Fréttir

Fréttamynd

Hótar hryðjuverkaárásum

Maður sem talinn er vera einn alræmdasti hryðjuverkamaður í Asíu, segir á myndbandi sem hann sendi frá sér í gær að Ástralía, Bandaríkin og Bretland verði skotmörkin í næstu árásum Jemaah Islamiya samtökunum, sem tengjast Al Qaida.

Erlent
Fréttamynd

Boðað til kosninga í febrúar

Ariel Sharon, forsætisráðherra Ísraels hefur tilkynnt Amir Peretz, leiðtoga verkamannaflokksins, að hann styðji að boðað verði til nýrra kosninga í landinu.

Erlent
Fréttamynd

Kastró með Parkinson-veiki?

Leyniþjónusta Bandaríkjanna, CIA, hefur dregið þá ályktun að Fidel Castro, leiðtogi Kúbu, sé með Parkinsons-veikina.

Erlent
Fréttamynd

Bretar framselja fanga

Stjórnvöld í Bretlandi hafa heimilað að breskur ríkisborgari, Babar Ahmad, verði framseldur til Bandaríkjanna. Babar Ahmed, sem er tölvunarfræðingur, er ákærður fyrir peningaþvætti og að reka vefsíður sem styðja hryðjuverk og hvetja múslima til að fara í heilagt stríð.

Erlent
Fréttamynd

Barátta í prófkjöri Sjálfstæðisflokks í Hafnarfirði

Barist er um sætin í prófkjöri Sjálfstæðisflokksins í Hafnarfirði sem fram fer á laugardag. Bæjarfulltrúarnir Valgerður Sigurðardóttir og Haraldur Þór Ólafsson bjóða sig fram í fyrsta sæti. Þá er einnig slegist um önnur sæti listans þar sem þrír af núverandi fimm bæjarfulltrúum flokksins gefa ekki kost á sér. Sextán manns gefa kost á sér í prófkjörið, átta konur og átta karlar.

Innlent
Fréttamynd

Forsetakosningar í Sri Lanka

Í dag eru forsetakosningar á Sri Lanka. Kosið er milli tveggja ólíkra frambjóðenda. Annars vegar er það hinn vinstri sinnaði forsætisráðherra Mahinda Rajapakse sem vill taka hart á frelsissveitum Tamil-tígranna. Hins vegar er það fyrrum forsætisráðherrann og leiðtogi stjórnarandstöðunnar, Ranil Wickremesinghe, sem kom á friði eftir langa borgarastyrjöld árið 2002 og er sáttarfúsari gagnvart tamílska minnihlutanum.

Erlent
Fréttamynd

Nýr seðlabankastjóri í Bandaríkjunum

Ben Bernanke, hefur verið tilnefndur af bankaráði Seðlabanka Bandaríkjanna, sem næsti seðlabankastjóri landsins en Bernanke hefur verið helsti ráðgjafi Bandaríkjaforseta í efnahagsmálum.

Erlent
Fréttamynd

Bandaríska flugvélin ófarin

Bandaríska flugvélin, sem lenti á Reykjavíkruflugvelli í gær og grunur leikur á að sé ein af svonefndum draugavélum, sem bandaríska leyniþjónustan CIA notar til ólöglegra fangaflutninga, var þar enn um klukkan sjö í morgun.

Innlent
Fréttamynd

Láta byggja fjögur ný skip

Brim, Útgerðarfélagið Tjaldur og KG-fiskverkun, sem öll eru í eigu Guðmundar Kristjánssonar útgerðarmanns, ætla að láta smíða fyrir sig fjögur ný línuveiðiskip. Búist er við að fyrstu skipin fari til veiða á fyrri hluta árs 2007.

Innlent
Fréttamynd

Geðlæknar yfirheyra fanga í Guantanamo

Bandarískir læknar segja þátttöku geðlækna og sálfræðinga við yfirheyrslur fanga í Guantanamo fangelsinu vekja upp alvarlegar siðferðilegar spurningar. Siðanefnd bandaríska læknafélagsins skoðar hvort geðlæknar, sem tekið hafa þátt í yfirheyrslum fanga, hafi brotið gegn Hippókratesar-eið sínum.

Erlent
Fréttamynd

Eimskip tekur við nýju frystiskipi í Noregi

Eimskip tók við nýju frystiskipi sem hlotið hefur nafnið Svartfoss, í Álasundi í Noregi í gær. Burðargeta skipsins er 2.500 tonn en þetta er fyrsta nýsmíði á frystiskipi af þessari stærð í heiminum í rúma tvo áratugi.

Innlent
Fréttamynd

Skrópaði í herþjónustu

Þær fregnir hafa borist frá Bandaríkjunum að körfuboltamaðurinn Vlade Divac, sem nýlega lagði skóna á hilluna og er farinn að starfa sem útsendari fyrir LA Lakers í Evrópu, hafi skrópað í herþjónustu í heimalandi sínu Serbíu og Svartfjallalandi og hefur herinn nú lagt fram kæru á hendur honum.

Sport
Fréttamynd

Bryant og Iverson skoruðu 42 stig

Átta leikir voru á dagskrá í NBA deildinni í körfubolta í nótt. Kobe Bryant hjá LA Lakers og Allen Iverson hjá Philadelphia voru í miklu stuði og leiddu lið sín til sigurs með því að skora 42 stig.

Sport
Fréttamynd

Opna söluskrifstofu í Kanada

Landsbankinn hyggst opna söluskrifstofu í Halifax í Kanada. Bankinn hyggst bjóða reynslu sína í tengslum við sjávarútveg til að þjónusta viðskiptavinum á austurströnd Kanada.

