynnt sjónarmið sín. Í ljós hafi komið að málið væri ekki komið á stig efnislegra samningaviðræðna.

Innlent
Fréttamynd

Bóman inn á bílastæði

Byggingarkrani sporðreistist skammt neðan Landspítala í Fossvogi í gær og lagðist bóman ásamt hlassinu þvert yfir Sléttuveg og inn á bílastæði Landspítalans. Mildi þykir að enginn skyldi slasast því umferð að spítalanum er að jafnaði talsverð.

Innlent
Fréttamynd

Stendur við ummælin

Hannes Hólmsteinn Gissurarson prófessor segir að hann standi við orð sín um Jón Ólafsson og bendir í því sambandi á umfjöllun Morgunpóstsins frá árinu 1995 þar sem Jón var bendlaður við fíkniefnamisferli. „Lykilsetningin í ummælum mínum um Jón Ólafsson er einmitt: Það hefur verið fullyrt,“ segir Hannes.

Innlent
Fréttamynd

Fá frí vegna baráttudags kvenna

Verzlunarmannafélag Reykjavíkur hefur ákveðið að gefa starfsmönnum sínum frí frá klukkan 14.08 á mánudaginn kemur í tilefni af kvennafrídeginum, en þá eru liðin 30 ár frá því að tugþúsundir kvenna söfnuðust saman í miðborginni og kröfðust jafns réttar á við karla.

Innlent
Fréttamynd

Skoða ný lög um sölu ríkiseigna

Halldór Ásgrímsson forsætisráðherra telur að endurskoða þurfi verklagsreglur um einkavæðingu og hugsanlega setja lög um sölu ríkiseigna. Hann hyggst nú skipa starfshóp sem í samráði við framkvæmdanefnd um einkavæðingu á að gera á tillögur um hvort rétt sé að endurskoða verklagsreglurnar. Tillaga Halldórs var samþykkt á ríkisstjórnarfundi í gær.  

Innlent
Fréttamynd

25% eignarhlutur of hár

Þorgerður Katrín Gunnarsdóttir menntamálaráðherra og varaformaður Sjálfstæðisflokksins segir í viðtali við <em>Morgunblaðið</em> að hún telji að 25 prósenta hámark á eignarhlut, eins eða tengdra aðila, í fjölmiðlum sé of hátt. Hún tekur þar með undir orð Geirs H. Haarde, formanns flokksins, sem lýsti þessari sömu skoðun um helgina en á sínum tíma náðist svonefnd þverpólitísk sátt um 25 prósenta markið.

Innlent
Fréttamynd

Stendur ekki við orð sín

Bæði Halldór Ásgrímsson, forsætisráðherra, og Þorgerður Katrín Gunnarsdóttir, menntamálaráðherra, segja að lagafrumvarp sem væntanlegt sé um fjölmiðla, verði byggt á skýrslunni sem fjölmiðlanefndin lagði fram í vor. Þorgerður Katrín sagði síðan að ekki væri hægt að tryggja hver endanleg niðurstaða Alþingis verði.

Innlent
Fréttamynd

Borga 76 milljónum of mikið

Stjórnendur Allra handa segja samninga Vegagerðarinnar við Kynnisferðir um rútuferðir milli Reykjavíkur og Keflavíkurflugvallar kosta ríkissjóð 76 milljónum króna meira en ef samið hefði verið við Allrahanda.

Innlent
Fréttamynd

Átaksverkefni Rauða krossins

Rauði Kross Íslands stendur þessa vikuna fyrir átaksverkefni um neyðarsímann 1717 þar sem fólk með ýmis vandamál getur hringt og rætt mál sín. Sérstök áhersla er lögð á að ná til ungs fólks sem er að koma út úr skápnum og á oft í erfiðleikum með að höndla þau mál persónulega og í samskiptum við foreldra, ættingja og vini.

Innlent
Fréttamynd

Tugir milljóna í uppkaup á húsum

Bolungarvíkurkaupstaður gæti þurft að greiða tugir milljóna úr eigin vasa vegna uppkaupa á húsum sem standa á snjóflóðahættusvæði við Dísarland. Bætur Ofanflóðasjóðs til Bolungarvíkurkaupstaðar vegna uppkaupa á húsum á snjóflóðahættusvæði verða sem nemur markaðsvirði húsanna sem kaupstaðurinn keypti.

Innlent
Fréttamynd

Á rétt á tæpum 2 milljónum

Davíð Oddsson, fyrrum forsætisráðherra, hefur störf sem seðlabankastjóri í dag. Samkvæmt nýju eftirlaunalögunum hefur Davíð rétt á töku eftirlauna fyrir ráðherratíma sinn auk þess að þiggja laun sem seðlabankastjóri.

Innlent
Fréttamynd

1,8% atvinnuleysi í landinu

Tvö þúsund og níu hundruð manns voru að meðaltali án vinnu hér á landi á þriðja ársfjórðungi ársins, eða 1,8% vinnuaflsins. Atvinnuleysi mældist 1,2% hjá körlum en 2,4% hjá konum. Atvinnuleysið var mest meðal fólks á aldrinum 16-24 ára, eða 3,5%.

Innlent
Fréttamynd

Forsetahjón heimsækja Hafnarfjörð

Forseti Íslands, Ólafur Ragnar Grímsson, og Dorrit Moussaieff forsetafrú fara í opinbera heimsókn til Hafnarfjarðar á föstudaginn kemur. Heimsóknin hefst klukkan níu að morgni föstudagsins þegar Lúðvík Geirsson bæjarstjóri, Guðmundur Sophusson sýslumaður og aðrir forsvarsmenn Hafnarfjarðarbæjar taka á móti forsetahjónunum bæjarmörk Hafnarfjarðar og Garðabæjar við Garðaveg.

Innlent
Fréttamynd

Varðveitum sátt fjölmiðlanefndar

Ingibjörg Sólrún Gísladóttir, formaður Samfylkingarinnar, spurði forsætisráðherra í upphafi þingfundar í gær hvort til stæði að rjúfa þá sátt sem hún teldi liggja fyrir í fjölmiðlamálinu og lagður hefði verið grunnur að í fjölmiðlanefnd sem skilaði niðurstöðum sínum síðastliðið vor.

Innlent

Mest lesið