Innlent
Fréttamynd

Handtekin fyrir að reykja kannabisefni

Par á þrítugsaldri var handtekið um níu leytið í kvöld en þau voru að reykja kannabisefni. Tilkynning barst lögreglunni í Reykjavík um að parið væri í bíl og að vegfarendur hefðu orðið varir við undarlega hegðun þeirra. Þeim var sleppt að loknum yfirheyrslum.

Innlent
Fréttamynd

Valur á toppinn

Valsmenn skelltu sér á toppinn í DHL-deild karla í kvöld með góðum sigri á Fram í Laugardalshöllinni 27-24, eftir að staðan hafði verið 12-13 í hálfleik. ÍBV og KA skyldu jöfn 32-32 í Eyjum, en leik Hauka og Stjörnunnar lauk einnig með jafntefli, 28-28.

Sport
Fréttamynd

NFS fer í loftið á föstudag

Næsta föstudag munu 365 miðlar efna til byltingar í íslensku sjónvarpi. Þá hefjast útsendingar frá nýrri sjónvarpsstöð, NFS eða Nýju fréttastöðinni, sem mun svala fréttaþorsta Íslendinga frá morgni til miðnættis með ýtarlegri hætti en áður hefur tíðkast á Íslandi.

Innlent
Fréttamynd

Tékkar og Spánverjar áfram

Tékkar tryggðu sér farseðilinn í sína fyrstu heimsmeistarakeppni í kvöld þegar þeir lögðu Norðmenn með einu marki gegn engu og samanlagt 2-0. Það var Tomas Rosicky sem skoraði mark Tékka. Þá komust Spánverjar auðveldlega áfram eftir 1-1 jafntefli við Slóvaka í kvöld og samtals 6-2.

Sport
Fréttamynd

Deilt um hæfi Björns

Sérskipaður ríkissaksóknari í Baugsmálinu, Sigurður Tómas Magnússon, sagði í dómsal í dag að þótt ekki mætti lesa sérstaka velvild úr skrifum dómsmálaráðherra í garð Baugs, þá efaðist hann ekki um hæfi ráðherra til að hafa afskipti af málinu. Verjendur héldu hins vegar fram vanhæfi dómsmálaráðherra til að skipa Sigurð Tómas til að fara með málið í heild.

Innlent
Fréttamynd

Réttur samkynhneigðra jafnaður

Þjóðkirkjan verður ekki þvinguð til að gefa saman samkynhneigð pör, en hins vegar verður réttur þeirra að öðru leiti jafnaður á við rétt gagnkynhneigðra, segir forsætisráðherra.

Innlent
Fréttamynd

Svisslendingar áfram

Svisslendingar eru komnir á HM í Þýskalandi á næsta ári, þrátt fyrir 4-2 tap í Tyrklandi í kvöld. Fyrri leikurinn endaði með sigri Svisslendinga 2-0 og því fara þeir áfram á mörkum skoruðum á útivelli. Tuncay Sanli skoraði þrennu fyrir Tyrki í leiknum, en það dugði ekki til og því sitja þeir eftir með sárt ennið í þetta skiptið.

Sport
Fréttamynd

Læt ekki teyma mig út í að spreða peningum

Arsene Wenger, stjóri Arsenal, ætlar ekki að taka upp budduna í janúar og spreða peningum í leikmenn nema einhver sérstakur leikmaður verði á lausu. Því er haldið fram að eitthvað sé til af peningum í bauknum hjá Arsenal þó félagið tali um að halda að sér höndum, en nöfn þeirra Dirk Kuyt og Fernando Torres hafa verið nefnd í því sambandi.

Sport
Fréttamynd

Varnarviðræður í lausu lofti

Varnarviðræður Íslands og Bandaríkjanna eru í lausu lofti og ekki hefur enn verið boðað til næsta samningafundar. Á fundi með blaðamönnum í dag sagði forsætisráðherra að síðasta útspil Bandaríkjamanna hafi komið á óvart og verið með öllu óviðunandi.

Innlent
Fréttamynd

Nýr Íslandsatlas

Íslandsatlas, viðamesta kortabók yfir Ísland sem gefin hefur verið út, sýnir landið eins og enginn hefur séð það áður. Forseti Íslands, Ólafur Ragnar Grímsson, og umhverfisráðherra, Sigríður Anna Þórðardóttir, tóku við fyrstu eintökunum að Bessastöðum í dag. Landið, allt frá hæstu tindum til annesja og eyja, er sýnt á kortum í mælikvarðanum einn á móti hundrað þúsund. Með starfrænni kortatækni eru svipbrigði landsins sýnd með ótrúlegri nákvæmni svo unnt er að skynja hæð fjalla, dýpt dala og víðaáttur öræfanna líkt og flogið væri yfir.

Innlent
Fréttamynd

Vinnuslys á Eskifirði

Vinnuslys varð við höfnina á Eskifirði á sjötta tímanum í dag. Maður sem vann við að hífa bíl féll þrjá metra af fletinu og bæði handleggs- og fótbrotnaði. Hann var fluttur með sjúkarflugi til Akureyrar skömmu eftir slysið og er líðan hans eftir atvikum.

Innlent
Fréttamynd

Vinna stöðvaðist hjá Fjarðaráli

Rafmagn fór af framkvæmdasvæði Fjarðaráls á Reyðarfirði í um klukkutíma nú fyrir kvöldmat. Stöðvaðist vinna á svæðinu á meðan. Rafmagn fór einnig starfmannaþorpinu en þar búa í kringum sjö hundruð manns. Rafmagnsleysið má rekja til bilunar í dreifikerfi RARIK.

Innlent

Mest lesið